இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: தெளிவான முடிவு எடுப்பீர். அடுக்கடுக்காக இருந்த செலவுகள் குறையும். சவாலான காரியங்களை எடுத்து முடிப்பீர்கள். வியாபாரரீதியாக பிரபலங்களின் உதவியை நாடுவீர். அலுவலகத்தில் அமைதி காக்கவும்.

ரிஷபம்: புதியவர்கள் அறிமுகமாவர். வர வேண்டிய பணம் கைக்கு வரும். வருங்காலத்துக்காக சேமிக்கத் தொடங்குவீர். பழைய வழக்குகள் சாதகமாக முடியும். வியாபாரத்தை விரிவுபடுத்துவீர். உத்தியோகம் சிறக்கும்.

மிதுனம்: குடும்பத்தில் உங்கள் வார்த்தைக்கு மதிப்பு கூடும். எதிர்பார்த்த விலைக்கே பழைய சொத்துகளை விற்பீர். பெரிய மனிதர்கள், வெற்றி பெற்றவர்களின் நட்பு கிடைக்கும். வியாபாரம், உத்தியோகம் சிறக்கும்.

கடகம்: மனைவியின் உடல்நலம் தொடர்பாக அலைச்சல் இருக்கும். உங்கள் ஆரோக்கியத்தையும் பார்த்துக் கொள்ளவும். வியாபாரத்தில் போட்டிகள் அதிகரிக்கும். அலுவலகத்தில் கோப்புகளை கவனமாக கையாளவும்.

சிம்மம்: மன நிம்மதியுடன் இருப்பீர். எடுத்த பணிகளில் வெற்றி காண்பீர். தாய்வழி உறவினரால் ஆதாயமுண்டு. வியாபாரத்தில் சரக்குகள் விற்றுத் தீரும். அலுவலகத்தில் யாரைப் பற்றியும் குறை கூறுவதை தவிர்த்துவிடவும்.

கன்னி: பழைய நினைவுகளில் மூழ்குவீர்கள். சிலர் நன்றி மறந்து பேசுவார்கள். வெளிவட்டாரத்தில் மதிப்பு கூடும். பணவரவு உண்டு. வியாபாரத்தில் பாக்கிகள் வசூலாகும். அலுவலகத்தில் மேலதிகாரிகள் நேசக்கரம் நீட்டுவர்.

துலாம்: உறவினர் மத்தியில் மதிப்பு, மரியாதை கூடும். தந்தைவழி சொத்துகள் கைக்கு வரக்கூடும். மூத்த சகோதர, சகோதரிகள் பண உதவி செய்வர். வியாபாரம் லாபம் தரும். அலுவலகத்தில் விவாதங்கள் வேண்டாம்.

விருச்சிகம்: மகிழ்ச்சியுடன் காணப்படுவீர். பணவரவு திருப்திகரமாக இருக்கும். அரசுக் காரியங்களில் வெற்றி உண்டு. உத்தியோகத்தில் மேலதிகாரிகள் பாராட்டுவர். வியாபாரத்தை பெரிய அளவில் விரிவுபடுத்துவீர்கள்.

தனுசு: குடும்பத்தாருடன் வீண் விவாதங்கள் வரக்கூடும். பிள்ளைகளின் உடல்நலத்தில் கவனம் தேவை. அக்கம் பக்கத்தினருடன் அளவாக பேசி பழகவும். வியாபாரம் சூடு பிடிக்கும். உத்தியோகத்தில் இடமாற்றம் உண்டு.

மகரம்: எதிரிகளை வீழ்த்தும் வல்லமை உண்டாகும். கறாராக பேசி காரியம் சாதிப்பீர். சேமிக்கும் அளவுக்கு வருவாய் கூடும். பழுதான சாதனங்களை மாற்றுவீர்கள். வியாபாரம், உத்தியோகத்தில் முன்னேற்றம் காண்பீர்.

கும்பம்: எதிர்பார்த்து காத்திருந்த பணம் வரும். வீட்டில் பழுதான பொருட்களை மாற்றுவீர். அலுவலகத்தில் உங்களின் தரம் ஒருபடி உயரும். புதிய பதவி கிட்டும். வியாபாரத்தை விரிவுபடுத்த முயற்சி மேற்கொள்வீர்.

மீனம்: தாய்வழி உறவினர்களால் ஆதாயம் உண்டு. சிக்கனமாக செலவழித்து சேமிக்கத் தொடங்குவீர்கள். வியாபாரத்தில் பாக்கிகள் வசூலாகும். பணியாட்களின் ஆதரவுண்டு. அலுவலகத்தில் அமைதி காப்பது நல்லது.