இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பிள்ளைகள் படிப்பு தொடர்பாக அலைச்சல் இருக்கும். குடும்பத்தினரின் ஆலோசனையை கேட்டு செயல்படவும். வியாபாரத்தில் பாக்கிகளை போராடி வசூலிப்பீர். அலுவலகத்தில் அமைதி காப்பது நல்லது.

ரிஷபம்: புதியவரின் நட்பால் உற்சாகமடைவீர். பூர்வீக வீட்டை சீரமைத்து விரிவுபடுத்துவீர். வேற்றுமதத்தவர் உதவுவார். வியாபாரம் லாபம் தரும். அலுவலகத்தில் மேலதிகாரி ஆதரிப்பார். சக ஊழியர்கள் மதிப்பார்கள்.

மிதுனம்: குடும்பத்தில் உங்கள் கை ஓங்கும். உங்களின் உதவியை நாடி பழைய நண்பர்கள் வருவர். தாயாரின் மருத்துவ செலவு குறையும். உத்தியோகம் சிறக்கும். வியாபாரத்தில் புது சரக்குகளை கொள்முதல் செய்வீர்.

கடகம்: பிள்ளைகளின் பாசம் கூடும். உறவினர்களுடன் இருந்த பகை விலகும். தந்தைவழி சொத்து தொடர்பான செலவுகளை கட்டுப்படுத்துவீர். அலுவலகத்தில் உங்கள் அருமை புரியும். வியாபாரத்தை விரிவுபடுத்துவீர்கள்.

சிம்மம்: சாமர்த்தியமாக செயல்பட்டு சில பணிகளை முடிப்பீர். குடும்பத்தில் மதிப்பு கூடும். எதிர்பார்த்த கடனுதவி கிட்டும். வியாபாரத்தில் பழைய சரக்குகள் விற்றுத் தீரும். உத்தியோகத்தில் ஏற்றம் காண்பீர்கள்.

கன்னி: சகோதர வகையில் வீண் செலவு, அலைச்சல் வரும். வாகனத்தில் நிதானம் தேவை. வியாபாரத்தில் பாக்கி வசூலாகும். அலுவலகத்தில் பணிச்சுமை கூடும். உங்கள் உழைப்புக்கு தகுந்த அங்கீகாரம் கிடைக்கும்.

துலாம்: பழைய பிரச்சினைகளுக்கு தீர்வு காண்பீர். பிரபலங்களின் நட்பு கிட்டும். தாயாரின் உடல்நிலை சீராகும். அலுவலகத்தில் பணிகளை விரைந்து முடிப்பீர். வியாபாரத்தில் புதிய பங்குதாரர்கள் கிடைப்பார்கள்.

விருச்சிகம்: பிள்ளைகளை புதிய பாதையில் வழி நடத்துவீர். விலை உயர்ந்த பொருட்கள் வாங்குவீர். மனைவிவழி உறவினர்கள் தேடி வருவர். வியாபாரம் சிறக்கும். அலுவலகத்தில் உங்கள் திறமை வெளிப்படும்.

தனுசு: உங்களின் ஆளுமைத் திறன் கூடும். குடும்பத்தில் உங்கள் கை ஓங்கும். மனைவியுடன் இருந்த மோதல்கள் நீங்கும். மாணவர்கள் உற்சாகமாக காணப்படுவார்கள். வியாபாரம், உத்தியோகத்தில் முன்னேற்றம் காண்பீர்.

மகரம்: எதிர்பாராத சந்திப்பு நிகழும். சகோதரர்களின் விருப்பத்தை நிறைவேற்றுவீர். பால்ய நண்பர்கள் உதவுவர். வியாபாரத்தை விரிவுபடுத்த புது முயற்சி எடுப்பீர். அலுவலகத்தில் வீண் விவாதம் வேண்டாம்.

கும்பம்: தள்ளிப் போய்க் கொண்டிருந்த சுபநிகழ்ச்சிக்கு தேதி குறிப்பீர்கள். குடும்பத்தில் சந்தோஷம் நிலைக்கும். வாகனத்தை சரி செய்வீர்கள். வியாபாரத்தில் பாக்கிகள் வசூலாகும். அலுவலகத்தில் புதிய பதவி கிடைக்கும்.

மீனம்: எதிர்பார்த்த உதவிகள் தக்க சமயத்தில் கிட்டும். தெளிவான முடிவுகளால் சுற்றியிருப்பவர்களின் நன்மதிப்பை பெறுவீர். வியாபாரத்தில் பங்குதாரர்கள் வளைந்து கொடுத்து போவர். உத்தியோகம் சிறக்கும்.