இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: முகத்தில் தெளிவு பிறக்கும். மனைவிவழியில் நல்ல செய்தி உண்டு. வியாபாரத்தில் பாக்கி வசூலாகும். பங்குதாரர்களின் ஆலோசனையை கேட்டு நடக்கவும். அலுவலகத்தில் தலைமையின் நம்பிக்கையை பெறுவீர்.

ரிஷபம்: பழைய கடன்களைத் தீர்க்க வழி கிடைக்கும். குடும்பத்தில் மகிழ்ச்சியான சூழ்நிலை உருவாகும். வியாபாரத்தை பெரிய அளவில் விரிவுபடுத்துவீர்கள். அலுவலகத்தில் மேலதிகாரிகளின் ஆதரவை பெறுவீர்.

மிதுனம்: சவாலான காரியங்களையும் சாதுர்யமாக முடித்து வெற்றி பெறுவீர்கள். தடைகள் யாவும் நீங்கும். முக்கிய முடிவுகள் எடுப்பீர். வியாபாரத்தில் போட்டிகள் குறையும். லாபம் கூடும். உத்தியோகத்தில் ஏற்றமுண்டு.

கடகம்: குடும்பத்தில் விட்டுக் கொடுத்து போகவும். அக்கம் பக்கத்தினரை அனுசரித்து நடந்து கொள்ளவும். அலுவலகத்தில் டென்ஷன் கூடும். முன்கோபத்தை கட்டுப்படுத்தவும். வியாபாரத்தில் எச்சரிக்கை தேவை.

சிம்மம்: எதையும் சமாளிக்கும் சாமர்த்தியம் பிறக்கும். பிள்ளைகளின் பிடிவாதம் தளரும். குடும்பத்துடன் சென்று பிரார்த்தனைகளை நிறைவேற்றுவீர். வியாபாரத்தில் பாக்கிகள் வசூலாகும். உத்தியோகம் சிறக்கும்.

கன்னி: பழைய பிரச்சினைகளுக்கு மாறுபட்ட அணுகு முறையால் தீர்வு காண்பீர்கள். ஆன்மிக நாட்டம் கூடும். உத்தியோகத்தில் அதிகாரிகள் முக்கிய அறிவுரை தருவர். வியாபார விஷயமாக முக்கிய பிரமுகர்களை சந்திப்பீர்.

துலாம்: நம்பிக்கைக்கு உரியவரை கலந்தாலோசித்து சில முடிவுகள் எடுப்பீர்கள். குடும்பத்தில் நிம்மதியுண்டு. வியாபாரத்தில் பழைய பணியாட்களை மாற்றுவீர்கள். உத்தியோகரீதியாக திடீர் பயணங்கள் மேற்கொள்வீர்.

விருச்சிகம்: தன்னம்பிக்கையுடன் பொது காரியங்களில் ஈடுபடுவீர். உறவினர். நண்பர்களால் ஆதாயம் உண்டு. வியாபாரத்தில் பங்குதாரர்களுடன் இருந்த குழப்பங்கள் நீங்கும். அலுவலகத்தில் பணிச்சுமை ஓரளவு குறையும்.

தனுசு: திட்டமிட்ட வேலையை முழுமையாக முடிக்க முடியாமல் தடுமாறுவீர்கள். உறவினர்களுடன் நெருடல் வந்து நீங்கும். அலுவலகத்தில் அமைதி காக்கவும். வியாபாரத்தில் பணியாட்களிடம் அன்பாக பேசவும்.

மகரம்: இன்றைய தினம் விஐபிகள் அறிமுகமாவார்கள். குடும்பத்தினரின் ஆதரவு கிட்டும். வியாபாரத்தை விரிவுபடுத்த வங்கிக்கடன் கிடைக்கும். லாபம் உண்டு. உத்தியோகத்தில் உங்களின் கோரிக்கைகள் ஏற்கப்படும்.

கும்பம்: நெடுநாட்களாக இழுபறியாக இருந்த பணிகள் முடிவுக்கு வரும். மனைவி, தாயாரின் உடல்நிலை சீராகும். வியாபாரத்தில் கூடுதல் லாபம் கிடைக்கும். உத்தியோகத்தில் திருப்திகரமான சூழ்நிலை உருவாகும்.

மீனம்: மற்றவர்களால் செய்ய முடியாத காரியங்களை முடித்து காட்டுவீர். பிள்ளைகள் பொறுப்புடன் நடப்பர். உத்தியோகம் சிறக்கும். வியாபாரத்தை பெரிய அளவில் விரிவுபடுத்தும் விதமாக வங்கி கடனுதவியை நாடுவீர்.