இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எதிர்பார்த்த வேலைகள் தடையின்றி முடியும். பிள்ளைகளின் சாதனைகளால் பெருமை அடைவீர்கள். பூர்வீக வீட்டை விரிவுபடுத்தி கட்டுவீர். வியாபாரம் சூடு பிடிக்கும். உத்தியோகத்தில் முன்னேற்றம் காண்பீர்கள்.

ரிஷபம்: தடைபட்டிருந்த காரியங்கள் நல்ல விதத்தில் முடிவடையும். பழைய பிரச்சினைகளுக்கு மாறுபட்ட அணுகுமுறையால் நல்ல தீர்வு காண்பீர். வியாபாரத்தில் போட்டிகள் குறையும். அலுவலகத்தில் மதிப்பு உயரும்.

மிதுனம்: மகளின் திருமணம் தொடர்பான அலைச்சல் இருக்கும். குடும்பத்தில் விட்டுக் கொடுத்து போகவும். வியாபாரத்தில் அவசரப்பட்டு முடிவு எடுக்காதீர்கள். அலுவலகரீதியான பயணங்களால் ஆதாயம் உண்டு.

கடகம்: விலையுயர்ந்த கலை பொருட்களை வாங்குவீர். வியாபாரத்தில் அதிரடியாக செயல்பட்டு லாபமீட்டுவீர். அலுவலகத்தில் வீண் விவாதங்களை தவிர்ப்பது நல்லது. கோப்புகளை கையாளும்போது கவனமாக இருக்கவும்.

சிம்மம்: புது சிந்தனையால் மனக்குழப்பங்கள் விலகும். சேமிக்கும் அளவுக்கு பணம் சேரும். குழப்பம் நீங்கி குடும்பத்தில் நிம்மதி உண்டு. பூர்வீக சொத்து பிரச்சினை முடிவுக்கு வரும். வியாபாரம், உத்தியோகம் சிறக்கும்.

கன்னி: திடீர் யோகம் உண்டாகும். வீட்டில் சுப நிகழ்ச்சி ஏற்பாடாகும். உறவினர், நண்பர்கள் மத்தியில் மதிப்பு, மரியாதை உயரும். அலுவலகத்தில் தேடிய ஆவணம் கிடைக்கும். வியாபாரத்தில் பழைய பாக்கி வசூலாகும்.

துலாம்: வெளிவட்டாரத்தில் அந்தஸ்து உயரும். சிலர் உங்கள் உதவியை நாடுவர். முத்த சகோதரர் உங்களை புரிந்து கொள்வார். கடையில் சில மாற்றம் செய்வீர்கள். அலுவலகத்தில் மேலதிகாரிகள் நேசக்கரம் நீட்டுவர்.

விருச்சிகம்: வெளிவட்டாரத்தில் நிதானமாக பழகவும். தம்பதிக்குள் மனக்கசப்புகள் வரக்கூடும். வியாபாரத்தில் பாக்கிகளை போராடி வசூலிப்பீர்கள். அலுவலகத்தில் பணிச்சுமை அதிகரிக்கும். வீண் விவாதம் வேண்டாம்.

தனுசு: பாதியில் நின்ற வேலை முடிவடையும். வர வேண்டிய பணம் கைக்கு வரும். வியாபாரம் நல்ல லாபம் தரும். அலுவலகத்தில் உயரதிகாரி முக்கிய விஷயங்களை பகிரும் அளவுக்கு நெருக்கமாவீர்.

மகரம்: தாயாரின் மருத்துவச் செலவுகள் குறையும். உடன்பிறந்தோர் உதவிகரமாக நடந்து கொள்வர். தியானத்தில் ஈடுபாடு அதிகரிக்கும். வியாபாரம் சூடு பிடிக்கும். பாக்கி வசூலாகும். உத்தியோகம் சிறக்கும்.

கும்பம்: குடும்பத்தினரின் எண்ணங்களைக் கேட்டறிந்து பூர்த்தி செய்வீர்கள். வீடு, மனை வாங்குவது, விற்பது லாபகரமாக அமையும். தந்தைவழியில் நிம்மதியுண்டு. வியாபாரம் சிறக்கும். அலுவலகத்தில் மதிப்பு உயரும்.

மீனம்: பழைய ஆபரணங்களை மாற்றிவிட்டு புதியன வாங்குவீர். மனைவிவழி உறவினரால் ஆதாயமுண்டு. வியாபாரத்தில் பழைய பாக்கி வந்து சேரும். சரக்குகள் விற்றுத் தீரும். அலுவலகத்தில் அமைதி காப்பது நல்லது.