இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எதிர்பாராத இடத்தில் இருந்து உதவி கிடைக்கும். குடும்பத்திலும், வெளி வட்டாரத்திலும் உங்கள் பேச்சுக்கு மதிப்பு கூடும். பழைய சொந்தங்கள் தேடி வருவார்கள். உத்தியோகத்தில் பணிச் சுமை குறையும்.

ரிஷபம்: வெளியூர் பயணம் மற்றும் உறவினர்களின் வருகையால் செலவு அதிகரிக்கும். தொழில், வியாபாரத்தில் நிதானம் தேவை. அலுவலகத்தில் பணிச் சுமை அதிகரிக்கும். ஆன்மிகத்தில் ஈடுபாடு உண்டாகும்.

மிதுனம்: நீண்டகாலமாக தடைபட்ட வேலையை, வித்தியாசமான அணுகுமுறையால் முடித்துக் காட்டுவீர்கள். சில சிக்கல்களுக்கு உங்கள் அவசர முடிவுதான் காரணம் என்பதை உணர்வீர்கள். பண வரவு உண்டு.

கடகம்: உங்கள் நட்பு வட்டம் விரிவடையும். பழைய வாகனத்தை மாற்றிவிட்டு, புதிதாக வாங்குவீர்கள். வீடு, வாகனம் வாங்க கடனுதவி கிடைக்கும். அரசு, வங்கி காரியங்கள் நல்ல விதத்தில் முடியும்.

சிம்மம்: குடும்பத்தினருடன் மனம்விட்டு பேசுவீர்கள். உறவினர்கள் மத்தியில் அந்தஸ்து உயரும். வெளிநாடு செல்லும் வாய்ப்பு வரும். அலுவலகத்தில் உங்கள் பேச்சுக்கு மதிப்பு கூடும். பண வரவு, பொருள் வரவு உண்டு.

கன்னி: புதிய முயற்சிகளில் ஈடுபட்டு வெற்றி பெறுவீர்கள். பழுதான டிவி, ஃப்ரிட்ஜ், வாஷிங் மெஷினை மாற்றி, புதிதாக வாங்குவீர்கள். பிள்ளைகளால் நிம்மதி உண்டு. வியாபாரத்தில் வராக்கடன் வந்துசேரும்.

துலாம்: பண வரவு திருப்திகரமாக இருக்கும். சகோதர வகையில் மன நிம்மதி கிடைக்கும். பெற்றோர் உடல்நிலை சீராகும். வீண் அலைச்சல், டென்ஷன் குறையும். தொழில், வியாபாரத்தில் லாபம் உண்டு.

விருச்சிகம்: எதிர்பார்த்த உதவிகள், வாய்ப்புகள் சற்று தாமதமாகும். பேச்சில் பொறுமை தேவை. பிள்ளைகளின் செயல்பாடுகளால் அதிருப்தி அடைவீர்கள். தொழில், வியாபாரத்தில் போட்டிகள் இருந்தாலும் சமாளிப்பீர்கள்.

தனுசு: சொந்த பந்தங்கள் வருகையால் வீடு களைகட்டும். பிள்ளைகள் உடல்நிலை சீராகும். மருத்துவ செலவுகுறையும். அரசு அதிகாரிகள் ஆதரவாக இருப்பார்கள். அலுவலகத்தில் வீண் விவாதங்கள் விலகும்.

மகரம்: எல்லா வேலைகளையும் நீங்களே இழுத்துப் போட்டு பார்ப்பீர்கள். குடும்பத்தில் அன்யோன்யம் அதிகரிக்கும். வியாபாரத்தில் பழைய பாக்கிகள் வசூலாகும். எதிர்பார்த்த உதவிகள் தாமதமாக கிடைக்கும்.

கும்பம்: வீட்டில் தடைபட்ட சுபகாரியங்கள் ஏற்பாடாகும். மகான்கள், ஆன்மிக பெரியவர்களின் ஆசி கிடைக்கும். பழைய சொந்த பந்தங்கள் தேடி வருவார்கள். பொது காரியங்களில் ஈடுபட்டு பாராட்டு பெறுவீர்கள்.

மீனம்: வெளி வட்டாரத்தில் மதிப்பு, மரியாதை உயரும். சகோதர உறவுகள் தக்க சமயத்தில் உதவுவார்கள். திருமண பேச்சுவார்த்தையில் முன்னேற்றம் உண்டு. வெளியூர் பயணங்களால் மகிழ்ச்சி தங்கும்.