மேஷம் முதல் மீனம் வரை: இன்றைய ராசிபலன் @ 01 அக்டோபர் 2025

மேஷம்: வெளிவட்டாரத்தில் அந்தஸ்து உயரும். சிலர் உங்கள் உதவியை நாடுவர். முத்த சகோதரர் உங்களை புரிந்து கொள்வார். வியாபாரத்தில் பாக்கி வசூலாகும். குழப்பங்கள் நீங்கி அலுவலகத்தில் நிம்மதி உண்டு.

ரிஷபம்: தடைபட்டிருந்த காரியங்கள் நல்ல விதத்தில் முடிவடையும். பழைய பிரச்சினைகளுக்கு மாறுபட்ட அணுகுமுறையால் நல்ல தீர்வு காண்பீர். வியாபாரத்தில் போட்டி குறையும். அலுவலகத்தில் அமைதி காக்கவும்.

மிதுனம்: வெளிவட்டாரத்தில் நிதானமாக பழகவும். முன்கோபம் கூடும். அக்கம் பக்கத்தினரை அனுசரித்து நடந்து கொள்வீர். வியாபாரத்தில் பாக்கியை போராடி வசூலிப்பீர். அலுவலகத்தில் மதிப்பு, மரியாதை உயரும்.

கடகம்: புது சிந்தனையால் மனக்குழப்பம் விலகும். சேமிக்கும் அளவுக்கு பணம் வரும். பூர்வீக சொத்து பிரச்சினையில் நல்ல தீர்வு கிடைக்கும். குடும்பத்தில் நிம்மதியுண்டு. வியாபாரம், உத்தியோகம் சிறக்கும்.

சிம்மம்: விலையுயர்ந்த கலைப் பொருட்கள் வாங்குவீர். புது ஆடை, ஆபரணம் சேரும். வியாபாரத்தில் கடினமாக உழைத்து லாபமீட்டுவீர். வாகனப் பழுது விலகும். வியாபாரம், உத்தியோகத்தில் முன்னேற்றம் காண்பீர்.

கன்னி: திடீர் யோகம் உண்டாகும். வீட்டில் சுபநிகழ்ச்சி ஏற்பாடாகும். உறவினர்கள் உங்களை பற்றி பெருமை யாக பேசுவர். வியாபாரத்தில் பாக்கிகள் வசூலாகும். அலுவலகத்தில் விவாதங்களை தவிர்ப்பது நல்லது.

துலாம்: எதிர்பார்த்த வேலைகள் தடையின்றி முடியும். பூர்வீக வீட்டை விரிவுபடுத்தி கட்டுவீர். அண்டை அயலாருடன் இருந்த மோதல் விலகும். வியாபாரம் சிறக்கும். அலுவலகத்தில் மேலதிகாரி பாராட்டுவார்.

விருச்சிகம்: பாதியில் நின்ற பணிகள் முடிவடையும். வர வேண்டிய பணம் கைக்கு வரும். புதிய பங்குதாரர்கள் ஒத்துழைப்பர். அலுவலகத்தில் உயரதிகாரி முக்கிய விஷயங்களை பகிரும் அளவுக்கு நெருக்கமாவீர்கள்.

தனுசு: பிள்ளைகள் படிப்பு தொடர்பாக அலைச்சல், டென்ஷன் வரக்கூடும். குடும்பத்தில் விட்டுக் கொடுத்து போகவும். அலுவலகரீதியான பயணம் அலைச்சல் தரும். வியாபாரத்தில் புது முடிவு எடுக்க வேண்டாம்.

மகரம்: எதிர்பார்த்த வகையில் உதவிகள் கிடைக்கும். குடும்பத்தில் விட்டுக் கொடுத்து போகவும். உடன் பிறந்தோர் உதவிகரமாக நடந்து கொள்வர். வியாபாரம் சூடு பிடித்து லாபம் தரும். அலுவலகத்தில் மதிப்புயரும்.

கும்பம்: குடும்பத்தினரின் எண்ணங்களை கேட்டறிந்து பூர்த்தி செய்வீர்கள். வீடு, மனை வாங்குவது, விற்பது லாபகரமாக அமையும். வியாபாரத்தில் நல்ல லாபம் பார்க்கலாம். அலுவலகத்தில் புதிய பதவி கிடைக்கும்.

மீனம் : பழைய பொருட்களை மாற்றிவிட்டு புதியன வாங்குவீர். மனைவிவழியில் ஆதாயமுண்டு. வியாபாரத்தில் இழுபறியாக இருந்த தொகை வந்து சேரும். சரக்குகள் விற்று தீரும். அலுவலகத்தில் அமைதி காப்பீர்.