மேஷம் முதல் மீனம் வரை: இன்றைய ராசிபலன் @ 15 நவம்பர் 2025

மேஷம்: பழைய நண்பர்கள் தேடி வருவர். குடும்பத்தில் உள்ளவர்களின் உணர்வுகளை புரிந்து கொண்டு அதற்கு ஏற்ப உங்களை மாற்றிக் கொள்வீர். அக்கம் பக்கத்தினரை அனுசரித்து நடந்து கொள்ளவும். வியாபாரத்தில் லாபம் உண்டு. அலுவலகத்தில் விவாதங்களை தவிர்க்கவும்.

ரிஷபம்: விரும்பிய பொருட்களை வாங்கி மகிழ்வீர்கள். தம்பதிக்குள் இருந்த பனிப்போர் மறையும். பழைய பொருட்களை மாற்றுவீர். வியாபாரத்தில் லாபமுண்டு. புதிய யுக்திகளை கையாண்டு வாடிக்கையாளர்களை கவருவீர். அலுவலகத்தில் மதிப்பு, மரியாதை கூடும்.

மிதுனம்: கடனாக கொடுத்த பணத்தை வசூலிப்பீர்கள். தம்பதிக்குள் அன்யோன்யம் பிறக்கும். பிள்ளைகளின் சாதனைகளால் பெருமையடைவீர். உடல்நலத்தில் அதிக அக்கறை செலுத்தவும். உடன்பிறந்தவர்கள் உதவிகரமாக இருப்பார்கள். வியாபாரம், உத்தியோகம் சிறக்கும்.

கடகம்: கூடுதலான பணவரவால் வீட்டிலுள்ள பழைய பொருட்களை மாற்றுவீர்கள். அக்கம் பக்கத்தினரின் அன்புத் தொல்லை நீங்கும். உத்தி யோகத்தில் உயரதிகாரி பாராட்டும்விதமாக நடப்பீர். வியாபாரத்தில் பாக்கிகள் வசூலாகும். பங்குதாரர்களை பகைத்துக் கொள்ளாதீர்.

சிம்மம்: திட்டமிட்ட வேலையை குறித்த நேரத்தில் செய்து முடிப்பீர். வழக்குகளில் வெற்றி பெறுவீர்கள். உங்களால் பயனடைந்தோர் இப்போது உங்களுக்கு உதவி செய்வர். வியாபாரத்தில் பாக்கிகள் வசூலாகும். அலுவலகத்தில் அடுத்தவர் விஷயத்தில் தலையிடாதீர்.

கன்னி: பிள்ளைகளின் படிப்பு தொடர்பாக அலைச்சல், விரயச் செலவுகள் வரக்கூடும். குடும்பத்தில் விட்டுக் கொடுத்து போவது நல்லது. அலுவலகத்தில் தானுண்டு தன் வேலையுண்டு என்று இருக்க பழகிக் கொள்ளவும். வியாபாரத்தில் பழைய சரக்குகளை போராடி விற்பீர்கள்.

துலாம்: குடும்பத்தில் நிலவி வந்த குழப்பம் விலகும். பணவரவு திருப்திகரமாக அமையும். வியாபாரத்தில் சில நுணுக்கங்களை கற்றுக் கொள்வீர். அலுவலகத்தில் சக ஊழியர்கள் மத்தியில் மதிப்பு உயரும். யாரைப் பற்றியும் தலைமையிடத்தில் புகார் கூறிக் கொண்டிருக்காதீர்கள்.

விருச்சிகம்: முகமலர்ச்சியுடன் காணப்படுவீர். பூர்வீக சொத்து வழக்கில் உடன்பிறந்தவர்களின் ஆதரவு உண்டு. வியாபாரம் சூடு பிடிக்கும். புதிய இடத்துக்கு கடையை மாற்றுவீர். அலுவலகத்தில் மேலதிகாரிகள் பாராட்டுவர். சக ஊழியருடன் இணக்கமாக செயல்படுவது நல்லது.

தனுசு: பழைய வழக்குகளை இப்போது பேசித் தீர்ப்பீர். பணவரவால் மனநிம்மதியுண்டு. வியாபாரத்தை பெரிய அளவில் விரிவுபடுத்த முற்படுவீர்கள். பங்குதாரர்களின் ஆலோசனைகளை அலட்சியப்படுத்த வேண்டாம். அலுவலகத்தில் தொல்லை தந்த அதிகாரி ஆதரவு தருவார்.

மகரம்: இழுபறியாக இருந்த பணிகள் நிறைவடையும். தந்தையாருடன் இருந்து வந்த பனிப்போர் விலகும். வியாபாரத்தில் பழைய சரக்குகளை விற்றுத் தீர்ப்பீர்கள். பாக்கிகள் வசூலாகும். அலுவலகத்தில் தேடிய முக்கிய ஆவணம் தென்படும். சக ஊழியர்கள் மதிப்பார்கள்.

கும்பம்: தம்பதிக்குள் சின்னச் சின்ன கருத்துமோதல் வரக்கூடும். பிள்ளைகளின் உடல்நலத்தில் அக்கறை காட்டவும். வியாபாரத்தில் பாக்கிகளை வசூலிப்பீர்கள். அலுவலகத்தில் தலைமையிடத்தின் கவனத்தை ஈர்த்து காரியம் சாதிப்பீர். மேலதிகாரிகளின் பாராட்டு கிட்டும்.

மீனம்: தள்ளிப் போய் கொண்டிருந்த சுபநிகழ்ச்சிக்கு நாள் குறிப்பீர். பணவரவு திருப்தி தரும். முன்கோபத்தை தவிர்ப்பீர்கள். வியாபாரத்தில் வாடிக்கையாளர்களின் ரசனையைப் புரிந்துக் கொள்வீர்கள். புதிய சலுகைகளை அறிவிப்பீர். அலுவலகத்தில் விவாதங்களை தவிர்ப்பீர்.