இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பிள்ளைகளின் எதிர்காலத்தைக் கருதி முக்கிய முடிவுகள் எடுப்பீர்கள். மனைவிக்கு இருந்துவந்த சுவாசக் கோளாறு, சைனஸ் பிரச்சினை நீங்கும். வியாபாரத்தில் குறிப்பிடத்தக்க அளவில் லாபம் கிடைக்கும்.

ரிஷபம்: வெளிவட்டாரத்தில் கவுரவப் பதவிகள் தேடி வரும். கணவன் - மனைவி இடையே அன்யோன்யம் அதிகரிக்கும். சிலருக்கு நல்ல நிறுவனத்தில் வேலை அமையும். வீடு, வாகனப் பராமரிப்பை மேற்கொள்வீர்கள்.

மிதுனம்: எதிர்மறை எண்ணங்கள் வரக்கூடும். பிள்ளைகளின் உணர்வுகளைப் புரிந்து கொள்ளுங்கள். யாருக்கும் சாட்சி கையெழுத்திடவோ, உத்தரவாதம் தரவோ வேண்டாம். வியாபாரத்தில் அலைச்சல் இருக்கும்.

கடகம்: புத்துணர்ச்சியுடன் செயல்படுவீர்கள். அதிகாரப்பதவியில் இருப்பவர்களின் நட்பு கிடைக்கும். வியா பாரத்தை விரிவுபடுத்த முயற்சிப்பீர்கள். அடிக்கடி செலவு வைத்த வாகனத்தை மாற்றி புதியது வாங்குவீர்கள்.

சிம்மம்: சாதுர்யமாகப் பேசி எல்லோரையும் கவர்ந்து விடுவீர்கள். குடும்பத்தில் நிலவிய குழப்பம் நீங்கி அமைதி திரும்பும். கடன் பிரச்சினைகளில் ஒன்று தீரும். தாயாரின் உடல்நலத்தில் நல்ல முன்னேற்றம் ஏற்படும்.

கன்னி: புது வீடு, மனை, வாகனம் வாங்குவது குறித்து குடும்பத்தினருடன் ஆலோசிப்பீர்கள். வெளியூர் பயணங்களால் ஆதாயம் உண்டு. கூட்டுத் தொழிலில் போட்டிகள் விலகும். அலுவலகத்தில் பணிச்சுமை குறையும்.

துலாம்: குடும்பத்தில் உள்ளவர்களின் உணர்வுகளைப் புரிந்து கொள்வீர்கள். பிள்ளைகளால் பெருமையடைவீர்கள். இழுபறியாக இருந்த வழக்கில் சாதகமாக தீர்ப்பு வரும். விஐபிகளின் அறிமுகம் கிட்டும். பணவரவு உண்டு.

விருச்சிகம்: வீண் அலைச்சல்களும், எதிர்பாராத செலவினங்களும் அதிகரிக்கும். நெருங்கியவரிடம் மனக்குறைகளைச் சொல்லி ஆதங்கப்படுவீர்கள். வியாபாரத்தில் அகலக் கால் வைக்க வேண்டாம்.

தனுசு: தடைபட்டிருந்த சுபகாரியங்கள் கைகூடி வரும். வீடு தேடிக் கொண்டிருந்தவர்களுக்கு சகல வசதிகளுடன் வீடு அமையும். ஆடை, ஆபரணங்கள் வாங்குவீர்கள். விருந்தினர் வருகையால் வீடு கலகலப்பாகும்.

மகரம்: வாழ்க்கையின் நெளிவு, சுளிவுகளைக் கற்றுக் கொள்வீர்கள். மனைவிவழி உறவினர்கள் உங்களிடம் உதவி கோருவார்கள். பால்ய நண்பர்களைச் சந்திப்பீர்கள். வெளியூர் பயணம் அலைச்சல் தந்தாலும் நன்மை உண்டு.

கும்பம்: பழைய பிரச்சினைகளுக்கு சுமுக முடிவு ஏற்படும். குடும்பச் சூழ்நிலையறிந்து பிள்ளைகள் பொறுப்புடன் நடந்து கொள்வார்கள். தந்தைவழியில் அனுகூலம் உண்டு. குலதெய்வ பிரார்த்தனைகளை நிறைவேற்றுவீர்கள்.

மீனம்: நீண்ட நாட்களாக எதிர்பார்த்த தொகை கைக்கு வந்து சேரும். சமூகத்தில் பிரபலமானவர்களின் நட்பு கிடைக்கும். கலைப்பொருட்கள் சேரும். குடும்பத்தினரின் தேவைகளை உடனுக்குடன் நிறைவேற்றுவீர்கள்.