ராம்ராஜ் காட்டன் வழங்கும்  ‘இந்து தமிழ் திசை - அன்பாசிரியர்’ விருது: ஜூன் 30-ம் தேதி வரை விண்ணப்பிக்க அவகாசம்

சென்னை: ​ராம்​ராஜ் காட்​டன் வழங்​கும் ‘இந்து தமிழ் திசை - அன்​பாசிரியர்’ விருதுகளை வழங்க ‘இந்து தமிழ் திசை’ நாளிதழ் பெரு​மை​யுடன் காத்​திருக்​கிறது. இதில் பங்​கேற்க விரும்​பும் ஆசிரியர்​கள் ஜூன் 22-ம் தேதிக்​குள் விண்​ணப்​பிக்​குமாறு தெரிவிக்​கப்​பட்​டிருந்​தது. தற்​போது பெரு​வாரி​யான ஆசிரியர்​களின் கோரிக்​கையை ஏற்​று, விண்​ணப்​பிக்​கும் காலஅவ​காசம் வரும் 30-ம் தேதி வரை நீட்​டிக்​கப்​பட்​டுள்​ளது.

மாணவர்​களுக்கு வழக்​க​மான பாடம் கற்​பிப்​பதுடன் நின்​று​வி​டா​மல், மாறு​பட்ட சிந்​தனை, புதுமை உணர்​வோடு மாணவர்​களின் திறன்​களை வளர்த்​து, சமூக அக்​கறை ஊட்​டி, நற்​பண்​பு​களைப் போதித்​து, பள்​ளியை​யும் மேம்​படுத்​தும் அர்ப்​பணிப்பு மிக்க ஆசிரியர்​களுக்கு ‘அன்​பாசிரியர்’ விருது வழங்​கப்​படு​கிறது. இந்த நிகழ்​வின் பங்​கு​தா​ரர்​களாக லெட்​சுமி செராமிக்ஸ் மற்​றும் பொன்​வண்டு டிடர்​ஜென்ட் நிறு​வனங்​கள் இணைந்​துள்​ளன.

தமிழ்​நாடு மற்​றும் புதுச்​சேரியைச் சேர்ந்த அரசு மற்​றும் அரசு உதவி​பெறும் பள்​ளி​கள் மற்​றும் மெட்​ரிக் பள்​ளி​களில் சிறப்​பாகப் பணி​யாற்​றும் ஆசிரியர்​கள், தொடர்ச்​சி​யாகக் கற்​பித்து வரும் தலைமை ஆசிரியர்​கள் இந்த விருதுக்கு விண்​ணப்​பிக்​கலாம். ஏற்​கெனவே அன்​பாசிரியர் விருது, மாநில, மத்​திய அரசு வழங்​கும் நல்​லாசிரியர் விருது பெற்​றவர்​கள், சிபிஎஸ்இ பள்ளி ஆசிரியர்​கள் விண்​ணப்​பிக்க வேண்​டாம். இந்த விருதுக்கு இணை​யம் வழி​யாக மட்​டுமே விண்​ணப்​பிக்க வேண்​டும்.

என்ன செய்ய வேண்​டும்? - விண்​ணப்​பிக்க விரும்​புவோர் https://www.htamil.org/AA2025 என்ற இணைய முகவரி​யில் உள்ள விண்​ணப்​பப் படிவத்தில் பதிவு செய்​து​கொள்ள வேண்​டும். அதனுடன் சுய​விவரக் குறிப்​பு, சாதனை​கள் அடங்கிய புகைப்​படங்​கள் / வீடியோக்​கள், ஊடக அங்​கீ​காரங்​கள், ஆசிரியரின் நன்​முயற்​சிகளுக்​குப் பிறகு மாணவர்​களின் செயல்​பாடு​களில் ஏற்​பட்ட முன்​னேற்​றம் ஆகிய​வற்​றுக்​கான ஆதா​ரங்​களை​யும் விண்​ணப்​பப் படிவத்​தில் பதிவு செய்ய வேண்​டும்.

விண்​ணப்​பங்​கள் பரிசீலிக்​கப்​பட்ட பிறகு, தேர்வு செய்​யப்​பட்ட ஆசிரியர்​களுக்​கான நேர்​காணல் ஆன்​லைன் வாயி​லாக நடை​பெறும். மூத்த கல்​வி​யாளர்​கள், பேராசிரியர்​கள், சமூக சிந்​தனை​யாளர்​கள் அடங்​கிய குழு​வினர் ஆன்​லைன் நேர்​காணலை நடத்​து​வார்​கள். தங்​களது சாதனை சான்​றிதழ்​கள், புகைப்​படங்​கள், வீடியோக்​கள், பிற விவரங்​களு​டன் ஆன்​லைன் நேர்​காணலில் ஆசிரியர்​கள் பங்​கேற்க வேண்​டும். தமிழ்​நாட்​டின் 38 மாவட்​டங்​கள் மற்​றும் புதுச்​சேரி, காரைக்​கால் 2 மாவட்​டங்​கள் என 40 மாவட்​டங்​களைச் சேர்ந்த ஆசிரியர்​களுக்​கு, மாவட்​டத்​துக்கு ஒரு​வர் வீதம் அன்​பாசிரியர் விருதுகள் வழங்​கப்பட உள்​ளன.

வரும் 30-ம் தேதிக்குள் https://www.htamil.org/AA2025 என்ற லிங்க்-ல் அல்லது இத்துடன் உள்ள க்யூஆர் கோடை ஸ்கேன் செய்து விண்ணப்பிக்கலாம். கூடுதல் தகவல்களுக்கு மு.முருகேசனை 7401329364 என்ற செல்போன் எண்ணில் அல்லது murugesan.m@hindutamil.co.in என்ற மின்னஞ்சல் வழியாக தொடர்புகொள்ளலாம்.