இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: சோர்வு நீங்கி சுறுசுறுப்புடன் செயல்படுவீர். அதிகாரப் பதவியில் இருப்பவர்கள் நட்புறவாடுவர். வியாபாரத்தில் புது சரக்குகளை கொள்முதல் செய்வீர். அலுவலகத்தில் அடுத்தவர் விஷயத்தில் தலையிடாதீர்.

ரிஷபம்: ஆன்மிக நாட்டம் கூடும். பிரச்சினைகளுக்கு மாறுபட்ட அணுகுமுறையால் தீர்வு காண்பீர். வியாபார ரீதியாக பிரபலங்களை
சந்திக்கும் வாய்ப்பு கிட்டும். அலுவலகத்தில் அதிகாரிகள் முக்கிய அறிவுரை தருவர்.

மிதுனம்: குடும்ப உறுப்பினர்களின் ஒத்துழைப்பு கூடும். சேமிக்கத் தொடங்குவீர். பிள்ளைகள் பொறுப்புணர்ந்து நடப்பர். உத்தியோகத்தில் ஏற்றமுண்டு. வியாபாரத்தில் வேற்றுமொழி வாடிக்கையாளர்கள் வருவார்கள்.

கடகம்: அரசு காரியங்களில் இருந்த தடைகள் விலகும். வெளிவட்டாரத் தொடர்பு அதிகரிக்கும். பயணங்கள் மகிழ்ச்சி தரும். வியாபாரத்தில் சரக்குகள் விற்றுத் தீரும். குழப்பங்கள் நீங்கி அலுவலகத்தில் நிம்மதியுண்டு.

சிம்மம்: ஒதுங்கியிருந்த உறவினர், நண்பர்கள் ஓடி வந்து பேசுவர். தம்பதிக்குள் நெருக்கம் கூடும். வியாபாரத்தில் பாக்கி வசூலாகும். பங்குதாரர்களின் ஆலோசனைகளை கேட்டு நடக்கவும். அலுவலகத்தில் அமைதி காக்கவும்.

கன்னி: குடும்பத்தில் விட்டுக் கொடுத்துப் போகவும். அக்கம் பக்கத்தினரின் அன்புத் தொல்லை குறையும். வியாபாரத்தில் போட்டிகள் இருக்கும். அலுவலகத்தில் தேடிய முக்கிய ஆவணம் தென்படும். மதிப்பு உயரும்.

துலாம்: கைமாற்றாக வாங்கியிருந்த தொகையை தந்து முடிப்பீர். தாய்வழி உறவினர் மத்தியில் மதிப்பு கூடும். வியாபாரம் விறுவிறுப்பாக அமையும். இழுபறியாக இருந்த பாக்கிகள் வசூலாகும். உத்தியோகம் சிறக்கும்.

விருச்சிகம்: எதிர்பார்த்த உதவி தக்க சமயத்தில் கிட்டும். ஆன்மிகத்தில் நாட்டம் உண்டு. தெளிவான முடிவால் வியாபாரத்தில் இருந்த குழப்பம் அனைத்தும் நீங்கும். அலுவலகத்தில் தடைபட்ட பணிகளை முடிப்பீர்கள்.

தனுசு: பிள்ளைகளின் பிடிவாதம் குறைந்து உங்கள் பேச்சுக்கு செவி சாய்ப்பர். மகளுக்கு உடனே திருமணம் கூடி வரும். வியாபாரத்தில் பணியாட்களின் ஆதரவு உண்டு. அலுவலகத்தில் மேலதிகாரிகள் பாராட்டுவர்.

மகரம்: வெளிவட்டாரத்தில் கவுரவப் பதவிகள் தேடி வரும். மனைவி வழியில் ஒத்துழைப்பு அதிகரிக்கும். புது வேலை அமையும். அரசால் அனுகூலம் உண்டாகும். வியாபாரம், உத்தியோகத்தில் முன்னேற்றம் காண்பீர்.

கும்பம்: அலைச்சல், காரியத் தடைகள் வரக் கூடும். பிள்ளைகளின் உடல்நலத்தில் கவனம் செலுத்துங்கள். வியாபாரத்தில் அவசர முடிவு வேண்டாம். லாபமுண்டு. அலுவலகத்தில் உழைப்புக்கேற்ற அங்கீகாரம் கிட்டும்.

மீனம்: திட்டமிட்ட பணிகளை முடிக்க, வேகத்தை கூட்டுவீர். விஐபிகளின் உதவியுடன் சில காரியங்களை விரைந்து முடிப்பீர். உத்தியோகரீதியாக பயணங்கள் மேற்கொள்வீர். வியாபாரத்தில் பாக்கிகள் வசூலாகும்.