இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: சிறிய வாய்ப்புகளையும் சாதுர்யமாக பயன்படுத்தி, காரியம் சாதிப்பீர்கள். பெற்றோர் ஒத்துழைப்பு அதிகரிக்கும். வெளியூரில் இருந்து நல்ல செய்தி வரும். வியாபாரத்தில் பழைய சரக்குகள் விற்றுத் தீரும்.

ரிஷபம்: நம்பிக்கை, உற்சாகத்துடன் பொது காரியங்களில் ஈடுபடுவீர்கள். பிள்ளைகளின் விருப்பத்தை நிறைவேற்றுவீர்கள். வியாபார ரீதியாக பிரபலங்களை சந்திப்பீர்கள். சேமிப்பு மேலும் அதிகரிக்கும்.

மிதுனம்: எதையும் தாங்கும் மனவலிமை கிடைக்கும். பண வரவு, பொருள் வரவு உண்டாகும். எதிர்ப்புகள், ஏமாற்றங்களை முறியடித்து வெற்றி பெறுவீர்கள். சகோதர உறவுகள் பக்கபலமாக இருப்பார்கள்.

கடகம்: பழைய சம்பவங்கள் மகிழ்ச்சி தரும். வழக்குகளில் சாதகமான திருப்பம் வரும். அரசால் அனுகூலம் உண்டு. இழுபறியாக இருந்த வேலைகள் முடியும். தந்தை வழியில் உதவிகள் கிடைக்கும்.

சிம்மம்: மன இறுக்கம், தேவையற்ற குழப்பம் வந்து போகும். குடும்பத்தில் நிதானத்தை கடைபிடியுங்கள். பயணத்தில் அதிக கவனம் தேவை. நாடி வந்தவர்களுக்கு உங்களால் இயன்ற உதவிகளை செய்வீர்கள்.

கன்னி: கல்வித் தகுதி, சிறப்பு திறன்களை அதிகப்படுத்திக் கொள்வீர்கள். அறிஞர்களின் நட்பு கிடைக்கும். குடும்பத்தில் நிம்மதி தங்கும். சகோதரர்கள் ஆதரவாக இருப்பார்கள். புதிய பதவி, பொறுப்புகள் தேடி வரும்.

துலாம்: குடும்பத்தினருடன் சுப நிகழ்ச்சிகளில் கலந்து கொள்வீர்கள். ஆன்மிகத்தில் ஈடுபாடு அதிகரிக்கும். உறவினர்களுடன் இருந்த மோதல்கள் விலகும். தொழில், வியாபாரத்தில் தேங்கி கிடந்த சரக்குகள் விற்றுத் தீரும்.

விருச்சிகம்: தைரியமாக செயல்பட்டு, சில முக்கிய முடிவுகள் எடுப்பீர்கள். அதிகார பதவியில் இருப்பவர்களின் அறிமுகமும், அதனால் ஆதாயமும் உண்டாகும். நீண்ட நாள் பிரச்சினைக்கு சுமுக தீர்வு கிடைக்கும்.

தனுசு: சோர்வு, களைப்பு நீங்கும். உற்சாகத்துடன் புதிய முயற்சிகளில் ஈடுபடுவீர்கள். கணவன் - மனைவிக்குள் மனஸ்தாபம் நீங்கி, அன்யோன்யம் அதிகரிக்கும். வீடு, மனை வாங்குவது, விற்பது லாபகரமாக முடியும்.

மகரம்: வெளி வட்டாரத்தில் யாரிடமும் வீண் பேச்சு, வாக்குவாதம் வேண்டாம். தொழில், வியாபாரத்தில் நிதானம் தேவை. யாரையும் எடுத்தெறிந்து பேசக் கூடாது. பெரிய நிறுவனத்தில் அதிக சம்பளத்துடன் வேலை கிடைக்கும்.

கும்பம்: எந்த பிரச்சினை வந்தாலும் எதிர்கொள்ளும் தைரியம் பிறக்கும். நல்லவர்களின் நட்பு கிடைக்கும். மனதில் நம்பிக்கை, புது தெம்பு பிறக்கும். வியாபாரத்தில் லாபம் உண்டாகும். பிள்ளைகளால் மனநிம்மதி உண்டு.

மீனம்: தைரியமாக சில முக்கிய முடிவுகள் எடுப்பீர்கள். நண்பர்கள் உதவிகரமாக இருப்பார்கள். சகோதர உறவுகள் பக்கபலமாக இருப்பார்கள். நிலம், வீடு வாங்குவது, விற்பது சாதகமாக முடியும். ஆன்மிக நாட்டம் கூடும்.