Published : 16 May 2025 07:07 AM
Last Updated : 16 May 2025 07:07 AM

இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: சமயோஜித புத்தியுடன் பல காரியங்களை முடித்துக் காட்டுவீர். கணவன் மனைவிக்குள் பரஸ்பரம் புரிந்து கொள்வீர்கள். வியாபாரத்தில் பாக்கி வசூலாகும். அலுவலகத்தில் குழப்பம் நீங்கி நிம்மதி பிறக்கும்.

ரிஷபம்: திட்டமிட்ட வேலையை முடிக்க அதிகம் போராட வேண்டியிருக்கும். வியாபாரத்தில் குழப்பம் வந்து போகும். பங்குதாரர் ஆலோசனைப்படி செயல்படுவது நல்லது. உத்தியோகத்தில் இடமாற்றம் உண்டு.

மிதுனம்: அரசால் ஆதாயம் உண்டு. அதிகாரப் பதவியில் இருப்பவர் அறிமுகமாவார். முன்கோபத்தை குறைப்பீர். ஷேர் மூலம் பணம் வரும். வியாபாரத்தில் இழுபறியாக இருந்த பாக்கி வசூலாகும். உத்தியோகம் சிறக்கும்.

கடகம்: பழைய பிரச்சினைகளுக்கு தீர்வு கிடைக்கும். தாய்வழி உறவினர்கள் வீடு தேடி வருவர். கையில் பணம் புரளும். அலுவலகரீதியாக இருந்த பிரச்சினைகள் தீரும். வியாபாரம் சூடு பிடித்து லாபம் பார்க்கலாம்.

சிம்மம்: கையில் பணம் புரளும். உடன்பிறந்தவர்கள் உங்கள் நலனில் அக்கறை காட்டுவர். நெடுநாட்களாக பார்க்க நினைத்த ஒருவர் உங்களை தேடி வருவார். வியாபாரம், உத்தியோகத்தில் முன்னேற்றம் காண்பீர்.

கன்னி: முன்கோபத்தை கட்டுப்படுத்தி உயர்வதற்கான வழியை யோசிப்பீர்கள். பிள்ளைகள் பொறுப்புணர்ந்து செயல்படுவர். தெய்வீக ஈடுபாடு அதிகரிக்கும். கூட்டுத் தொழிலில் லாபம் உண்டு. உத்தியோகம் சிறக்கும்.

துலாம்: தம்பதிக்குள் இருந்த மனக்கசப்பு நீங்கும். கைமாற்றாக வாங்கியிருந்த பணத்தை தந்து முடிப்பீர். முன் கோபம் விலகும். அலுவலகத்தில் தேடிய முக்கிய ஆவணம் கிடைக்கும்.வியாபாரத்தில் பாக்கி வசூலாகும்.

விருச்சிகம்: குடும்பத்தில் நிம்மதி தங்கும். தடைபட்ட வேலைகளை விரைந்து முடிப்பீர். பிள்ளைகள் போக்கில் நல்ல மாற்றம் ஏற்படும். அலுவலகத்தில் உங்கள் கை ஓங்கும். வியாபாரத்தில் பழைய பாக்கிகள் வசூலாகும்.

தனுசு: பயணங்கள் அலைச்சல் தரும். வேலைகளை முடிக்க போராடுவீர். வியாபாரத்தில் நிதானம் தேவை. பங்குதாரர்களை அனுசரித்து நடந்து கொள்வது நல்லது. உத்தியோகத்தில் வீண் விவாதங்களை தவிர்த்துவிடவும்.

மகரம்: மனவலிமையுடன் செயல்களை முடிப்பீர். வெளியூரிலிருந்து நல்ல செய்தி வரும். பிள்ளைகளின் விருப்பங்களை நிறைவேற்றுவீர். அலுவலகத்தில் உங்கள் கை ஓங்கும். வியாபாரத்தில் லாபமுண்டு.

கும்பம்: தன்னம்பிக்கையுடன் பொது காரியங்களில் ஈடுபடுவீர்கள். உறவினர்கள், நண்பர்களால் ஆதாயம் உண்டு. கூட்டுத்தொழில் பங்குதாரர்களுடன் இருந்த குழப்பங்கள் நீங்கும். அலுவலகத்தில் நற்பெயர் கிட்டும்.

மீனம்: நம்பிக்கைக்கு உரியவரை கலந்தாலோசித்து சில முடிவுகள் எடுப்பீர்கள். குடும்பத்தில் நிம்மதியுண்டு. வியாபாரத்தில் பழைய பணியாட்களை மாற்றுவீர்கள். உத்தியோகரீதியாக திடீர் பயணங்கள் மேற்கொள்வீர்.

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x