இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: சாதுர்யமாகப் பேசி கடினமான காரியங்களையும் சாதிப்பீர்கள். உங்களிடம் கடன் வாங்கி ஏமாற்றியவர்கள் பணத்தை திருப்பித் தருவார்கள். வியாபாரத்தில் லாபம் அதிகரிக்கும். ஆடை, ஆபரணங்கள் வாங்குவீர்கள்.

ரிஷபம்: உங்களின் வெளிப்படையான பேச்சை அனைவரும் ரசிப்பார்கள். குடும்பத்தில் மகிழ்ச்சிகரமான சூழல் காணப்படும். ஆன்மிகத்தில் ஈடுபாடு அதிகரிக்கும். அலுவலகத்தில் மேலதிகாரியின் பாராட்டை பெறுவீர்கள்.

மிதுனம்: மனதில் நிலவிய குழப்பம், அச்சம் முடிவுக்கு வரும். திடீர் பணவரவு உண்டு. வீடு, வாகன பராமரிப்பை மேற்கொள்வீர்கள். சிலர் புது வாகனம் வாங்குவீர்கள். வேலைச்சுமை இருந்துகொண்டே இருக்கும்.

கடகம்: சகோதரர் வகையில் தக்கசமயத்தில் உதவிகள் கிடைக்கும். விரும்பிய பொருட்களை வாங்கி மகிழ்வீர்கள். மனைவிவழியில் ஒத்துழைப்பு அதிகரிக்கும். வீட்டை ரசனைக்கேற்ப அழகுபடுத்துவீர்கள்.

சிம்மம்: முன்கோபம், வீண் அலைச்சல் வரக்கூடும். குடும்பத்தாருடன் மனம்விட்டுப் பேசி பிரச்சினைகளுக்கு முடிவு காண்பது நல்லது. வியாபாரத்தில் போட்டிகள் அதிகரிக்கும். அடுத்தவர் விவகாரங்களில் தலையிட வேண்டாம்.

கன்னி: எதிர்பாராத பணவரவால் மனமகிழ்ச்சியுண்டு. உறவினர்கள், நண்பர்கள் ஆதரவாக பேசத் தொடங்குவார்கள். வெளிவட்டாரத்தில் செல்வாக்குக் கூடும். வியாபாரத்தை விரிவுபடுத்த முற்படுவீர்கள். வெளியூர் பயணம் உண்டு.

துலாம்: கடந்தகால இனிய நினைவுகளில் அடிக்கடி மூழ்குவீர்கள். பால்ய நண்பரை சந்திப்பீர்கள். கோயில் விசேஷங்களை முன்னின்று நடத்துவீர்கள். கூட்டுத்தொழிலில் பங்குதாரர்கள் ஆதரவாக இருப்பார்கள்.

விருச்சிகம்: மறதியால் பிரச்சினைகள் வந்து நீங்கும். உறவினர், நண்பர்களை அநாவசியமாகப் பகைத்துக் கொள்ளாதீர்கள். வாகனத்தில் செல்லும்போது கவனம் தேவை. மாலை முதல் சாதகமான சூழல் காணப்படும்.

தனுசு: விரும்பிய பொருட்களை வாங்கி மகிழ்வீர்கள். பிள்ளைகளின் எதிர்காலம் குறித்து குடும்பத்தினருடன் ஆலோசிப்பீர்கள். விஐபியுடன் சந்திப்பு நிகழும். எடுத்த காரியங்களை விரைந்து முடிப்பீர்கள்.

மகரம்: பேச்சில் கவனம் தேவை. பிள்ளைகளால் வீண்செலவுகள் வரக்கூடும். வியாபார ரீதியாக சிலரை சந்திப்பீர்கள். அலுவலகத்தில் வேலைச்சுமை அதிகரிக்கும். வாகனம் அடிக்கடி செலவு வைக்கும்.

கும்பம்: சொன்ன சொல்லை காப்பாற்ற துடிப்புடன் செயல்படுவீர்கள். மனதுக்குப் பிடித்தவர்களுக்காக அதிகம் செலவு செய்வீர்கள். தாயாரின் உடல்நிலையில் முன்னேற்றம் ஏற்படும். வியாபாரத்தில் லாபம் உண்டு.

மீனம்: மனதில் பட்டதை பளிச்சென்று பேசுவீர்கள். குடும்பத்தில் கலகலப்பான சூழல் ஏற்படும். உறவினர்களால் மனநிம்மதி கிட்டும். வியாபாரத்தில் பாக்கிகள் வசூலாகும். உத்தியோகத்தில் மேலதிகாரியின் ஆதரவு உண்டு.