இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பழைய பிரச்சினைகள் மனதை வாட்டும். தாயாருடன் வீண் விவாதம் வரும். வியாபாரத்தில் கவனம் தேவை. அலுவலகத்தில் அமைதி காப்பது நல்லது. யாரைப் பற்றியும் குறை கூற வேண்டாம்.

ரிஷபம்: தைரியமான முடிவுகளை எடுத்து வெற்றி காண்பீர்கள். வெளிவட்டாரத்தில் மதிக்கப்படுவீர்கள். ஆடம்பரச் செலவுகளை குறைப்பீர். சகோதர வகையில் மகிழ்ச்சி தங்கும். வியாபாரம், உத்தியோகம் சிறக்கும்.

மிதுனம்: கம்பீரமாக பேசி சில காரியங்களை சாதிப்பீர். சுபநிகழ்ச்சிகளில் பங்கேற்பீர். உடன் பிறந்தவர்கள் உதவிகரமாக இருப்பர். வியாபாரத்தை விரிவுபடுத்துவீர். அலுவலகரீதியாக வெளியூர் பயணம் மேற்கொள்வீர்.

கடகம்: எதிரிகள் அடங்கிப் போவார்கள். தம்பதிக்குள் நெருக்கம் கூடும். விருந்தினர் வருகையால் வீட்டில் மகிழ்ச்சி தங்கும். வியாபாரரீதியான பயணத்தால் ஆதாயம் உண்டு. அலுவலகத்தில் மதிப்பு உயரும்.

சிம்மம்: உங்களை சுற்றியிருப்பவர்களில் நல்லவர்கள் யார், அல்லாதவர் யார் என்பதை உணர்வீர்கள். பழைய நண்பர்களை சந்திப்பீர்கள். வியாபாரத்தில் நல்ல லாபம் உண்டு. அலுவலகத்தில் தேடிய ஆவணம் கிடைக்கும்.

கன்னி: பழைய நல்ல சம்பவங்களை நினைவுகூர்ந்து மகிழ்வீர். தம்பதிக்குள் நெருக்கம் கூடும். பிள்ளைகள் படிப்பு விஷயமாக அலைச்சல் உண்டு. வியாபாரம் சிறக்கும். அலுவலகத்தில் மேலதிகாரி பாராட்டுவார்.

துலாம்: ஒருவித படபடப்பு, பயம் வந்து செல்லும். தம்பதிக்குள் ஈகோ பிரச்சினை வரும். வியாபாரத்தில் பாக்கியை போராடி வசூலிப்பீர். அலுவலகத்தில் பணிச் சுமை கூடும். இருப்பினும் உரிய அங்கீகாரம் கிட்டும்.

விருச்சிகம்: எந்த காரியத்தை தொட்டாலும் இரண்டு, மூன்று முறை அலைந்து முடிக்க வேண்டி வரும். உறவினர், நண்பர்கள் உங்களிடம் அதிக உரிமை எடுத்து கொள்வர். வியாபாரம், உத்தியோகத்தில் ஏற்றம் உண்டு.

தனுசு: குடும்பத்தினர் உங்கள் ஆலோசனையை ஏற்பர். வழக்கில் சாதகமான தீர்ப்பு வரும். உறவினர் வீட்டு விசேஷங்களை முன்னின்று நடத்துவீர். வியாபாரத்தில் லாபம் உண்டு. அலுவலகத்தில் விவாதம் வேண்டாம்.

மகரம்: புதியவரின் நட்பால் உற்சாகமடைவீர். குழப்பம் நீங்கி குடும்பத்தில் நிம்மதி உண்டாகும். ஆன்மிகத்தில் ஈடுபாடு அதிகரிக்கும். வியாபாரம் சூடு பிடித்து லாபம் பார்க்கலாம். அலுவலகத்தில் இடமாற்றம் உண்டு.

கும்பம்: சோர்வாக இருந்த நீங்கள் சுறுசுறுப்படைவீர். சிந்தனைத் திறன் கூடும். குடும்பத்தில் கலகலப்பான சூழல் ஏற்படும். அலுவலகத்தில் புதிய பதவிக்கு பரிந்துரைக்கப்படுவீர். வியாபாரத்தை விரிவுபடுத்துவீர்.

மீனம்: மறைந்து கிடந்த திறமை வெளிப்படும். சகோதர வகையில் நன்மை உண்டு. கல்யாணப் பேச்சுவார்த்தை சுமுகமாக முடியும். மனைவிவழியில் நல்ல செய்தி உண்டு. வியாபாரம், உத்தியோகத்தில் ஏற்றம் காண்பீர்.