இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எல்லாவற்றுக்கும் அடுத்தவரை குறை கூறாதீர்கள். தொழில், வியாபாரத்தில் போட்டிகள் இருந்தாலும் சமாளிப்பீர்கள். ஆன்மிகம், தியானம், யோகாவில் ஈடுபாடு கூடும். பண வரவு உண்டு.

ரிஷபம்: வெளிவட்டார தொடர்பு அதிகரிக்கும். வியாபாரத்தில் பழைய பாக்கி வசூலாகும். மனைவி வழி உறவினர்களால் ஆதாயம் கிடைக்கும். தொண்டை புகைச்சல், வயிற்றுவலி வந்து நீங்கும்.

மிதுனம்: புதிய நபர்களால் ஆதாயம் உண்டு. பழைய கடனை தீர்க்க முயற்சி செய்வீர்கள். தேவையற்ற குழப்பங்கள் விலகும். உடல்நலம் சீராகும். வியாபாரத்தை விரிவுபடுத்துவீர்கள்.

கடகம்: உறவினர்கள், நண்பர்கள் வருகையால் மகிழ்ச்சி அதிகரிக்கும். பிள்ளைகளின் விருப்பங்களை நிறைவேற்றுவீர்கள். உடல் ஆரோக்கியம் திருப்தி தரும். குடும்பத்தினர் ஆதரவாக இருப்பார்கள்.

சிம்மம்: எதிர்மறை எண்ணம் மறையும். நம்பிக்கை, உற்சாகத்துடன் செயல்படுவீர்கள். கணவன் - மனைவிக்குள் அன்யோன்யம் கூடும். எதிர்பார்த்த இடத்தில் இருந்து நல்ல செய்தி வரும்.

கன்னி: குடும்பத்தில் விட்டுக்கொடுத்து செல்லுங்கள். பிள்ளைகளால் வெளியூர் பயணம், அலைச்சல் இருக்கும். வாயு கோளாறு, சளி தொந்தரவு வந்து நீங்கும். ஆன்மிக ஈடுபாடு அதிகரிக்கும்.

துலாம்: விலகி சென்ற உறவினர்கள், நண்பர்கள் விரும்பி வந்து உறவாடுவார்கள். வீண் செலவுகளால் கையிருப்பு கரையும். வியாபாரத்தில் பாக்கிகள் வசூலாகும். நாடி வந்தவர்களுக்கு உதவுவீர்கள்.

விருச்சிகம்: வீண் கவலை, குழப்பம் விலகும். வெளியூர் பயணத்தால் அனுகூலம் உண்டு. கணவன் - மனைவிக்குள் அன்யோன்யம் அதிகரிக்கும். பணவரவு கூடும். உயர் அதிகாரிகளின் ஆதரவு உண்டு.

தனுசு: இடையூறுகளை பொருட்படுத்தாமல் உங்கள் இலக்கை நோக்கி முன்னேறுவீர்கள். சேமிப்பு அதிகரிக்கும். சகோதர உறவுகள் ஆதரவாக இருப்பார்கள். வியாபாரத்தில் பழைய பாக்கி வசூலாகும்.

மகரம்: செலவு கட்டுக்கடங்காமல் போகும். அதற்கேற்ப வருமானத்தை பெருக்க வேண்டும் என நினைப்பீர்கள். நகைகள், முக்கிய கோப்புகளை கவனமாக கையாளுங்கள். பேச்சில் கவனம் தேவை.

கும்பம்: கணவன் - மனைவிக்குள் மனம்விட்டு பேசுவீர்கள். நீண்ட நாள் பிரச்சினைகளுக்கு சுமுக தீர்வு காண்பீர்கள். குழப்பங்கள் விலகும். திடீர் பணவரவு உண்டு. விலை உயர்ந்த பொருட்கள் வாங்குவீர்கள்.

மீனம்: வீண் குழப்பங்கள் நீங்கி தெளிவு பிறக்கும். பிள்ளைகளின் பிடிவாதம் குறையும். உடல்நலம் சீராகும். வருங்காலத்துக்காக சேமிப்பீர்கள். மனதுக்கு பிடித்தவர்களை சந்தித்து மகிழ்வீர்கள்.

- ஜோதிஷபூஷண் வேங்கடசுப்பிரமணியன்

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow