இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பழைய பிரச்சினைகளுக்கு தீர்வு கிடைக்கும். வேற்றுமதத்தவர் உதவுவார்கள். வியாபாரத்தில் சில சூட்சுமங்களை புரிந்து கொள்வீர்கள். உத்தியோகத்தில் புது பொறுப்பு தேடி வரும். மேலதிகாரி பாராட்டுவார்.

ரிஷபம்: குடும்பத்தில் உள்ளவர்களின் உணர்வுகளுக்கு மதிப்பளிப்பீர்கள். பொது காரியங்களில் ஈடுபடுவீர்கள். அரசாங்க அதிகாரிகளை சந்திப்பீர்கள். வியாபாரத்தில் பழைய சரக்குகள் விற்றுத் தீரும். உத்தியோகம் சிறக்கும்.

மிதுனம்: குடும்பத்தாரின் விருப்பங்களை கேட்டறிந்து நிறைவேற்றுவீர். அலுவலகத்தில் முக்கிய கோப்புகளை கவனமாக கையாளவும். பங்குதாரர்களின் உதவியுடன் வியாபாரத்தில் பாக்கிகளை போராடி வசூலிப்பீர்கள்.

கடகம்: பெரிய திட்டங்கள் தீட்டுவீர்கள். தினந்தோறும் எதிர்பார்த்து காத்திருந்த தொகை கைக்கு வரும். வெற்றி பெற்ற மனிதர்களின் நட்பு கிடைக்கும். அரசாங்கத்தால் ஆதாயம் உண்டு. வியாபாரம், உத்தியோகம் சிறக்கும்.

சிம்மம்: முகமலர்ச்சியுடன் காணப்படுவீர். நீண்டநாள் விருப்பங்களை பூர்த்தி செய்து கொள்வீர். தம்பதிக்குள் மகிழ்ச்சியுண்டு. தந்தையின் உடல்நிலை சீராக இருக்கும். வியாபாரம் சிறக்கும். உத்தியோகத்தில் ஏற்றம் காண்பீர்.

கன்னி: எதிர்பாராத செலவு வரக் கூடும். குடும்பத்தாரின் பேச்சைக் கேட்டு நடக்கவும். அலுவலகத்தில் சக ஊழியர் மத்தியில் மதிப்பு உயரும். வியாபாரத்தில் ஏற்றம் உண்டு, பணியாட்களின் தொந்தரவு இருக்கும். கவனம் தேவை.

துலாம்: புது கருத்துகளால் சுற்றியிருப்பவர்களை வசீகரிப்பீர். விரும்பிய பொருட்களை வாங்கி மகிழ்வீர். பணவரவு உண்டு. தம்பதிக்குள் அன்யோன்யம் பிறக்கும். வியாபாரம், உத்தியோகத்தில் முன்னேற்றம் காண்பீர்கள்.

விருச்சிகம்: குடும்பத்தினருடன் சுப நிகழ்ச்சிகளில் பங்கேற்பீர். உங்கள் உழைப்புக்கு பாராட்டு கிடைக்கும். சொத்து பிரச்சினையில் நல்ல தீர்வு காண்பீர். வியாபாரம் சூடு பிடிக்கும். அலுவலகத்தில்அமைதி காப்பது நல்லது.

தனுசு: அரசாங்க அதிகாரிகளின் நட்புறவு கிட்டும். உறவினர், நண்பர்கள் உங்களை கலந்தாலோசித்து சில முடிவுகள் எடுப்பர். வியாபாரத்தை விரிவுபடுத்துவீர்கள். அலுவலகத்தில் புது பொறுப்பும், பதவியும் தேடி வரும்.

மகரம்: சொந்த ஊரிலிருந்து நல்ல செய்திகள் தேடி வரும். புதிதாக வாகனம் வாங்கும் அமைப்பு ஏற்படும். வியாபாரத்தில் புதிய பங்குதாரர்கள் கிடைப்பார்கள். அலுவலகத்தில் தடைபட்ட வேலைகள் நிறைவடையும்.

கும்பம்: பிள்ளைகளால் உறவினர், நண்பர்கள் மத்தியில் அந்தஸ்து உயரும். பழைய பிரச்சினைகளை தீர்ப்பீர்கள். வியாபாரத்தில் லாபம் உண்டு. அலுவலகத்தில் புதிய பதவிக்கு பரிந்துரை செய்யப்படுவீர். பொறுப்பு கூடும்.

மீனம்: வீண் அலைச்சல் அதிகரிக்கும். தம்பதிக்குள் விட்டுக் கொடுத்து போகவும். அலுவலகத்தில் யாரைப் பற்றியும் தலைமையிடத்தில் குறை கூற வேண்டாம். வியாபாரத்தில் பணியாட்களின் தொந்தரவு வரக் கூடும்.