இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: இழுபறியாக இருந்த வேலைகள் முடியும். பெற்றோர் உடல்நிலை சீராகும். அரசு, வங்கி காரியங்கள் சுமுகமாக முடியும். தொழில், வியாபாரத்தில் புதிய வாடிக்கையாளர்கள் தேடி வருவார்கள்.

ரிஷபம்: ஜாமீன் தருவது, சாட்சிக் கையெழுத்திடுவது வேண்டாம். பழைய பிரச்சினைகளுக்கு சுமுக தீர்வு காண்பீர்கள். வாகனம் அடிக்கடி தொந்தரவு தரும். ஆன்மிக நாட்டம் கூடும்.

மிதுனம்: எதார்த்தமாக பேசி, தடைபட்ட காரியங்களை முடிப்பீர்கள். குடும்பத்தினர் ஆதரவு பெருகும். பிள்ளைகள் உடல்நலம் சீராகும். வியாபாரத்தில் பணியாளர்கள் ஆதரவாக இருப்பார்கள்.

கடகம்: புதியவர்களின் நட்பும், அதனால் ஆதாயமும் உண்டு. பணவரவு திருப்திகரமாக இருக்கும். வியாபாரத்தில் பழைய பாக்கிகள் வசூலாகும். கொடுக்கல் வாங்கலில் சுமுகமான நிலை காணப்படும்.

சிம்மம்: மனதில் இருந்த பயம் நீங்கி தைரியம் பிறக்கும். கணவன்- மனைவிக்குள் அன்யோன்யம் அதிகரிக்கும். வியாபாரத்தில் பழைய சரக்குகள் விற்பனையாகும். அலுவலகத்தில் பொறுப்பு கூடும்.

கன்னி: மனம் விரும்பிய புதிய பாதையில் பயணிப்பீர்கள். பண வரவு உண்டு. கணவன் - மனைவிக்குள் மனம்விட்டு பேசுவீர்கள். உங்கள் ரசனைக்கேற்ப வீடு, வாகனம் அமையும். வியாபாரம் லாபம் தரும்.

துலாம்: வெளி வட்டாரத்தில் புதியவர்களின் நட்பு கிடைக்கும். தள்ளிப்போன வழக்கில் சாதகமான திருப்பம் வரும். அரசு காரியங்கள் விரைந்து முடியும். நண்பர்கள் தக்க சமயத்தில் உதவுவார்கள்.

விருச்சிகம்: அடுத்தவர் விஷயங்களில் தலையிடாதீர்கள். பழைய கசப்பான சம்பவங்கள் பற்றி யாரிடமும் பேச வேண்டாம். வியாபாரத்தில் ஓரளவு லாபம் உண்டு. ஆன்மிகத்தில் நாட்டம் ஏற்படும்.

தனுசு: நம்பிக்கை, உற்சாகத்துடன் செயல்படுவீர்கள். குடும்பத்தில் மகிழ்ச்சி உண்டாகும். பணப் புழக்கம் திருப்திகரமாக இருக்கும். திடீர் பயணத்தால் உடல் சோர்வு, களைப்பு வந்து நீங்கும்.

மகரம்: எதிர்மறை எண்ணம் மறையும். முகத்தில் தெளிவு பிறக்கும். விருந்தினர்கள் வருகையால் வீட்டில் சந்தோஷம் நிலைக்கும். உத்தியோகத்தில் சக ஊழியர்கள் ஆதரவாக இருப்பார்கள்.

கும்பம்: பண வரவால் பழைய கடனை அடைப்பீர்கள். குடும்பத்தில் உங்கள் பேச்சுக்கு மதிப்பு கூடும். பிள்ளைகள் உடல்நிலை சீராகும். புதிய வாகனம், வீட்டு உபயோகப் பொருட்கள் வாங்குவீர்கள்.

மீனம்: பால்ய நண்பர்கள் உதவுவார்கள். தாய்வழி உறவினர்களால் வீட்டில் மகிழ்ச்சி தங்கும். பண வரவு, பொருள் வரவு உண்டு. அலுவலகத்தில் உயர் அதிகாரிகளிடம் பாராட்டு பெறுவீர்கள்.