இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: உடல்நலக் குறைவு, மனச்சோர்வு வரக் கூடும். திட்டமிட்டபடி வேலைகளை முடிக்க முடியாமல் திணறுவீர்கள். வியாபாரத்தில் ஓரளவு லாபம் உண்டு. அலுவலகரீதியான பயணங்களால் ஆதாயம் இருக்கும்.

ரிஷபம்: எதிர்பார்த்த இடத்திலிருந்து உதவி கிட்டும். உங்கள் நிர்வாகத் திறமை வெளிப்படும். பிள்ளைகளின் தனித் திறமைகளை கண்டறிவீர்கள். அரசால் அனுகூலம் உண்டு. வியாபாரம், உத்தியோகத்தில் ஏற்றம் காண்பீர்.

மிதுனம்: தன்னம்பிக்கையுடன் செயல்படுவீர்கள். அரசு தொடர்புடைய நபர்களை சந்திப்பீர். உறவினர் வீட்டு விசேஷங்களை முன்னின்று நடத்துவீர். வியாபாரத்தை விரிவுபடுத்துவீர்கள். அலுவலகத்தில் மதிப்பு உயரும்.

கடகம்: குடும்பத்தில் உங்கள் கை ஓங்கும். உங்களின் உதவியை நாடி பழைய நண்பர்கள் வருவார்கள். தாயாரின் மருத்துவச் செலவு குறையும். வியாபாரத்தில் புது சரக்குகள் வந்திறங்கும். உத்தியோகம் சிறக்கும்.

சிம்மம்: அநாவசிய செலவுகளை கட்டுப்படுத்துவீர். பிள்ளைகளின் பாசம் கூடும். தந்தைவழி உறவினருடன் இருந்து வந்த மனஸ்தாபம் விலகும். அலுவலகத்தில் உங்களின் அருமை புரியும். வியாபாரம் லாபம் தரும்.

கன்னி: திட்டமிட்ட வேலையை முடிக்க போராட வேண்டியிருக்கும். வியாபாரத்தில் குழப்பங்கள் வரும். பயணங்கள் அலைச்சல் தரும். அலுவலகத்தில் தான் உண்டு தன் வேலை உண்டு என்று இருப்பது நல்லது.

துலாம்: பழைய பிரச்சினைகளுக்கு முக்கிய தீர்வு காண்பீர்கள். பிரபலங்களின் நட்பு கிட்டும். அரசால் அனுகூலம் உண்டு. வியாபாரம் சூடு பிடித்து லாபம் தரும். அலுவலகத்தில் பணிகளை விரைந்து முடிப்பீர்.

விருச்சிகம்: குடும்பத்தில் உங்கள் பேச்சுக்கு மதிப்பு கூடும். வியாபாரத்தில் பழைய சரக்குகள் விற்றுத் தீரும். எதிர்பார்த்த கடனுதவி கிட்டும். சமயோசிதமாக செயல்பட்டு அலுவலகப் பணிகளை எளிதாக முடிப்பீர்.

தனுசு: புதியவரின் நட்பால் உற்சாகமடைவீர். வீட்டை விரிவுபடுத்துவீர்கள். வேற்றுமதத்தவர் உதவுவார்கள். வியாபாரம் லாபம் தரும். முக்கிய பிரமுகர்களை சந்திப்பீர்கள். அலுவலகத்தில் மேலதிகாரி ஆதரிப்பார்.

மகரம்: பிள்ளைகளை புதிய பாதையில் வழி நடத்துவீர். விலை உயர்ந்த பொருட்கள் வாங்குவீர். மனைவிவழி உறவினர்கள் தேடி வருவர். அலுவலகத்தில் உங்களின் பணி சிறப்பாக இருக்கும். வியாபாரத்தில் ஏற்றமுண்டு.

கும்பம்: வேலை தேடியவர்களுக்கு வேலை கிட்டும். வீட்டை அலங்கரிப்பீர்கள். குடும்பத்தில் நிம்மதி உண்டு. வியாபாரத்தில் பெரியளவில் வெற்றி பெறுவீர்கள். அலுவலகத்தில் தலைமையிடத்தின் ஆதரவு கிட்டும்.

மீனம்: எதிர்பாராத சந்திப்பு நிகழும். பால்ய நண்பர்கள் உதவுவர். உடன்பிறந்தோரின் விருப்பத்தை கேட்டறிந்து நிறைவேற்றுவீர்கள். வியாபாரத்தை விரிவுபடுத்த புது முயற்சி எடுப்பீர். அலுவலகத்தில் அமைதி காக்கவும்.