இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: உங்கள் வித்தியாசமான அணுகுமுறையால் பழைய பிரச்சினைகளுக்கு தீர்வு காண்பீர். குடும்பத்தில் உங்கள் கை ஓங்கும். பெரிய பதவியில் இருப்பவர்களின் தொடர்பு கிடைக்கும். வியாபாரத்தில் லாபம் உண்டு.

ரிஷபம்: சவாலான காரியங்களையும் சாதுர்யமாக முடித்து வெற்றி பெறுவீர்கள். தடைகள் யாவும் நீங்கும். முக்கிய முடிவுகள் எடுப்பீர்கள். வியாபாரத்தில் போட்டிகள் குறையும். பல வகையிலும் லாபம் அதிகரிக்கும்.

மிதுனம்: கைமாற்றாக, கடனாக வாங்கிய பணத்தை ஒருவழியாக தந்து முடிப்பீர்கள். விருந்தினர்கள் வருகையால் குடும்பத்தில் குதூகலமான சூழ்நிலை உருவாகும். உத்தியோகத்தில் உயர் அதிகாரிகளின் ஆதரவு உண்டு.

கடகம்: தவிர்க்க முடியாத செலவுகள், வெளியூர் பயணங்கள் வரும். கணவன் - மனைவிக்குள் மனஸ்தாபம் வந்து நீங்கும். ஆன்மிகம், தியானத்தில் ஈடுபாடு ஏற்படும். யாரையும் எடுத்தெறிந்து பேசக் கூடாது.

சிம்மம்: பண வரவு உண்டு. பேச்சில் நிதானம் தேவை. குடும்பத்தில் விட்டுக்கொடுத்து செல்வது அவசியம். வயிற்றுவலி, நெஞ்சு எரிச்சல் வந்து குணமாகும். வியாபாரத்தில் போட்டிகள் இருந்தாலும் சமாளிப்பீர்கள்.

கன்னி: குடும்பத்தினரின் விருப்பங்களை அறிந்து நிறைவேற்றுவீர்கள். பிள்ளைகளின் உடல்நலம் சீராகும். தாய்வழி சொந்தங்களால் ஏற்பட்ட மனக்கசப்புகள் நீங்கும். வியாபாரத்தில் பாக்கிகள் வசூலாகும்.

துலாம்: விலகிச் சென்ற உறவினர்கள் வலிய வந்து பேசுவார்கள். நண்பர்கள் சிலர் உங்கள் உதவியை நாடி வருவார்கள். நீண்ட நாட்களுக்கு பிறகு, குலதெய்வப் பிரார்த்தனைகளை நல்லபடியாக நிறைவேற்றுவீர்கள்.

விருச்சிகம்: நெடுநாட்களாக இழுபறியாக இருந்த காரியம் நல்லபடியாக முடியும். பெற்றோர் உடல்நிலை சீராகும். தொழில், வியாபாரத்தில் கூடுதல் லாபம் கிடைக்கும். உத்தியோகத்தில் திருப்தியான சூழ்நிலை ஏற்படும்.

தனுசு: மற்றவர்களால் செய்ய முடியாத காரியங்களை முடித்துக் காட்டி, பாராட்டு பெறுவீர்கள். பிள்ளைகள் பொறுப்பை உணர்ந்து நடப்பார்கள். வியாபாரத்தை விரிவுபடுத்த வங்கி கடனுதவியை நாடுவீர்கள்.

மகரம்: நம்பிக்கை, உற்சாகம் பிறக்கும். மனைவி வழியில் நல்ல செய்தி வரும். பழுதான வாகனத்தை சரிசெய்வீர்கள். வியாபாரத்தில் பாக்கிகள் வசூலாகும். உத்தியோகத்தில் தலைமையின் நம்பிக்கையை பெறுவீர்கள்.

கும்பம்: பல சவால்களை எதிர்கொள்ள வேண்டி வரும். குடும்பத்தில் விட்டுக்கொடுத்து செல்லுங்கள். உடல்நலத்தில் அக்கறை காட்டுங்கள். வியாபாரத்தில் நிதானம் தேவை. ஆன்மிக நாட்டம் அதிகரிக்கும்.

மீனம்: எதையும் சமாளிக்கும் தைரியம், சாமர்த்தியம் பிறக்கும். குடும்பத்தில் சுபநிகழ்ச்சிகள் ஏற்பாடாகும். உறவினர், நண்பர்களால் ஆதாயம் உண்டு. தொழில், வியாபாரத்தில் பாக்கிகள் வசூலாகும்.