இந்தநாள் உங்களுக்கு எப்படி? 12 ராசிகளுக்கும் உரிய பலன்கள்

மேஷம்: இழுபறியாக இருந்துவந்த வேலைகளை மாறுபட்ட அணுகுமுறையால் முடித்துக் காட்டுவீர்கள். சில குழப்பங்களுக்கு உங்களின் அவசர முடிவுகள்தான் காரணம் என்பதை உணர்வீர்கள்.

ரிஷபம்: முக்கியப் பொறுப்புகளில் இருப்பவர்களின் நட்பும், உதவியும் கிடைக்கும்-. பூர்வீக சொத்தை மாற்றியமைப்பீர்கள். மகளின் திருமண பேச்சுவார்த்தையில் முன்னேற்றம் ஏற்படும்.

மிதுனம்: எதிர்த்தவர்கள் நண்பர்களாவார்கள். சாதுர்யமாகச் செயல்பட்டு காரியங்களை கச்சிதமாக முடிப்பீர்கள். பிள்ளைகளால் வெளிவட்டாரத்தில் பெருமை உண்டு. பணவரவு உண்டு.

கடகம்: புதிய சிந்தனைகள் தோன்றும். பிரபலங்கள் அறிமுகமாவார்கள். குடும்பத்தில் மகிழ்ச்சிகரமான சூழல் நிலவும். பிள்ளைகளின் திறமைகளை ஊக்குவிப்பீர்கள். கலைப்பொருட்கள் சேரும்.

சிம்மம்: வீண் சந்தேகம், பண விரயம், மறைமுக எதிர்ப்புகள் வந்து நீங்கும். விலை உயர்ந்த ஆபரணங்களை இரவல் தரவேண்டாம். உணவு விஷயத்தில் கட்டுப்பாட்டை கடைபிடியுங்கள்.

கன்னி: காரியத்தடைகள் நீங்கும். வீட்டுக்குத் தேவையான மின்சாதனங்கள் வாங்குவீர்கள். நீண்ட நாட்களாக விலகியிருந்த சொந்தபந்தங்கள் மீண்டும் தொடர்பு கொள்வார்கள்.

துலாம்: மனதில் நிலவிவந்த குழப்பங்களுக்கு நல்ல தீர்வு கிடைக்கும். பிள்ளைகளின் தேவைகளை உடனுக்குடன் நிறைவேற்றுவீர்கள். மனைவிவழி உறவினர்கள் தக்க சமயத்தில் உதவுவார்கள்.

விருச்சிகம்: உங்கள் அணுகுமுறையை மாற்றிக் கொள்வீர்கள். பணப்புழக்கம் அதிகரிக்கும். கணவன் - மனைவிக்குள் அன்யோன்யம் உண்டாகும். குழந்தைகளுடன் நேரத்தை செலவிடுவீர்கள்.

தனுசு: தெளிவான முடிவுகள் எடுப்பீர்கள். கணவன் - மனைவிக்குள் நிலவிய பனிப்போர் முடிவுக்கு வரும். பேச்சில் சாதுர்யம் வெளிப்படும்.. கேட்ட இடத்தில் உதவிகள் கிடைக்கும்.

மகரம்: ஓரளவு பணம் வரவு உண்டு. குடும்பத்தில் சந்தோஷம் நிலைக்கும். பிள்ளைகள் உங்கள் அறிவுரையை ஏற்றுக் கொள்வார்கள். அநாவசிய செலவுகளை குறைத்து சேமிக்கும் எண்ணம் வரும்.

கும்பம்: புதிய திட்டங்கள் நிறைவேறும். எதிர்த்தவர்கள் நண்பர்களாவார்கள். குடும்பத்தினரின் எண்ணங்களை பூர்த்தி செய்வீர்கள். அக்கம்பக்கத்தினர் ஆதரவாக இருப்பார்கள்.

மீனம்: வருங்காலத்தைப் பற்றிய கவலைகள் அடிக்கடி தொல்லை கொடுக்கும். கணவன் - மனைவிக்குள் கருத்து வேறுபாடுகள் வந்து நீங்கும். பழைய நினைவுகளில் அவ்வப்போது மூழ்குவீர்கள்.