Published : 25 Feb 2025 05:15 AM
Last Updated : 25 Feb 2025 05:15 AM

இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: அதிகாரப் பதவியில் இருப்பவர்களின் நட்பு கிடைக்கும். பழைய நண்பர்கள் தேடி வந்து பேசுவர். வியாபாரத்தில் புது சரக்குகளை கொள்முதல் செய்வீர். அலுவலகத்தில் வீண் விவாதங்களை தவிர்ப்பது நல்லது.

ரிஷபம்: இங்கிதமாக பேசி அனைவரையும் கவருவீர். தாயாரின் உடல்நலம் சீராகும். பிள்ளைகள் பொறுப்பாக நடந்து கொள்வர். மாணவர்கள் படிப்பில் ஆர்வம் காட்டுவர். வியாபாரம், உத்தியோகத்தில் மேன்மை உண்டு.

மிதுனம்: உறவினர், நண்பர்கள் வகையில் விரய செலவு வரக்கூடும். வியாபாரத்தில் பணியாட்கள் தொந்த ரவு தருவர். அலுவலகத்தில் தான் உண்டு தன் வேலை உண்டு என்று இருக்கவும். மேலதிகாரி பாராட்டுவார்.

கடகம்: சமயோஜித புத்தியுடன் பல காரியங்களையும் முடித்துக் காட்டுவீர். பழைய கடனை பைசல் செய்வீர். உறவினர்கள் மத்தியில் மதிப்பு உயரும். வியாபாரம் சூடு பிடிக்கும். அலுவலகத்தில் தேடிய ஆவணம் கிடைக்கும்.

சிம்மம்: கல்வித் தகுதியை அதிகப்படுத்திக் கொள்வீர். அறிஞர்களின் நட்பு கிடைக்கும். சகோதரர்கள் ஆதரவாக இருப்பர். அலுவலகத்தில் சிலருக்கு பெரிய பொறுப்பு கிடைக்கும். வியாபாரத்தில் போட்டிகள் குறையும்.

கன்னி: தாழ்வு மனப்பான்மை நீங்கும். பணப் புழக்கம் அதிகரிக்கும். வெளிவட்டாரத்தில் மதிக்கப்படுவீர். வியா பாரத்தில் சரக்குகள் விற்றுத் தீரும். லாபம் உண்டு. அலு வலகரீதியாக வெளியூர் பயணம் மேற்கொள்வீர்.

துலாம்: தொட்ட காரியங்கள் துலங்கும். தனிப்பட்ட முறை யில் சில முக்கிய முடிவுகளை தைரியமாக எடுப்பீர்கள். வெளிவட்டாரத்தில் செல்வாக்கு கூடும். வியாபாரத்தில் லாபமுண்டு. உத்தியோகம் சிறக்கும்.

விருச்சிகம்: பாதியில் நின்ற வேலைகள் முடியும். புது யோசனைகளை தந்து சுற்றியிருப்பவர்களை அசத்துவீர். வியாபாரத்தில் பாக்கி வசூலாகும். புதிய பங்குதாரர்கள் கிடைப்பர். அலுவலகத்தில் விவாதங்களை தவிர்க்கவும்.

தனுசு: குழப்பம் நீங்கி தெளிவு பிறக்கும். புதியவர்கள் நண்பர்களாவார்கள். புண்ணிய தலங்களுக்கு சென்று வருவீர். தாயாரின் உடல்நலம் சீராகும். உத்தியோகத்தில் உயரதிகாரிகளின் ஆதரவு கிட்டும். வியாபாரம் சிறக்கும்.

மகரம்: குடும்பத்தில் சிறு சிறு கருத்துமோதல்கள் வரக் கூடும். வியாபாரத்தை விரிவுபடுத்தும் முயற்சிகளை மேற்கொண்டு முன்னேற்ற பாதையில் செல்வீர்கள். உத்தியோகத்தில் சக ஊழியர்களை பற்றி குறை கூறாதீர்.

கும்பம்: பிரபலங்களின் வீட்டு விசேஷங்களில் கலந்து கொள்வீர். புது ஆடை, ஆபரணங்களில் மனம் லயிக்கும். தாய்வழி உறவினரால் ஆதாயமுண்டு. வியாபாரத்தில் பழைய சரக்குகள் விற்றுத் தீரும். உத்தியோகம் சிறக்கும்.

மீனம்: அடிமனதில் இருந்த கவலைகள் நீங்கும். புதிய நண்பர்கள் அறிமுகத்தால் உற்சாகமடைவீர். வாகனம் செலவு வைக்கும். வியாபாரத்தில் போட்டி குறையும். அலுவலகத்தில் யாரையும் பகைத்துக் கொள்ளாதீர்கள்.

- ஜோதிஷபூஷண் வேங்கடசுப்பிரமணியன்

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x