இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: செலவுகளை குறைத்து சேமிக்க முயற்சிப்பீர். தாய்வழி உறவினர்கள் ஆதரவாக இருப்பர். அலுவலக ரீதியாக வெளியூர் பயணம் செல்வீர்கள். வியாபாரத்தில் போட்டிகளை தகர்ப்பீர். ஓரளவு லாபம் பார்க்கலாம்.

ரிஷபம்: கடனாக கொடுத்த பணத்தை வசூலிப்பீர்கள். வெளிவட்டாரத்தில் புது நண்பர்கள் அறிமுகமாவர். தம்பதிக்குள் அன்யோன்யம் பிறக்கும். வாகனப் பழுது நீங்கும். வியாபாரம், உத்தியோகத்தில் ஏற்றம் காண்பீர்.

மிதுனம்: எதிலும் நிதானமாக செயல்படுவது நல்லது. குடும்பத்தில் பெரியவர்களின் அறிவுரையை ஏற்பது நல்லது. வியாபாரத்தில் பழைய சரக்குகள் தேங்கும். அலுவலகத்தில் வீண் விவாதங்களை தவிர்த்து விடவும்.

கடகம்: மன நிம்மதியுடன் காணப்படுவீர். குடும்பத்தில் விட்டுக் கொடுத்து போகவும். தாயாரின் உடல்நலம் சீராக இருக்கும். வியாபாரத்தில் போட்டிகளை வெல்வீர். அலுவலகத்தில் தேடிய முக்கிய ஆவணம் தென்படும்.

சிம்மம்: கடந்த கால அனுபவங்களை நினைத்து மனதில் மகிழ்ச்சி பொங்கும். அலுவலக பணிகளை திறம்பட முடிப்பீர். புதிய பங்குதாரர்களின் ஆலோசனைப்படி வியாபாரத்தை பெரியளவில் விரிவுபடுத்துவீர்.

கன்னி: எதிர்பார்த்திருந்த பணம் கைக்கு வருவதால் மனநிம்மதி கிட்டும். மனைவி வழியில் மதிப்பு உயரும். தாயாரின் விருப்பத்தை நிறைவேற்றுவீர். ஆன்மிகத்தில் நாட்டம் கூடும். வியாபாரம், உத்தியோகம் சிறக்கும்.

துலாம்: திட்டமிட்ட காரியங்களை சிறப்பாக செய்து முடிப்பீர். பிள்ளைகளை பொறுப்பாக வளர்க்க எண்ணுவீர். உத்தியோகத்தில் மேலதிகாரி நேசக்கரம் நீட்டுவார். வியாபாரம் சூடு பிடித்து நல்ல லாபம் தரும்.

விருச்சிகம்: வெளிவட்டாரத்தில் மதிப்பு உயரும்.. தாயாரின் ஆரோக்கியம் திருப்திகரமாக இருக்கும். வியாபாரத்தில் பங்குதாரர்களை பேசி சமாளிப்பீர்கள். அலுவலகத்தில் புதிய பதவிக்கு பரிந்துரைக்கப்படுவீர்.

தனுசு: திட்டமிட்ட பணியை முடிக்க போராடுவீர்கள். குடும்பத்தினரை அனுசரித்து செல்லவும். அலைச்சல் இருக்கும். வியாபாரத்தில் பாக்கிகளை போராடி வசூலிப்பிர். அலுவலகத்தில் வீண் விவாதம் வேண்டாம்.

மகரம்: சொந்த ஊரில் மதிக்கப்படுவீர். கவுரவ பதவி தேடி வரும். சகோதரர்களுடன் இருந்த மனத்தாங்கல் நீங்கும். ஷேர், கமிஷன் வகைகளால் பணம் வரும். வியாபாரம், உத்தியோகத்தில் முன்னேற்றம் காண்பீர்கள்.

கும்பம்: பழைய பிரச்சினைகளை பேசித் தீர்ப்பீர்கள். தம்பதிக்குள் அன்யோன்யம் பிறக்கும். கையில் பணம்புரளும். அலுவலகத்தில் புதிய பதவி கிட்டும். வியாபாரத்தில் போட்டி குறையும். பணியாட்களின் ஆதரவுண்டு.

மீனம்: பிரபலங்களை சந்திப்பதால் மனநிறைவு கிட்டும். தம்பதிக்குள் இருந்த ஈகோ பிரச்சினை தீர்ந்து, இணக்கமான சூழல் உருவாகும். வியாபாரத்தில் லாபம் பார்க்கலாம். உத்தியோகத்தில் இருந்த குழப்பம் தீரும்.