இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: அதிகாரப் பதவியில் இருப்பவர்களின் நட்பு கிடைக்கும். பழைய நண்பர்கள் தேடி வந்து பேசுவர். வியாபாரத்தில் புது சரக்குகளை கொள்முதல் செய்வீர். உத்தியோகத்தில் எதிர்பார்த்த இடமாற்றம் உண்டு.

ரிஷபம்: பிள்ளைகளிடம் முன்கோபத்தை காட்டாதீர். அக்கம் பக்கத்தினருடன் அளவாகப் பேசி பழகவும். வியாபாரத்தில் வேலையாட்கள் தொந்தரவு தருவார்கள். அலுவலகத்தில் தேடிய முக்கிய ஆவணம் கிடைக்கும்.

மிதுனம்: இங்கிதமாக பேசி அனைவரையும் கவருவீர். தாயாரின் உடல்நலம் சீராகும். பிள்ளைகள் பொறுப்பாக நடந்து கொள்வார்கள். மாணவர்கள் படிப்பில் ஆர்வம் காட்டுவர். வியாபாரம், உத்தியோகத்தில் ஏற்றமுண்டு.

கடகம்: கல்வித் தகுதியை அதிகப்படுத்திக் கொள்வீர். அறிஞர்களின் நட்பு கிடைக்கும். சகோதரர்கள் ஆதரவாக இருப்பர். அலுவலகத்தில் சிலருக்கு பெரிய பொறுப்பு கிடைக்கும். வியாபாரத்தில் போட்டிகள் குறையும்.

சிம்மம்: புதுப் புது யோசனைகளை தந்து உங்களைச் சுற்றியிருப்பவர்களை அசத்துவீர். பாதியில் நின்ற பணிகள் முடியும். வியாபாரத்தில் பாக்கிகள் வசூலாகும். அலுவலக விஷயமாக பயணம் மேற்கொள்வீர்.

கன்னி: கூடுதலான பணவரவால் வீட்டிலுள்ள பழைய பொருட்களை மாற்றுவீர். அலுவலகத்தில் உயரதிகாரி பாராட்டும்விதமாக நடப்பீர். வியாபாரத்தில் புதிய பங்குதாரர்களின் ஆலோசனைகளை கேட்டு நடக்கவும்.

துலாம்: தனிப்பட்ட முறையில் முக்கிய முடிவுகளை தைரியமாக எடுப்பீர். தொட்ட காரியங்கள் துலங்கும். வெளிவட்டாரத்தில் செல்வாக்கு கூடும். வியாபாரம் சூடு பிடிக்கும். அலுவலகத்தில் அமைதி காக்கவும்.

விருச்சிகம்: புண்ணிய தலங்கள் சென்று வருவீர்கள். தாயாரின் உடல்நலம் சீராகும். குடும்பத்தில் குழப்பம் நீங்கி தெளிவு பிறக்கும். உத்தியோகத்தில் உயரதிகாரி நண்பர்களாவார்கள். வியாபாரத்தில் ஏற்றம் காண்பீர்.

தனுசு: திட்டமிட்ட வேலைகளை போராடி முடிப்பீர். குடும்பத்தில் சிறு சிறு கருத்துமோதல்கள் வரக்கூடும். அலுவலகத்தில் சக ஊழியர் பற்றி தலைமையிடத்தில் குறை கூட வேண்டாம். வியாபாரம் லாபம் தரும்.

மகரம்: பிரபலங்களின் வீட்டு விசேஷங்களில் கலந்து கொள்வீர்கள். தாய்வழி உறவினர்களால் ஆதாயமுண்டு. வியாபாரத்தில் சரக்குகள் விற்றுத் தீரும். அலுவலக ரீதியாக பயணம் மேற்கொள்ள வேண்டியிருக்கும்.

கும்பம்: சமயோஜித புத்தியுடன் பல காரியங்களையும் முடித்துக் காட்டுவீர். பழைய கடனை பைசல் செய்வீர். உறவினர்கள் மத்தியில் மதிப்பு உயரும். வியாபாரம் சூடு பிடிக்கும். அலுவலகத்தில் பொறுப்புகள் அதிகரிக்கும்.

மீனம்: மனக்குழப்பம் நீங்கி தெளிவு பெறுவீர்கள். புதிய நண்பர்களின் அறிமுகத்தால் உற்சாகமடைவீர்கள். வியாபாரத்தில் போட்டிகள் குறையும். அலுவலகத்தில் விரும்பிய இடத்துக்கு மாற்றல் கிடைக்க வாய்ப்புண்டு.

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow