இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தில் உங்கள் வார்த்தைக்கு மதிப்பு கூடும். வாகனத்தை மாற்றுவீர். நெடுநாட்களுக்கு பிறகு சில நண்பர்களை சந்திப்பீர். வியாபாரத்தில் பழைய பாக்கி வசூலாகும். உத்தியோகத்தில் நிம்மதி கிட்டும்.

ரிஷபம்: பிரபலங்களின் வீட்டு விசேஷங்களில் கலந்து கொள்வீர். மனைவி, தாயாரின் உடல்நலம் திருப்தி தரும். முன்கோபம் குறையும். வியாபாரத்தில் சரக்குகள் விற்றுத் தீரும். அலுவலகத்தில் வீண் விவாதங்களை தவிர்ப்பீர்.

மிதுனம்: எதிர்பார்த்த பணம் வரும். மூத்த சகோதர வகையில் ஆதரவுண்டு. வியாபாரத்தில் பங்குதாரர்களின் ஆலோசனையை கேட்டு நடக்கவும். பாக்கி வசூலாகும். உத்தியோகத்தில் புது அதிகாரி உங்களை மதிப்பார்.

கடகம்: சோர்வு நீங்கி சுறுசுறுப்படைவீர். குடும்பத்தில் நிலவி வந்த குழப்பங்கள் விலகும். கூட்டுத்தொழிலில் லாபம் கிட்டும். அலுவலகத்தில் விரும்பிய இடமாற்றம் உண்டு. தலைமையிடத்தின் கவனத்தைப் பெறுவீர்கள்.

சிம்மம்: குடும்பத்தில் விட்டுக் கொடுத்து போகவும். விலையுயர்ந்த பொருட்களை கவனமாக கையாளவும். வியாபாரத்தில் பாக்கிகளை போராடி வசூலிப்பீர்கள். அலுவலகத்தில் அடுத்தவர் விஷயத்தில் தலையிடாதீர்.

கன்னி: வெளிவட்டாரத்தில் நிதானமாக பழகவும். குடும்பத்தில் ஓரளவு நிம்மதியுண்டு. வீண் அலைச்சல், மனச்சோர்வு வரக்கூடும். வியாபாரத்தில் லாபமுண்டு. அலுவலகத்தில் தேடிய முக்கிய ஆவணம் தென்படும்.

துலாம்: குழப்பம் நீங்கி தெளிவு பிறக்கும். வீடு, மனை வாங்குவது, விற்பது லாபகரமாக அமையும். சகோதர -சகோதரிகள் பாசமாக இருப்பர். அலுவலகத்தில் புது பொறுப்புகள் ஏற்பீர். வியாபாரத்தை விரிவுபடுத்துவீர்.

விருச்சிகம்: கடந்த கால சுகமான அனுபவங்கள் மனதில் நிழலாடும். மாணவர்கள் படிப்பில் ஆர்வம் காட்டுவர். வியாபாரத்தில் பணியாட்கள் நன்றியுடன் இருப்பார்கள். அலுவலகத்தில் உங்கள் கை ஓங்கும்.

தனுசு: வெளிவட்டாரத்தில் புதியவர்கள் அறிமுகமாவர். சொத்து சம்பந்தப்பட்ட வழக்கில் வெற்றி பெறுவீர்கள். வியாபாரத்தில் பற்று வரவு உயரும். உத்தியோகத்தில் சவாலான பணிகளையும் எளிதாக செய்துவிடுவீர்கள்.

மகரம்: குடும்பத்தில் கலகலப்பான சூழல் உருவாகும். கையில் பணப்புழக்கம் அதிகரிக்கும். வியாபாரத்தில் போட்டிகள் குறையும். பணியாட்கள் அன்பாக நடந்து கொள்வர். அலுவலகத்தில் அமைதி காப்பது நல்லது.

கும்பம்: குடும்பத்தாருடன் விட்டுக் கொடுத்து போகவும். நவீன மின் சாதனங்கள் வாங்குவீர்கள். வியாபாரத்தில் பாக்கிகளை போராடி வசூலிப்பீர். அலுவலகத்தில் பணிச்சுமை கூடும். உழைப்புக்கு தகுந்த அங்கீகாரம் கிட்டும்.

மீனம்: புதிய திட்டங்கள் நிறைவேறும். பிள்ளைகள் நம்பிக்கை தருவர். ஆடம்பரச் செலவுகளைக் குறைத்து சேமிக்கத் தொடங்குவீர்கள். நட்பால் ஆதாயம் உண்டு. வியாபாரம் சிறக்கும். உத்தியோகத்தில் ஏற்றம் காண்பீர்.