மேஷம் முதல் மீனம் வரை: இன்றைய ராசிபலன் @ 08 அக்டோபர் 2025

மேஷம்: குடும்பத்தினரை அனுசரித்துப் போகவும். அக்கம் பக்கத்தினரின் அன்புத் தொல்லை குறையும். வியாபாரரீதியாக முக்கிய பிரமுகர்களை சந்திக்க வேண்டிவரும். அலுவலகத்தில் பணிச்சுமை கூடும். மேலதிகாரிகள் பாராட்டுவர்.

ரிஷபம்: சுபச் செலவுகள் வரும். வீட்டுக்கு தேவையான பொருட்களை வாங்குவீர். நல்ல இடவசதியுடன் கூடிய வீட்டுக்கு குடிபுகுவீர். அலுவலகத்தில் தேடிய முக்கிய ஆவணம் தென்படும். வியாபாரத்தை பெரிய அளவில் விரிவுபடுத்துவீர்.

மிதுனம்: குழப்பம் நீங்கி குடும்பத்தில் மகிழ்ச்சி உண்டாகும். பிரபலங்களின் அறிமுகம் கிடைக்கும். புது திட்டங்கள் தீட்டுவீர். யோகா, ஆன்மிகத்தில் ஈடுபாடு கூடும். வியாபாரத்தில் லாபம் உண்டு. உத்தியோகத்தில் இடமாற்றம் கிட்டும்.

கடகம்: மறைமுக எதிர்ப்புகளை வெல்வீர். தம்பதிக்குள் விட்டுக் கொடுத்துப் போகவும். ஈகோ பிரச்சினை தீர வழி பார்க்கவும். வெளியூரிலிருந்து நற்செய்தி வரும். அலுவலகத்தில் விவாதங்களை தவிர்ப்பது நல்லது. வியாபாரம் சூடு பிடிக்கும்.

சிம்மம்: பூர்வீக சொத்து பிரச்சினைகளை பேசித் தீர்க்க வழி கிட்டும். பணப்பற்றாக்குறை நீங்கும். குலதெய்வம் கோயிலுக்கு குடும்பத்துடன் சென்று வருவீர். கூட்டுத் தொழிலில் லாபம் உண்டு. அலுவலகத்தில் அமைதி காப்பது நல்லது.

கன்னி: பிள்ளைகள் படிப்பு தொடர்பாக அலைச்சல், செலவு இருக்கும். வாகனத்தில் கவனம் அவசியம். வியாபாரத்தில் பணியாட்களால் தொந்தரவு வரும். வாடிக்கையாளர்களிடம் கனிவாக பேசவும். அலுவலக ரீதியாக பயணம் செல்வீர்.

துலாம்: குடும்பத்தினரை அனுசரித்து செயல்படவும். நண்பர்கள் உதவுவர். தம்பதிக்குள் ஈகோ பிரச்சினை வரும். அலுவலகத்தில் மதிப்பு, மரியாதை உயரும். வியாபாரரீதியாக முக்கிய பிரமுகர்களை சந்திக்கும் வாய்ப்பு உண்டாகும்.

விருச்சிகம்: பேச்சில் அனுபவ அறிவு வெளிப்படும். பிள்ளைகள் அன்பாக நடந்து கொள்வர். எதிர்பார்த்த இடத்திலிருந்து பணம் வரும். வியாபாரத்தை பெரிய அளவில் விரிவுபடுத்த சிலரின் உதவியை நாடுவீர்கள். உத்தியோகம் சிறக்கும்.

தனுசு: தம்பதிக்குள் நெருக்கம் உண்டாகும். வராது என்றிருந்த பணம் வரும். விலகிச் சென்ற உறவினர்கள் வலிய வந்து பேசுவார்கள். வியாபாரத்தில் பழைய பாக்கிகள் வசூலாகும். அலுவலகத்தில் விவாதங்களை தவிர்ப்பது நல்லது.

மகரம்: எதிர்பார்த்த பணம் கைக்கு வரும். தந்தையின் உடல்நலம் சீராகும். பால்ய நண்பர்களை சந்திப்பீர்கள். வியாபாரத்தில் ஓரளவு லாபம் பார்ப்பீர். அலுவலகத்தில் புதிய பொறுப்புகளால் மகிழ்ச்சி அடைவீர். மேலதிகாரி பாராட்டுவார்.

கும்பம்: குடும்பத்தில் எல்லாவற்றையும் இழுத்துப் போட்டுப் பார்க்க வேண்டியிருக்கும். பழைய கடனை பைசல் செய்வீர். வியாபார போட்டிகளை எளிதாக சமாளிப்பீர். அலுவலகத்தில் புதிய பதவிக்கு பரிந்துரை செய்யப்படுவீர்கள்.

மீனம்: எதிர்பார்ப்புகள் நிறைவேறும். பெரியோரின் ஆசி கிடைக்கும். பிள்ளைகளால் மனநிம்மதி கிட்டும். கல்யாண முயற்சி நல்ல விதத்தில் முடியும். அலுவலக ரீதியாக வெளியூர் பயணம் செல்வீர்கள். வியாபாரத்தை விரிவுபடுத்துவீர்கள்.