இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்துடன் குலதெய்வம் கோயிலுக்கு சென்று வருவீர். பிள்ளைகளின் உடல்நலம் சீராகும். உத்தியோகத்தில் சக ஊழியர்களின் ஆதரவு கிட்டும். வியாபாரரீதியாக முக்கிய பிரமுகர்களை சந்திப்பீர்கள்.

ரிஷபம்: குடும்பத்தில் விட்டுக் கொடுத்து போகவும். கையிருப்பு கரையக் கூடும். வாகனத்தில் நிதானம் தேவை. வியாபாரத்தில் பழைய சரக்குகளை போராடி விற்பீர். அலுவலகத்தில் அமைதி காப்பது நன்மை தரும்.

மிதுனம்: நம்பிக்கைக்கு உரியவர்களை ஆலோசித்து சில முக்கிய முடிவு எடுப்பீர். தம்பதிக்குள் அன்யோன்யம் அதிகரிக்கும். பழைய நண்பர்கள் வீடு தேடி வருவார்கள். வியாபாரம் சூடு பிடிக்கும். உத்தியோகம் சிறக்கும்.

கடகம்: குடும்பத்தில் நிம்மதி தங்கும். உங்கள் செயலை பார்த்து மற்றவர்கள் வியப்பர். மறைமுக எதிர்ப்பு விலகும். அலுவலகத்தில் உங்கள் கை ஓங்கும். புது இடத்துக்கு கடையை மாற்றி தொழிலில் முன்னேறுவீர்.

சிம்மம்: நீண்ட நாள் பிரச்சினைகளுக்கு தீர்வு காண்பீர். குடும்பத்தில் சந்தோஷம் நிலைக்கும். பிள்ளைகள் பொறுப்பாக நடந்து கொள்வர். வியாபாரத்தில் பணி யாட்களின் ஆதரவு உண்டு. உத்தியோத்தில் ஏற்றமுண்டு.

கன்னி: எதிர்பார்த்த வேலைகள் தடையின்றி முடியும். மகளுக்கு நல்ல வரன் அமையும். தூக்கமின்மை, மன உளைச்சல் நீங்கும். தாய்வழி உறவினர்கள் உதவி நாடி வருவர். வியாபாரம், அலுவலகத்தில் நிம்மதியுண்டு.

துலாம்: புது முயற்சிகளில் ஈடுபடுவீர்கள். குடும்பத்தில் உங்கள் கை ஓங்கும். குலதெய்வ பிரார்த்தனைகள் நிம்மதி தரும். உத்தியோகத்தில் சக ஊழியர்களின் ஆதரவுண்டு. வியாபாரத்தில் போட்டிகளை சமாளிப்பீர்.

விருச்சிகம்: பிள்ளைகள் படிப்பு தொடர்பாக டென்ஷன் இருக்கும். ஆன்மிகத்தில் நாட்டம் கூடும். வயிற்று வலி வரும். வியாபாரத்தில் பாக்கிகளை போராடி வசூலிப்பீர். அலுவலகத்தில் அமைதி காப்பது நல்லது.

தனுசு: உடன்பிறந்தவர்களால் ஆதாயமுண்டு. முரண்டு பிடித்த பிள்ளைகள் இனி சொல்பேச்சு கேட்பர். பேச்சில் தெளிவு பிறக்கும். தாயாரின் உடல்நலம் நிம்மதி தரும். வியாபாரம் லாபம் தரும். அலுவலகத்தில் மதிப்புயரும்.

மகரம்: உங்களின் அணுகுமுறையை மாற்றி தடைபட்ட வேலையை முடிப்பீர்கள். சகோதரியின் விசேஷத்துக்கு அதிகம் உழைப்பீர். உத்தியோகத்தில் உங்களின் திறமை வெளிப்படும். வியாபாரத்தில் வெற்றி காண்பீர்.

கும்பம்: மற்றவர்களின் ரசனைக்கேற்ப செயல்படுவீர். உறவினர்கள் உங்களை பெருமையாக பார்ப்பர். ஊர் நிகழ்ச்சிகளுக்கு தலைமை தாங்குவீர். வியாபாரத்தில் பாக்கி வசூலாகும். அலுவலகத்தில் நற்பெயர் கிட்டும்.

மீனம்: தெளிவாக பேசி சில வேலைகளை முடித்துக் காட்டுவீர். தம்பதிக்குள் அன்யோன்யம் அதிகரிக்கும். வங்கிக்கடனை பைசல் செய்வீர். வியாபாரம் சூடு பிடித்து லாபமுண்டு. உத்தியோகத்தில் நிம்மதி கிட்டும்.