இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பழைய நண்பர்கள் வீட்டு விசேஷங்களில் கலந்து கொண்டு நட்பை புதுப்பிப்பீர். வியாபாரத்தில் பாக்கிகள் வசூலாகும். அலுவலகத்தில் மேலதிகாரியின் பாராட்டை பெறுவீர். விவாதங்களை தவிர்த்துவிடவும்.

ரிஷபம்: எதார்த்தமான பேச்சால் சுற்றியிருப்பவர்களை வசீகரிப்பீர். தம்பதிக்குள் அன்யோன்யம் அதிகரிக்கும். நண்பர்கள் தேடி வருவார்கள். வியாபாரத்தில் பழைய சரக்குகள் விற்றுத் தீரும். உத்தியோகத்தில் ஏற்றமுண்டு.

மிதுனம்: நெடுநாளாக அடைக்க முடியாமல் இருந்த கடனை இப்போது அடைக்கும் அளவுக்கு பணம் வரும். வீட்டில் சுபநிகழ்ச்சிகள் ஏற்பாடாகும். அலுவலகத்தில் பணிச்சுமை குறையும். வியாபாரத்தை விரிவுபடுத்துவீர்.

கடகம்: உறவினர்கள் உங்கள் வீடு தேடி வந்து பேசுவர். குலதெய்வ பிரார்த்தனைகளை நிறைவேற்றுவீர்கள். வியாபாரத்தில் பாக்கி வசூலாகும். லாபம் பார்ப்பீர்கள். அலுவலகத்தில் உங்கள் நிர்வாகத் திறன் வெளிப்படும்.

சிம்மம்: திட்டமிட்ட வேலையை அலைந்து திரிந்து முடிப்பீர். மனைவிவழியில் விட்டு கொடுத்து போகவும். வியாபாரத்தில் போட்டிகளை சமாளிக்கும் திறனை வளர்த்துக் கொள்வீர். அலுவலகத்தில் அமைதி காப்பீர்.

கன்னி: புதிய சிந்தனையால் சில பிரச்சினைகளை முடிப்பீர். உறவினர், நண்பர்கள் வீட்டு விசேஷங்களை முன்னின்று நடத்துவீர். வியாபாரத்தில் பழைய பாக்கி வசூலாகும். அலுவலக ரீதியாக பயணம் மேற்கொள்வீர்.

துலாம்: தடைகள் உடைபடும். தம்பதிக்குள் இருந்த பனிப்போர் விலகும். வருங்காலத்துக்கான முக்கிய முடிவுகளை எடுப்பீர்கள். வரவேண்டிய பணம் கைக்கு வரும். வியாபாரம், உத்தியோகத்தில் ஏற்றம் காண்பீர்.

விருச்சிகம்: பணவரவு உண்டு. உங்களுடன் உறவாடிக் கொண்டே உங்களுக்கு எதிராக செயல்பட்டவர்களை கண்டறிந்து ஒதுக்குவீர். வியாபார ரீதியாக பயணங்கள் மேற்கொள்வீர். அலுவலகத்தில் உங்கள் கை ஓங்கும்.

தனுசு: நீண்ட நாட்களாக தடைபட்ட சுபநிகழ்ச்சிகள் கைகூடி வரும். பிள்ளைகள் மனம் விட்டுப்பேசுவர். பண விஷயத்தில் கறாராக இருப்பீர்கள். அலுவலகத்தில் சக ஊழியர்களின் ஆதரவு கிட்டும். வியாபாரம் சிறக்கும்.

மகரம்: பணிச்சுமை, திடீர் பயணங்கள் வந்து போகும். வறட்டு கவுரவத்துக்காக சேமிப்புகளை கரைக்காதீர். வியாபாரத்தில் லாபம் உண்டு. பங்குதாரர் ஆலோசனை கேட்டு செயல்படவும். அலுவலகத்தில் மதிப்புயரும்.

கும்பம்: பழைய நல்ல சம்பவங்களை நினைவுகூர்ந்து மகிழ்வீர்கள். வீடு, வாகன பராமரிப்புச் செலவுகள் இருக்கும். அலுவலகத்தில் பழைய பிரச்சினைகளுக்கு தீர்வு காண்பீர். தொழிலில் பாக்கிகள் வசூலாகும்.

மீனம்: நீண்டநாள் கனவுகள் நனவாகும். பிள்ளைகளால் மகிழ்ச்சியும், உறவினர்களால் ஆதாயமும் உண்டாகும். நவீன மின்னணு சாதனம் வாங்குவீர். அலுவலகத்தில் நிம்மதியுண்டு. வியாபாரத்தில் ஓரளவு லாபம் பார்ப்பீர்.

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow