இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: செலவுகளை குறைத்து சேமிப்பீர்கள். தாய்வழி உறவினர்கள் ஆதரவாக இருப்பார்கள். வியாபாரத்தில் போட்டிகளை தகர்ப்பீர். உத்தியோகத்தில் எதிர்பார்த்த இடமாற்றம் உண்டு. சக ஊழியர் மத்தியில் மதிப்புயரும்.

ரிஷபம்: புது நண்பர்கள் அறிமுகமாவர். தம்பதிக்குள் நெருக்கம் அதிகமாகும். கடனாக கொடுத்த பணத்தை வசூலிப்பீர். வியாபாரத்தை விரிவுபடுத்த முயற்சிப்பீர். அலுவலகத்தில் கோப்புகளை கவனமாக கையாளவும்.

மிதுனம்: எதிலும் நிதானமாக செயல்படுவது நல்லது. குடும்பத்தில் பெரியவர்களின் அறிவுரையை ஏற்கவும். வியாபாரத்தில் பழைய சரக்கு தேங்கும். அலுவலகத்தில் தான் உண்டு தன் வேலை உண்டு என்று இருக்கவும்.

கடகம்: மனநிம்மதியுடன் காணப்படுவீர். தாயாரின் உடல்நலம் சீராக இருக்கும். பிள்ளைகளால் அலைச்சல் இருக்கும். வியாபாரத்தில் புது வாடிக்கையாளர்கள் வருவர். அலுவலகரீதியாக வெளியூர் பயணம் செல்வீர்.

சிம்மம்: கடந்தகால சுகமான அனுபவங்களை நினைத்து சந்தோஷம் பொங்கும். வீடு, வாகனத்தை சீர் செய்வீர். பிள்ளைகள் கேட்டதை வாங்கித் தருவீர்கள். அலுவலக பணிகளை திறம்பட முடிப்பீர். வியாபாரம் சிறக்கும்.

கன்னி: எதிர்பார்த்த தொகை வந்து சேரும். மனநிம்மதி கிட்டும். மனைவிவழியில் மதிப்பு உயரும். தாயாரின் விருப்பத்தை நிறைவேற்றுவீர். ஆன்மிகத்தில் நாட்டம் அதிகரிக்கும். வியாபாரம், உத்தியோகம் சிறக்கும்.

துலாம்: திட்டமிட்ட காரியங்களை சிறப்பாக செய்து முடிப்பீர். பிள்ளைகளை பொறுப்பாக வளர்க்க எண்ணுவீர். உத்தியோகத்தில் மேலதிகாரி நேசக்கரம் நீட்டுவார். வியாபாரத்தை விரிவுபடுத்த முயற்சிப்பீர்.

விருச்சிகம்: திட்டமிட்ட வேலை முடியவில்லையே என கோபப்படுவீர். குடும்பத்தில் விட்டு கொடுத்து போவது நல்லது. வியாபாரத்தில் பங்குதாரர்களின் ஆலோசனைப்படி நடக்கவும். உத்தியோகம் சிறக்கும்.

தனுசு: மனைவிவழி உறவினர் மத்தியில் மதிப்புயரும். தாயாரின் ஆரோக்கியம் திருப்தி தரும். அலுவலகத்தில் பெரிய பதவிக்கு உங்கள் பெயர் பரிந்துரைக்கப்படும். கூட்டுத்தொழிலில் பங்குதாரர்களை சமாளிப்பீர்கள்.

மகரம்: சொந்த ஊரில் மதிக்கப்படுவீர். கவுரவ பதவி தேடி வரும். மூத்த சகோதர, சகோதரிகளுடன் இருந்த மனத்தாங்கல் நீங்கும். ஷேர், கமிஷன் மூலம் பணம் வரும். வியாபாரம், உத்தியோகத்தில் மேன்மை உண்டு.

கும்பம்: பழைய பிரச்சினைகளை பேசித் தீர்ப்பீர்கள். தம்பதிக்குள் அன்யோன்யம் பிறக்கும். கையில் பணம் புரளும். வியாபாரத்தில் பணியாட்களின் ஆதரவு உண்டு. போட்டி குறையும். அலுவலகத்தில் நற்பெயர் கிட்டும்.

மீனம்: பிரபலங்களை சந்திப்பதால் மனநிறைவு உண்டு. தம்பதிக்குள் நெருக்கம் கூடும். வியாபாரத்தில் ஏற்றம் காண்பீர். புதிய முதலீடு செய்வீர். அலுவலக சூழல் திருப்தி தரும். மேலதிகாரிகளின் பாராட்டு பெறுவீர்கள்.

- ஜோதிஷபூஷண் வேங்கடசுப்பிரமணியன்

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow