இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: திட்டமிட்ட வேலைகளை போராடி முடிப்பீர். குடும்பத்தில் சிறு சிறு கருத்துமோதல்கள் வரக்கூடும். வியாபாரம் சூடு பிடித்து லாபம் தரும். உத்தியோகத்தில் சக ஊழியர்களைப் பற்றி குறை கூற வேண்டாம்.

ரிஷபம்: இங்கிதமாக பேசி அனைவரையும் கவருவீர். தாயாரின் உடல்நலம் சீராகும். பிள்ளைகள் பொறுப்பாக நடந்து கொள்வார்கள். மாணவர்கள் படிப்பில் ஆர்வம் காட்டுவர். வியாபாரம், உத்தியோகத்தில் ஏற்றமுண்டு.

மிதுனம்: சமயோஜித புத்தியுடன் பல காரியங்களையும் முடித்து காட்டுவீர். பழைய கடன்களை பைசல் செய்வீர். உறவினர்கள் மத்தியில் மதிப்பு கூடும். வியாபாரம் சூடு பிடிக்கும். அலுவலகத்தில் அமைதி காப்பது நல்லது.

கடகம்: கல்வித் தகுதியை அதிகப்படுத்திக் கொள்வீர். அறிஞர்களின் நட்பு கிடைக்கும். சகோதரர்கள் ஆதரவாக இருப்பர். அலுவலகத்தில் சிலருக்கு பெரிய பொறுப்பு கிடைக்கும். வியாபாரத்தில் போட்டிகள் குறையும்.

சிம்மம்: தாழ்வு மனப்பான்மை நீங்கும். பணப்புழக்கம் அதிகரிக்கும். வியாபாரத்தில் சரக்குகள் விற்றுத் தீரும். அலுவலக மேலதிகாரியின் வீட்டு விசேஷங்களில் கலந்து கொள்ளும் அளவுக்கு அவருடன் நெருக்கமாவீர்.

கன்னி: உறவினர்கள், நண்பர்கள் வகையில் விரயச் செலவுகள் வரக்கூடும். வியாபாரத்தில் போட்டிகளை சமாளிப்பீர்கள். உத்தியோகத்தில் அலைச்சல் இருக்கும். சக ஊழியர்களுடன் இணக்கமாக செயல்படுவது நல்லது.

துலாம்: புது யோசனை தந்து சுற்றியிருப்பவர்களை கவருவீர். பாதியில் நின்ற வீட்டு வேலைகள் முடியும். வியாபாரத்தில் பாக்கிகள் வசூலாகும். அலுவலகரீதியாக வெளியூர் பயணம் மேற்கொள்ள வேண்டியிருக்கும்.

விருச்சிகம்: தொட்ட காரியங்கள் துலங்கும். தனிப்பட்ட முறையில் சில முடிவுகளை தைரியமாக எடுப்பீர்கள். வெளிவட்டாரத்தில் செல்வாக்கு கூடும். வியாபாரம் சிறக்கும். அலுவலகத்தில் வீண் விவாதம் வேண்டாம்.

தனுசு: முகத்தில் தெளிவு பிறக்கும். புதியவர்கள் நண்பர்களாவர். புண்ணிய ஸ்தலங்கள் சென்று வருவீர். தாயாரின் உடல்நலம் சீராகும். வியாபாரம் லாபம் தரும். உத்தியோகத்தில் புதிய உயரதிகாரி ஆதரவு தருவார்.

மகரம்: பிரபலங்களின் வீட்டு விசேஷங்களில் கலந்து கொள்வீர். புது ஆடை, ஆபரணங்களில் மனம் லயிக்கும். தாய்வழி உறவினரால் ஆதாயமுண்டு. வியாபாரத்தில் பழைய சரக்குகள் விற்றுத் தீரும். உத்தியோகம் சிறக்கும்.

கும்பம்: மனக்குழப்பம் தீரும். புதிய நண்பர்களின் அறிமுகத்தால் உற்சாகமடைவீர். வியாபாரத்தில் இருந்த போட்டிகள் குறையும். அலுவலகத்தில் பெரிய பதவிக்கு பரிந்துரை செய்யப்படுவீர். மேலதிகாரிகள் பாராட்டுவர்.

மீனம்: அதிகாரப் பதவியில் இருப்பவர்களின் நட்பு கிட்டும். அலுவலகத்தில் யாரை பற்றியும் புகார் கூறாதீர். வியாபாரத்தை புது சரக்குகளை கொள்முதல் செய்வீர். பங்குதாரர்களின் ஆலோசனைப்படி செயல்படவும்.