இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தில் மகிழ்ச்சி உண்டாகும். உங்கள் பேச்சில் அனுபவ அறிவு வெளிப்படும். வேற்றுமொழி பேசுபவர்களால் நல்லது நடக்கும். உத்தியோகத்தில் ஏற்றம் உண்டு. வியாபாரத்தை விரிவுபடுத்த முற்படுவீர்.

ரிஷபம்: தடைபட்ட வேலைகளை மாறுபட்ட அணுகு முறையால் முடித்து காட்டுவீர். குடும்பத்தில் மகிழ்ச்சி தங்கும். உறவினர்கள், நண்பர்கள் தேடி வந்து பேசுவர். வியாபாரம், அலுவலகத்தில் விவாதம் வேண்டாம்.

மிதுனம்: பிரபலங்களுக்கு நெருக்கமாவீர். பழைய வழக்கில் வெற்றி பெறுவீர். ஷேர் மூலம் பணம் வரும். முக்கிய பதவிக்கு தேர்ந்தெடுக்கப்படுவீர். வியாபாரம் லாபம் தரும். அலுவலகத்தில் உயரதிகாரி பாராட்டுவார்.

கடகம்: உறவினர் மத்தியில் அந்தஸ்து உயரும். பால்ய நண்பர்களை சந்திப்பீர். சுப நிகழ்ச்சிகளில் பங்கேற்பீர். உங்களின் நிர்வாக திறன் கூடும். வியாபாரத்தில் பழைய பாக்கி வசூலாகும். உத்தியோகத்தில் ஏற்றம் உண்டு.

சிம்மம்: பொது விவாதங்களில் வெற்றி பெறுவீர். மன இறுக்கம் நீங்கும். விஐபிகள் மத்தியில் செல்வாக்கு கூடும். வழக்கில் சாதகமான தீர்ப்பு வரும். அலுவலக ரீதியாக பயணம் செல்வீர். வியாபாரத்தில் லாபமுண்டு.

கன்னி: ஒப்புக் கொண்ட வேலையை முடிக்க அதிகம் உழைக்க வேண்டி இருக்கும். குடும்பத்தில் விட்டுக் கொடுத்து போகவும். பயணங்களின்போது எச்சரிக்கை அவசியம். வியாபாரம், உத்தியோகம் சிறக்கும்.

துலாம்: அக்கம் பக்கத்தினருடன் அளவாகப் பேசி பழகவும். புது வேலையில் சென்று அமர்வீர். நெருங்கிய உறவினர்கள் விரும்பி வந்து பேசுவர். வியாபாரரீதியாக சிலரை சந்திப்பீர். அலுவலகத்தில் அமைதி காக்கவும்.

விருச்சிகம்: எதிர்பார்த்த வெளிநாட்டு பயணங்கள் அமையும். வியாபாரத்தில் பழைய வாடிக்கையாளர்கள் மீண்டும் வருவார்கள். புதிய யுக்திகளை கையாள்வீர். அலுவலகத்தில் யாரையும் பகைத்துத் கொள்ளாதீர்.

தனுசு: பயணங்கள் திருப்தி தரும். பொது அறிவை வளர்த்துக் கொள்வீர். நீண்ட நாள் பிரச்சினைகளுக்கு தீர்வு காண்பீர். யோகா, தியானத்தில் மனம் செல்லும். வியாபாரம் சிறக்கும். உத்தியோகத்தில் ஏற்றம் காண்பீர்.

மகரம்: செயலில் வேகம் கூடும். பழைய வீட்டை புதுப்பிக்கும் முயற்சியில் இறங்குவீர். பணப்பற்றாக் குறையை சாமர்த்தியமாக சமாளிப்பீர். வியாபாரத்தை விரிவுபடுத்துவீர். அலுவலகத்தில் அமைதி காக்கவும்.

கும்பம்: வேற்று மொழி, மதத்தினர்களால் திருப்பம் உண்டாகும். தந்தைவழி உறவினர்களால் ஆதாயமுண்டு. வியாபாரத்தை விரிவுபடுத்துவீர். தலைமையிடத்தின் கவனத்தைப் பெற்றதால் அலுவலகத்தில் மதிப்புயரும்.

மீனம்: முன்கோபத்தை தவிர்த்து அறிவுப்பூர்வமாக முடிவெடுக்கப் பாருங்கள். குடும்பத்தில் நிம்மதியுண்டு. வியாபாரத்தில் கவனம் தேவை. அலுவலகத்தில் யாரை பற்றியும் குறை கூற வேண்டாம். விவாதம் தவிர்ப்பீர்.