இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: வெளியூரில் இருந்து எதிர்பார்த்த நல்ல செய்தி வரும். குடும்பத்தினரின் ஆசைகள், விருப்பங்களை அறிந்து நிறைவேற்றுவீர்கள். அடிக்கடி செலவு வைத்த வாகனத்தை மாற்றுவீர்கள்.

ரிஷபம்: வீட்டு உபயோக பொருட்கள், மின்னணு சாதனங்கள் வாங்கி மகிழ்வீர்கள். குடும்பத்தில் மனநிம்மதி கிடைக்கும். நெடுநாட்களாக நீங்கள் பார்க்க நினைத்த ஒருவர் உங்களை தேடி வருவார்.

மிதுனம்: வீண், ஆடம்பர செலவுகளை தவிர்த்து, சிக்கனமாக இருக்கப் பாருங்கள். குடும்பத்தினருடன் தேவையற்ற வாக்குவாதங்கள் வேண்டாம். சொந்த பந்தங்களால் அன்பு தொல்லைகள் உண்டாகும்.

கடகம்: நெருங்கிய சொந்த பந்தங்களால் வீண் செலவுகள் ஏற்படும். கணவன் - மனைவிக்குள் மனஸ்தாபங்கள் தோன்றி மறையும். பயணத்தால் அலைச்சல் ஏற்படும். அலுவலகத்தில் வேலை சுமை கூடும்.

சிம்மம்: குடும்பத்தில் கலகலப்பான சூழல் ஏற்படும். சுபகாரியங்களுக்கு ஆபரணங்கள் வாங்குவீர்கள். உத்தியோகத்தில் உயர் அதிகாரிகள் உங்களை நம்பி முக்கிய பொறுப்புகளை ஒப்படைப்பார்கள்.

கன்னி: குடும்பத்தினர் உங்கள் ஆலோசனையை ஏற்று நடப்பார்கள். பழுதான வாகனத்தை சரிசெய்வீர்கள். பிள்ளைகளிடம் இருந்த பிடிவாதம் குறையும். வியாபாரத்தில் போட்டி குறையும்.

துலாம்: எதிர்பாராத பண வரவால் பழைய கடனை பைசல் செய்வீர்கள். சேமிக்க வேண்டும் என்ற எண்ணம் தோன்றும். பிள்ளைகள் பொறுப்பாக நடந்து கொள்வார்கள். உத்தியோகத்தில் வேலை சுமை குறையும்.

விருச்சிகம்: பரிசு பொருட்கள், கலைப் பொருட்கள் வாங்குவீர்கள். சகோதர வகையில் இருந்த அலைச்சல் விலகும். புதிய வேலை அமையும். வியாபாரத்தை விரிவுபடுத்துவீர்கள். பங்குதாரர்கள் ஆதரவாக இருப்பார்கள்.

தனுசு: குடும்பத்தினருடன் கலந்துபேசி முக்கிய முடிவுகளை எடுப்பீர்கள். பிள்ளைகள் பொறுப்பை உணர்ந்து நடப்பார்கள். நண்பர்கள் உங்களை புரிந்துகொள்வார்கள். வியாபாரத்தில் பாக்கிகள் வசூலாகும்.

மகரம்: எதிலும் அவசர முடிவு எடுக்க வேண்டாம். வீண், ஆடம்பர செலவுகளை கட்டுப்படுத்துங்கள். வியாபாரத்தில் போட்டி இருந்தாலும் சமாளிப்பீர்கள். ஆன்மிகம், யோகாவில் நாட்டம் ஏற்படும்.

கும்பம்: வியாபார ரீதியாக முக்கிய பிரமுகர்களை சந்திப்பீர்கள். வங்கியில் கேட்ட கடனுதவி கிடைக்கும். கணவன் - மனைவிக்குள் விட்டுக்கொடுத்துப் போவீர்கள். வெளியூர் பயணம் உற்சாகம் தரும்.

மீனம்: புதிய முயற்சிகளில் ஆர்வம் காட்டுவீர்கள். குடும்பத்தினரின் விருப்பத்தை அறிந்து பூர்த்தி செய்வீர்கள். கூட்டுத் தொழிலில் பங்குதாரர்கள் ஆதரவாக இருப்பார்கள். ஆன்மிக நாட்டம் கூடும்.