இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பழைய பிரச்சினைகளை சுமுகமாக பேசித் தீர்ப்பீர்கள். வீட்டில் நிம்மதி பிறக்கும். பிள்ளைகளின் உடல் நலம் சீராகும். வியாபாரத்தில் அனுபவமிக்க பணியாட்கள் வருவர். அலுவலகத்தில் மதிப்பு உயரும்.

ரிஷபம்: இழுபறியாக இருந்து வந்த பணிகள் முடியும். தந்தையாரின் உடல் நிலை சீராகும். அரசு சம்பந்தப்பட்ட காரியங்கள் சாதகமாகும். உத்தியோகம் சிறக்கும். வியாபாரத்தில் புது வாடிக்கையாளர்கள் தேடி வருவர்.

மிதுனம்: வெகுநாட்களாக மனதளவில் இருந்துவந்த பிரச்சினைகளுக்கு முடிவு கட்டுவீர்கள். புது ஆபரணம், ஆடைகள் சேரும். வியாபாரத்தில் பாக்கிகள் வசூலாகும். அலுவலகத்தில் சக ஊழியர்களின் ஆதரவு கிட்டும்.

கடகம்: குடும்பத்தில் நிம்மதி பிறக்கும். எதார்த்தமான பேச்சால் தடைபட்ட காரியங்களை முடிப்பீர். வியாபாரத்தில் பணியாட்கள் ஆதரவாக நடந்து கொள்வார்கள். அலுவலகத்தில் வீண் விவாதங்களை தவிர்க்கவும்.

சிம்மம்: திட்டமிட்ட பணிகளை முடிப்பதில் தடை ஏற்படும். குடும்பத்தில் விட்டுக் கொடுத்து போகவும். வியாபாரத்தில் வேலையாட்கள் தொந்தரவு தருவார்கள். அலுவலகத்தில் தேடிய முக்கிய ஆவணம் கிடைக்கும்.

கன்னி: பால்ய நண்பர்கள் ஆதரவாக இருப்பார்கள். தாய்வழி உறவினர்களால் வீட்டில் மகிழ்ச்சி தங்கும். அலுவலகத்தில் மேலதிகாரிகள் அன்பு காட்டுவர். வியாபார விஷயமாக வெளியூர் பயணம் மேற்கொள்வீர்.

துலாம்: தடைபட்டுக் கொண்டிருந்த சுபகாரியங்கள் நடந்தேறும். நீண்டகால நண்பர்கள் உங்களுக்கு பக்க பலமாக இருப்பார்கள். வியாபாரரீதியாக சில முக்கிய பிரபலங்களை சந்திப்பீர். அலுவலகத்தில் மதிப்புயரும்.

விருச்சிகம்: புதுப் புது எண்ணங்கள் மனதில் தோன்றும். குடும்பத்தினரின் ஆதரவு உண்டு. உடல் நலம் சீராகும். ஆன்மிக நாட்டம் அதிகரிக்கும். வியாபாரம் ஓரளவு திருப்தி தரும். அலுவலகத்தில் பணிச்சுமை குறையும்.

தனுசு: குடும்பத்தில் சுபநிகழ்ச்சிகள் ஏற்பாடாகும். பணவரவு உண்டு. நண்பர்களிடம் இருந்து எதிர்பார்த்த உதவி கிடைக்கும். வியாபாரரீதியாக சிலரை சந்திப்பீர். உத்தியோகத்தில் மேலதிகாரிகளின் ஆதரவு கிட்டும்.

மகரம்: புதிய பாதையில் பயணிக்கத் தொடங்குவீர்கள். பணவரவு உண்டு. உங்கள் ரசனைக்கேற்ப வீடு, வாகனம் அமையும். தம்பதிக்குள் மனம் விட்டு பேசுவீர்கள். வியாபாரம், உத்தியோகத்தில் முன்னேற்றம் காண்பீர்.

கும்பம்: தாய்வழி உறவினர்களிடம் மனக்கசப்புகள் வரலாம். முன்கோபத்தை தவிர்க்கவும். அலுவலகத்தில் பணிச்சுமை அதிகரிக்கும். இருப்பினும் உரிய அங்கீகாரம் கிடைக்கும். வியாபாரத்தில் அவசர முடிவு வேண்டாம்.

மீனம்: சோர்வு நீங்கி முக மலர்ச்சியுடன் காணப்படுவீர். பொது காரியங்களில் ஈடுபடுவீர். பிள்ளைகளால் ஏற்பட்ட சிக்கல் நீங்கும். வியாபாரத்தில் பங்குதாரர்கள் ஒத்துழைப்புதருவர். அலுவலகத்தில் அமைதி காக்கவும்.