இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: மனக் குழப்பங்கள் நீங்கும். நினைத்த காரியம் நிறைவேறும். கல்வியாளர், அறிஞர்களின் நட்பால் தெளிவடைவீர். குடும்பத்தில் சுபநிகழ்ச்சி ஏற்பாடாகும். வியாபாரம், உத்தியோகத்தில் முன்னேற்றம் காண்பீர்.

ரிஷபம்: சேமிப்புகள் கரையக் கூடும். கணவன் மனைவி பிரச்சினைக்குள் மற்றவர்களை நுழைய விடாதீர்கள். ஆன்மிகத்தில் நாட்டமிருக்கும். உடன்பிறந்தவர்களால் செலவு உண்டு. வியாபாரம், உத்தியோகம் சிறக்கும்.

மிதுனம்: எதிர்பார்த்த இடத்திலிருந்து பணம் வரும். புதிய சிந்தனைகள் தோன்றும். உடன்பிறந்தவர்களின் ஆதரவு கிட்டும். வியாபாரத்தை விரிவுபடுத்துவீர்கள். அலுவலகரீதியாக வெளியூர் பயணம் மேற்கொள்வீர்.

கடகம்: சவால்கள், ஏமாற்றங்களை கடந்து வெற்றி அடைவீர். தம்பதிக்குள் விட்டுக் கொடுத்து போவீர்கள். பணவரவு அதிகரித்து கடன்களை பைசல் செய்வீர்கள். வியாபாரம் சூடு பிடிக்கும். உத்தியோகம் சிறக்கும்.

சிம்மம்: உறவினர்கள் மத்தியில் மதிக்கப்படுவீர்கள். சகோதர வகையில் நன்மை பிறக்கும். வீடு, வாகனத்தில் பழுதை மாற்றுவீர். அலுவலகத்தில் அனைவரையும் கவருவீர். வியாபாரத்தில் எதிர்பாராத லாபம் பார்ப்பீர்.

கன்னி: தொட்டது துலங்கும். குழப்பம் நீங்கி தெளிவு பிறக்கும். அனுபவப்பூர்வமாக பேசுவீர். சகோதரர்கள் உங்கள் வார்த்தைக்கு மதிப்பளிப்பார்கள். வியாபாரம் சிறக்கும். அலுவலகத்தில் தேடிய ஆவணம் தென்படும்.

துலாம்: பழைய நண்பர்கள் வீடு தேடி வந்து பேசுவர். வெளிவட்டாரத்தில் புது அனுபவம் உண்டு. பிள்ளைகள் பொறுப்புடன் செயல்படுவர். வியாபாரத்தில் போட்டி விலகும். அலுவலகத்தில் விரும்பிய இடமாற்றமுண்டு.

விருச்சிகம்: தம்பதிக்குள் விட்டுக் கொடுத்துப் போவது நல்லது. அலுவலகத்தில் பணிச்சுமை கூடும். வியாபாரம் சூடு பிடித்து ஓரளவு லாபம் பார்க்கலாம். யாருக்கும் எதற்காகவும் உறுதிமொழி அளிப்பதை தவிர்க்கவும்.

தனுசு: எண்ணங்கள் ஈடேறும். குடும்பத்தில் இழந்த செல்வாக்கை மீண்டும் பெறுவீர். எதிர்பார்த்த தொகை கைக்கு வரும். வியாபாரத்தில் பெரிய மனிதர்களின் நட்பு கிட்டும். உத்தியோகத்தில் பணிச்சுமை குறையும்.

மகரம்: உறவினர் மத்தியில் மதிப்பு, மரியாதை உயரும். குடும்பத்தில் சுபநிகழ்ச்சிகள் ஏற்பாடாகும். பணவரவு அதிகரிக்கும். வாசனை திரவியம், கலை பொருட்கள் வாங்குவீர். வியாபாரம், உத்தியோகத்தில் ஏற்றமுண்டு.

கும்பம்: கடந்தகால அனுபவங்களை, சாதனைகளை நினைத்து மகிழ்வீர். வீண் விவாதங்களை தவிர்ப்பீர்கள். வியாபாரரீதியாக முக்கிய பிரமுகர்களை சந்திப்பீர்கள். அலுவலகத்தில் புதிய பதவிக்கு பரிந்துரைக்கப்படுவீர்.

மீனம்: ஆடம்பரச் செலவுகளை குறைத்து சேமிக்கத் தொடங்குவீர்கள். மனதுக்குப் பிடித்தவர்களை சந்திப்பீர். தம்பதிக்குள் இருந்த பிரச்சினைகள் நீங்கும்.வியாபாரம் சிறக்கும். உத்தியோகத்தில் பணிச்சுமை குறையும்.