இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: தடைபட்டிருந்த சுபகாரியம் நல்ல விதத்தில் முடிவடையும். பழைய பிரச்சினைகளுக்கு மாறுபட்ட அணுகுமுறையால் நல்ல தீர்வு காண்பீர். வியாபாரத்தில் போட்டிகள் குறையும். உத்தியோகத்தில் ஏற்றமுண்டு.

ரிஷபம்: விலை உயர்ந்த கலை பொருட்கள், புது ஆடை ஆபரணங்கள் வாங்குவீர். வியாபாரத்தில் லாபமீட்டுவீர். அலுவலக மேலதிகாரியின் வீட்டு விசேஷங்களில் பங்கேற்கும் அளவுக்கு அவருடன் நெருக்கமாவீர்கள்.

மிதுனம்: பிள்ளைகள் படிப்பு தொடர்பாக அலைச்சல் இருக்கும். குடும்பத்தில் விட்டுக் கொடுத்து போகவும். வியாபாரத்தில் புது முடிவுகள் எடுக்க வேண்டாம். அலுவலகரீதியாக வெளியூர் பயணம் மேற்கொள்வீர்.

கடகம்: எதிர்பார்த்த வேலைகள் தடையின்றி முடியும். பூர்வீக வீட்டை விரிவுபடுத்தி கட்டுவீர். அண்டை அயலாருடன் இருந்து வந்த கருத்துமோதல் விலகும். வியாபாரம், உத்தியோகத்தில் முன்னேற்றம் காண்பீர்.

சிம்மம்: புது சிந்தனையால் மனக்குழப்பங்கள் விலகும். பூர்வீக சொத்து பிரச்சினையில் நல்ல தீர்வு கிடைக்கும். குடும்பத்தில் நிம்மதியுண்டு. வியாபாரத்தில் லாபம் பார்க்கலாம். அலுவலகத்தில் வீண் விவாதம் தவிர்ப்பீர்.

கன்னி: திடீர் யோகம் உண்டாகும். வீட்டில் சுப நிகழ்ச்சி ஏற்பாடாகும். உறவினர்கள் மத்தியில் மதிப்பு, மரியாதை உயரும். வியாபாரத்தில் பழைய பாக்கிகள் வசூலாகும். அலுவலகத்தில் தேடிய முக்கிய ஆவணம் தென்படும்.

துலாம்: வெளிவட்டாரத்தில் அந்தஸ்து உயரும். சிலர் உங்கள் உதவியை நாடுவர். மூத்த சகோதரர் உங்களை புரிந்து கொள்வார். கடையில் சில மாற்றங்கள் செய்வீர். அலுவலகத்தில் அமைதி காப்பது நன்மை தரும்.

விருச்சிகம்: குடும்பத்தில் விட்டு கொடுத்துப் போகவும். தாய்வழி உறவினரால் அலைச்சல் இருக்கும். பணவரவு உண்டு. வியாபாரத்தில் போட்டி குறையும். அலுவலக விஷயமாக பிரபலங்களை சந்திக்கும் வாய்ப்பு ஏற்படும்.

தனுசு: குழப்பம் நீங்கி குடும்பத்தில் மகிழ்ச்சி பொங்கும். பிள்ளைகளின் பிடிவாதம் குறைந்து உங்கள் பேச்சுக்கு செவி சாய்ப்பர். வியாபாரத்தில் பாக்கிகள் வந்து சேரும். அலுவலகத்தில் சக ஊழியர் மத்தியில் மதிப்பு உயரும்.

மகரம்: தாயாரின் மருத்துவ செலவு குறையும். யோகா, தியானம் என மனம் செல்லும். உடன்பிறந்தோர் உதவி கரமாக நடந்து கொள்வர். வியாபாரம் சூடு பிடிக்கும். பாக்கி வசூலாகும். அலுவலகத்தில் நற்பெயர் கிட்டும்.

கும்பம்: குடும்பத்தினரின் எண்ணங்களை கேட்டறிந்து பூர்த்தி செய்வீர்கள். வீடு, மனை வாங்குவது, விற்பது லாபகரமாக அமையும். தந்தைவழியில் நிம்மதியுண்டு. வியாபாரம், உத்தியோகத்தில் முன்னேற்றம் காண்பீர்.

மீனம்: பழைய பொன்,பொருளை மாற்றிவிட்டு புதியன வாங்குவீர். மனைவிவழி உறவினரால் ஆதாயமுண்டு. வியாபாரத்தில் பாக்கி வசூலாகும். சரக்குகள் விற்றுத் தீரும். அலுவலகத்தில் விவாதம் தவிர்ப்பது நல்லது.