ராம​ராஜ் காட்​டன் நிறுவனம் சார்பில் ஆசிரியர்களுக்கு ‘இந்து தமிழ் திசை - அன்​பாசிரியர்’ விருது

​சென்னை: ராம​ராஜ் காட்​டன் வழங்​கும் ‘இந்து தமிழ் திசை - அன்​பாசிரியர்’ விருதுகளை வழங்க ‘இந்து தமிழ் திசை’ நாளிதழ் பெரு​மை​யுடன் காத்​திருக்​கிறது. மாணவர்​களுக்கு வழக்​க​மான பாடங்​களைக் கற்​பிப்​பதுடன் நின்​று​வி​டா​மல், மாறு​பட்ட சிந்​தனை, புதுமை உணர்​வோடு மாணவர்​களின் திறன்​களை வளர்த்​து, சமூக அக்​கறை ஊட்​டி, நற்பண்​பு​களைப் போதித்​து, பள்​ளியை மேம்​படுத்​தும் அர்ப்​பணிப்பு மிக்க ஆசிரியர்​களுக்​கு ‘அன்​பாசிரியர்’ விருது வழங்​கப்​படு​கிறது. இந்த நிகழ்​வின் பங்​கு​தா​ர​ராக பொன்​வண்டு டிடர்​ஜென்ட் நிறு​வனம் இணைந்​துள்​ளது.

தமிழ்​நாடு மற்​றும் புதுச்​சேரியைச் சேர்ந்த அரசு மற்​றும் அரசு உதவி​பெறும் பள்​ளி​கள் மற்​றும் மெட்​ரிக் பள்​ளி​களில் சிறப்​பாகப் பணி​யாற்​றும் ஆசிரியர்​கள், தொடர்ச்​சி​யாக கற்​பித்து வரும் தலைமை ஆசிரியர்​கள் இந்த விருதுக்கு விண்​ணப்​பிக்​கத்தகுதி​யானவர்​கள். ஏற்​கெனவே அன்​பாசிரியர் விருது, மாநில, மத்​திய அரசுகள் வழங்​கும் நல்​லாசிரியர் விருது பெற்​றவர்​கள், சிபிஎஸ்இ பள்ளி ஆசிரியர்​கள் உள்​ளிட்​டோர் விண்​ணப்​பிக்க வேண்​டாம். இந்த விருதுக்கு இணை​யம் வழி​யாக மட்​டுமே விண்​ணப்​பிக்க வேண்​டும்.

என்ன செய்ய வேண்​டும்? - விருதுக்கு விண்​ணப்​பிக்க விரும்​புவோர் https://www.htamil.org/AA2025 என்ற இணைய முகவரி​யில் உள்ள விண்​ணப்​பப்படிவத்​தில் பதிவு செய்​து​கொள்​ளுங்​கள். அதனுடன் சுய​விவரக் குறிப்​பு, சாதனை​கள் அடங்​கிய புகைப்​படங்​கள் / வீடியோக்​கள், ஊடக அங்​கீ​காரங்​கள், ஆசிரியரின் நன்​முயற்​சிகளுக்​குப் பிறகு மாணவர்​களின் செயல்​பாடுகளில்ஏற்​பட்ட முன்​னேற்​றம் ஆகிய​வற்​றுக்​கான ஆதா​ரங்​களை​யும் விண்​ணப்​பப் படிவத்​தில் பதிவு செய்​து​கொள்​ளுங்கள்.

விண்​ணப்​பங்​கள் பரிசீலிக்​கப்​பட்ட பிறகு, தேர்வு செய்​யப்​பட்ட ஆசிரியர்​களுக்​கான நேர்​காணல் ஆன்​லைன் வழி​யில் நடை​பெறும். மூத்த கல்​வி​யாளர்​கள், பேராசிரியர்​கள், சமூக சிந்​தனை​யாளர்​கள் அடங்​கிய குழு​வினர் ஆன்​லைன் நேர்​காணலை நடத்​து​வார்​கள். தங்​களது சாதனைச் சான்​றிதழ்​கள், புகைப்​படங்​கள், வீடியோக்​கள், பிற விவரங்​களு​டன் ஆன்​லைன் நேர்​காணலில் பங்​கேற்க வேண்​டும். தமிழ்​நாட்​டின் 38 மாவட்​டங்​கள் மற்​றும் புதுச்​சேரி, காரைக்​கால் 2 மாவட்​டங்​கள் என 40 மாவட்​டங்​களைச் சேர்ந்த ஆசிரியர்​களுக்​கு, மாவட்​டத்​துக்கு ஒரு​வர் வீதம் விருதுகள் வழங்​கப்பட உள்​ளன.