இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எதிர்பார்த்த பணம் கைக்கு வரும். சொன்ன சொல்லை நிறைவேற்றுவீர். குடும்பத்தில் உங்கள் வார்த்தைக்கு மரியாதை கூடும். அலுவலகத்தில் பதவி தேடி வரும். வியாபாரத்தில் பிரபலங்கள் அறிமுகமாவர்.

ரிஷபம்: குடும்பத்தில் விட்டுக் கொடுத்து போவீர். வீண் செலவுகளை குறைக்கவும். பிள்ளைகளால் பெருமை அடைவீர். வியாபாரத்தில் பழைய சரக்குகள் விற்றுத் தீரும். குழப்பம் நீங்கி அலுவலகத்தில் நிம்மதியுண்டு.

மிதுனம்: எதிர்ப்புகளையும் தாண்டி முன்னேறுவீர். வீடு, வாகன பராமரிப்பு செலவுகள் கூடும். வெளிவட்டாரத் தொடர்பு அதிகரிக்கும். நவீன சாதனங்கள் வாங்குவீர். வியாபாரம், உத்தியோகத்தில் முன்னேற்றம் காண்பீர்.

கடகம்: குடும்பத்தில் உங்கள் வார்த்தைக்கு மதிப்பு கூடும். உங்களால் மற்றவர்கள் ஆதாயமடைவார்கள். உறவினர் வருகையால் வீடு களைகட்டும். வியாபாரம் சிறக்கும். அலுவலகத்தில் தேடிய ஆவணம் தென்படும்.

சிம்மம்: தம்பதிக்குள் இருந்த ஈகோ பிரச்சினை, வீண் சந்தேகம் விலகும். வியாபாரத்தில் இலக்கை நோக்கி முன்னேறுவீர். லாபம் உண்டு. அலுவலகத்தில் புதிய பதவி தேடி வரும். எதிலும் எச்சரிக்கையாக இருக்கவும்.

கன்னி: குடும்ப உறுப்பினர்களை அனுசரித்து நடந்து கொள்ளவும். தம்பதிக்குள் மனஸ்தாபம் வந்து நீங்கும். அலுவலகத்தில் அடுத்தவர்களை குறை கூறுவதை நிறுத்தவும். வியாபாரரீதியாக பயணம் மேற்கொள்வீர்.

துலாம்: பிள்ளைகள் பொறுப்பாக நடந்து கொள்வர். குடும்ப வருமானத்தை உயர்த்த முயற்சி மேற்கொள்வீர். வியாபாரத்தில் போட்டிகள் குறையும். அலுவலகத்தில் தானுண்டு தன் வேலை உண்டு என்று இருப்பது நல்லது.

விருச்சிகம்: குடும்பத்தினருடன் ஆரோக்கியமான விவாதங்கள் வந்து போகும். வாகனத்தை சரி செய்வீர். பழைய நண்பர்கள் தேடி வருவர். வியாபாரத்தில் புது முதலீடுகள் செய்வீர். அலுவலகத்தில் அமைதி காப்பீர்.

தனுசு: தம்பதிக்குள் அன்யோன்யம் பிறக்கும். அரசால் அனுகூலம் உண்டு. பிள்ளைகளால் பெருமையடைவீர். வழக்கில் வெற்றி பெறுவீர். வியாபாரத்தில் இலக்கை நோக்கி முன்னேறுவீர். உத்தியோகத்தில் ஏற்றமுண்டு.

மகரம்: புதிய முயற்சிகள் வெற்றியடையும். வீட்டில் சந்தோஷம் நிலைக்கும். உறவினர். நண்பர்கள் மத்தியில் செல்வாக்கு கூடும். வியாபாரத்தில் முக்கிய பிரமுகர்கள் அறிமுகமாவர். அலுவலகத்தில் மேலதிகாரி ஆதரிப்பார்.

கும்பம்: பளிச்சென்று பேசி எல்லோரையும் கவருவீர். தம்பதிக்குள் நெருக்கம் கூடும். வருங்காலத்துக்கான முக்கிய முடிவுகளை எடுப்பீர். பணவரவு மனநிறைவை தரும். வியாபாரம், உத்தியோகத்தில் ஏற்றம் காண்பீர்கள்.

மீனம்: குடும்பத்தாருடன் விட்டுக் கொடுத்து போகவும். மகனின் படிப்பு, மகளின் திருமணம் தொடர்பான கவலை இருக்கும். கையிருப்பு கரையும். வியாபாரத்தை விரிவுபடுத்துவீர். அலுவலகத்தில் விவாதம் வேண்டாம்.