இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எவ்வளவு பணம் வந்தாலும் எடுத்துவைக்க முடியவில்லை என்ற ஆதங்கம் நீங்கும். சேமிக்க வழி பிறக்கும். தாய்வழி சொந்தங்கள் ஆதரவாக இருப்பார்கள். தொழில், வியாபாரத்தில் போட்டிகளை தகர்ப்பீர்கள்.

ரிஷபம்: கடந்தகால சுகமான அனுபவங்களை நினைத்து மனதில் சந்தோஷம் பொங்கும். வீடு, வாகனத்தை சரிசெய்வீர்கள். பிள்ளைகள் கேட்டதை வாங்கித் தருவீர்கள். அலுவலகப் பணிகளை திறம்பட முடிப்பீர்கள்.

மிதுனம்: கணவன் - மனைவிக்குள் தேவையற்ற வாக்குவாதம் வந்து நீங்கும். வியாபாரத்தில் பழையபாக்கிகளை போராடி வசூலிப்பீர்கள். நாடி வந்தவர்களுக்கு உங்களால் இயன்ற உதவிகளை செய்வீர்கள்.

கடகம்: நம்பிக்கையுடன் செயல்பட்டு சில வேலைகளை முடிப்பீர்கள். குடும்பத்தில் அமைதி நிலவும். வியாபாரத்தில் பணியாளர்களை அனுசரித்துச் செல்லுங்கள். உத்தியோகத்தில் சக ஊழியர்கள் ஆதரவாக இருப்பர்.

சிம்மம்: வெளி வட்டாரத்தில் மதிப்பு, மரியாதை உயரும். பெரிய பதவிக்கு உங்கள் பெயர் சிபாரிசு செய்யப்படும். பெற்றோரின் உடல்நலம் சீராகும். கூட்டுத் தொழிலில் பங்குதாரர்களை அனுசரித்துச் செல்வீர்கள்.

கன்னி: குடும்பத்தில் சுப நிகழ்ச்சிகள் ஏற்பாடாகும். கையில் காசு, பணம் புரளும். புதிய நண்பர்களின் அறிமுகம் கிடைக்கும். வியாபாரத்தில் பழைய சரக்குகள் விற்றுத் தீரும். எந்த காரியத்திலும் நிதானம் தேவை.

துலாம்: திட்டமிட்ட காரியங்களை சிறப்பாக செய்து முடிப்பீர்கள். பிள்ளைகளை பொறுப்பாக வளர்க்க வேண்டும் என எண்ணுவீர்கள். உத்தியோகத்தில் உயர் அதிகாரிகள் நேசக்கரம் நீட்டுவார்கள். பண வரவு உண்டு.

விருச்சிகம்: எதிலும் அவசர முடிவுகள் வேண்டாம். நிதானமாக செயல்படுங்கள். குடும்பத்தில் மூத்தவர்களின் அறிவுரையை கேட்டு நடப்பது நல்லது. வாகனம் செலவு வைக்கும். வியாபாரத்தில் சரக்குகள் தேங்கும்.

தனுசு: எதிர்பார்த்த பணம் கைக்கு வருவதால் நிம்மதி பிறக்கும். மனைவி வழியில் அந்தஸ்து உயரும். பெற்றோரின் விருப்பத்தை நிறைவேற்றுவீர்கள். ஆன்மிகம், யோகாவில் நாட்டம் அதிகரிக்கும்.

மகரம்: சொந்த ஊரில் மரியாதை, அந்தஸ்து உயரும். கவுரவ பதவிகள் தேடி வரும். சகோதர, சகோதரிகளுடன் இருந்த மனத்தாங்கல் நீங்கும். பங்குச் சந்தை வகையில் ஆதாயம், அனுகூலம் உண்டாகும்.

கும்பம்: பழைய பிரச்சினைகளை பேசித் தீர்ப்பீர்கள். கணவன் - மனைவிக்குள் அன்யோன்யம் அதிகரிக்கும். கையில் பணப் புழக்கம் கூடும். வியாபாரத்தில் போட்டிகள் குறையும். பணியாளர்களின் ஆதரவு உண்டு.

மீனம்: மனதில் இருந்த குழப்பங்களுக்கு தீர்வு கிடைக்கும். கணவன் - மனைவிக்குள் மனஸ்தாபம் நீங்கி நெருக்கம் உண்டாகும். பிள்ளைகளால் அந்தஸ்து உயரும். தொழில், வியாபாரத்தில் லாபம் கிடைக்கும்.