மேஷம் முதல் மீனம் வரை: இன்றைய ராசிபலன் @ 14 நவம்பர் 2025

மேஷம்: பழைய கடனைத் தீர்க்க புது வழி யோசிப்பீர். நல்ல நிறுவனத்தில் வேலை கிடைக்கும். தந்தையின் உடல்நலம் சீராகும். பழைய நண்பர்கள் தேடி வருவர். தொழிலில் பங்குதாரர்கள் உதவிகரமாக இருப்பார்கள். அலுவலகத்தில் தேடிய முக்கிய ஆவணம் தென்படும்.

ரிஷபம்: பிரியமானவர்களின் சந்திப்பால் மனமகிழ்ச்சி அடைவீர். குடும்பத்தினரிடம் மனம்விட்டுப் பேசுவீர். உடல் ஆரோக்கியத்தில் கவனம் தேவை. வியாபாரத்தில் பழைய பாக்கிகள் வசூலாகும். அலுவலகத்தில் தான் உண்டு தன் வேலை உண்டு என்று இருப்பது நல்லது.

மிதுனம்: குழப்பம் நீங்கி குடும்பத்தில் மகிழ்ச்சி தங்கும். தாயாரின் உடல்நிலை சீராக அமையும். விருந்தினர் வருகையால் வீடு களைகட்டும். வியாபாரத்தில் லாபம் கூடும். பங்குதாரர்களை அனுசரித்து நடந்து கொள்ளவும். அலுவலகரீதியான வெளியூர் பயணங்கள் திருப்தி தரும்.

கடகம்: குழப்பங்கள் அனைத்தும் நீங்கி குடும்பத்தில் சந்தோஷம் நிலைக்கும். பிள்ளைகளின் சாதனைகளால் பெருமையடைவீர்கள். வியாபாரத்தில் வேற்றுமொழி, மதத்தினரால் ஆதாயமுண்டு. அலுவலகத்தில் பணிகளை விரைந்து முடிப்பீர். மேலதிகாரிகளின் பாராட்டு கிட்டும்.

சிம்மம்: முக்கிய முடிவுகளை கவனமாக எடுக்கவும். மூத்தோரின் சொல்பேச்சை கேட்டு செயல்படுவது நல்லது. வாகனம் செலவு வைக்கும். வியாபாரத்தில் பழைய பாக்கிகளை போராடி வசூலிக்க வேண்டிவரும். அலுவலகத்தில் அடுத்தவர் விஷயத்தில் தலையிடாதீர்கள்.

கன்னி: பிரபலங்கள் சிலரை சந்திப்பதால் உங்கள் வாழ்வில் சில மாற்றங்கள் வரும். அக்கம் பக்கத்தினரை அனுசரித்து நடந்து கொள்ளவும். ஆன்மிகத்தில் ஈடுபாடு கூடும். அலுவலகத்தில் விவாதங்களை தவிர்த்துவிடவும். வியாபாரத்தில் பணியாட்கள் உதவிகரமாக இருப்பர்.

துலாம்: குடும்பத்தாரின் எண்ணங்களை கேட்டறிந்து பூர்த்தி செய்வீர். மகனுக்கு நல்ல வேலை கிடைக்கும். பிள்ளைகள் பொறுப்புடன் செயல்படுவர். வியாபாரம் சூடு பிடித்து லாபமுண்டு. பங்குதாரரின் ஆதரவு கிட்டும். அலுவலகத்தில் பணிகளை விரைந்து முடிப்பீர்கள்.

விருச்சிகம்: நவீன மின்னணு சாதனங்கள் வாங்குவீர். மாறுபட்ட அணுகுமுறையால் சொத்து தொடர்பான பிரச்சினைகளுக்கு சுமுக தீர்வு காண்பீர்கள். வியாபாரத்தால் பிரபலங்களின் அறிமுகம் கிட்டும். அலுவலகரீதியாக வெளியூர் பயணம் மேற்கொள்ள வாய்ப்பு உண்டு.

தனுசு: திடீரென்று அறிமுகமாகும் சிலரால் ஆதாயம் உண்டு. பழைய நண்பர்கள் தேடி வருவர். குடும்பத்தில் நிம்மதி தங்கும். இழுபறியாக இருந்த அரசு வேலைகள் முடியும். வியாபாரத்தை பெரியளவில் விரிவுபடுத்துவீர். அலுவலகத்தில் யாரையும் பகைத்துக் கொள்ளாதீர்கள்.

மகரம்: பிள்ளைகள் படிப்பு தொடர்பாக அலைச்சல், டென்ஷன் அதிகரிக்கும். குடும்பத்தாரிடம் விட்டுக் கொடுத்து போகவும். வியாபாரத்தில் நிதானம் தேவை. பங்குதாரர்களின் ஆலோசனைகளை அலட்சியப்படுத்த வேண்டாம். அலுவலகத்தில் பணிச்சுமை அதிகரிக்கும்.

கும்பம்: மூத்த சகோதரர்கள் ஆதரவாக இருப்பார்கள். சமூகத்தில் பெரிய அந்தஸ்தில் இருப்பவர்களின் நட்பு கிட்டும். அலுவலகத்தில் புதிய பதவிக்கு பரிந்துரை செய்யப்படுவீர்கள். சக ஊழியர் மத்தியில் மதிப்பு உயரும். வியாபாரத்தில் அதிகமாக உழைத்து சாதிக்க நினைப்பீர்கள்.

மீனம்: குடும்பத்தில் மகிழ்ச்சி தங்கும். தம்பதிக்குள் இருந்த பனிப்போர் மாறும். பணவரவு திருப்தி தரும். வாகனச் செலவு குறையும். அலுவலகத்தில் யாரைப் பற்றியும் தலைமையிடத்தில் புகார் கூறிக் கொண்டிருக்க வேண்டாம். வியாபாரத்தில் சரக்குகள் விற்றுத் தீரும்.