இந்தநாள் உங்களுக்கு எப்படி? 12 ராசிகளுக்கும் உரிய பலன்கள்

மேஷம்: தொட்ட காரியங்கள் அனைத்திலும் வெற்றி கிட்டும். புதிய முயற்சிகள் பலிதமாகும். குடும்பத்தில் சுபகாரியங்களுக்கு ஏற்பாடாகும். ஆன்மிக காரியங்களை முன்னின்று நடத்துவீர்கள்.

ரிஷபம்: வெளிவட்டாரத்தில் மகிழ்ச்சி உண்டு. பிரபலங்களின் உதவி தக்க சமயத்தில் கிடைக்கும். அவர்களின் துணையுடன் சில காரியங்களை செய்து முடிப்பீர்கள். திடீர் பயணம் ஏற்படும்.

மிதுனம்: வீட்டை விரிவுபடுத்துவது, அழகுபடுத்துவது திட்டமிட்டபடி நிறைவேறும். சிலருக்கு அரசின் கவுரவப் பதவிகள் கிடைக்கும். இழந்ததைப் பெறுவீர்கள். சமூக அந்தஸ்து உயரும்.

கடகம்: ஆன்மிக பயணம் செல்வீர்கள். தியானம், யோகா ஆகியவற்றில் ஈடுபாடு அதிகரிக்கும். உங்களிடம் காணப்படும் அலட்சியப்போக்கால் சில சிக்கல்கள் வர வாய்ப்பிருக்கிறது.

சிம்மம்: தடைபட்ட வேலைகள் முழுமையடையும். நல்ல இடவசதியுடன் கூடிய வீட்டுக்கு குடி பெயர்வீர்கள். பிரபலங்களின் நட்பு கிடைக்கும். ஆடை, ஆபரணங்கள் வாங்கி மகிழ்வீர்கள்.

கன்னி: மறைமுக எதிரிகளைக் கண்டறிந்து ஒதுக்குவீர்கள். வேற்றுமதத்தவர்கள் உதவுவார்கள். நீண்டநாட்களாக எதிர்பார்த்து காத்திருந்த அயல்நாட்டுப் பயணம் சாதகமாக அமையும்.

துலாம்: தைரியம் பிறக்கும். மறைமுக எதிர்ப்புகளை சாதுர்யமாக வெல்வீர்கள். விஐபிக்களின் நட்பு கிடைக்கும். சொந்த ஊரில் மதிப்பு, மரியாதை கூடும். வாகனச் செலவு அதிகரிக்கும்.

விருச்சிகம்: நேர்மறை எண்ணம் தோன்றும். தூக்கமின்மை விலகும். தாயாரின் உடல்நலம் பாதிக்கக் கூடும். பயணங்களால் ஆதாயம் உண்டு. அடுத்தவர் விவகாரங்களில் தலையிட வேண்டாம்.

தனுசு: சகோதரர்களால் ஆதாயம் பெறுவீர்கள். விரும்பிய பொருட்களை வாங்கி மகிழ்வீர்கள். வேற்று மதத்தவரால் நன்மை உண்டு. பழைய வாகனத்தை மாற்றி புது வாகனம் வாங்குவீர்கள்.

மகரம்: புதிய முயற்சிகளில் ஆர்வம் பிறக்கும். எப்பொழுதோ வரவேண்டிய பணம் இப்பொழுது வந்து உங்களுக்கு கைகொடுக்கும். குலதெய்வ கோயிலுக்கு குடும்பத்துடன் சென்று வருவீர்கள்.

கும்பம்: எதிர்பாராத உடல்நலக்குறை, மனச்சோர்வு, பதற்றம் வந்துபோகும். உடன்பிறந்தவர்களிடையே மனக்கசப்புகள் ஏற்படலாம். வீண் விவாதங்களைத் தவிர்ப்பது நல்லது.

மீனம்: சிலர் உங்கள் மீது வீண்பழி சுமத்துவார்கள். கோயில் விழாக்களை முன்னின்று நடத்துவீர்கள். பிரபலங்களின் அறிமுகம் கிடைக்கும். பால்ய நண்பரை சந்தித்து மகிழ்வீர்கள்.