இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தில் இருந்த குழப்பங்கள் மறையும். பிள்ளைகளால் பெருமையடைவீர். நல்லவர்களின் நட்பு கிட்டும். உத்தியோகத்தில் உயரதிகாரி நேசக்கரம் நீட்டுவார். வியாபாரத்தை விரிவுபடுத்த முயற்சிப்பீர்கள்.

ரிஷபம்: பிள்ளைகளின் படிப்பு தொடர்பாக அலைச்சல் இருக்கும். கணவன் மனைவிக்குள் விட்டுக் கொடுத்து போகவும். வியாபாரத்தில் நிதானம் தேவை. அலுவலக ரீதியாக வெளியூர் பயணம் மேற்கொள்ள நேரிடும்.

மிதுனம்: கேட்ட இடத்தில் பணம் கிடைக்கும். வெளிவட்டாரத்தில் மகிழ்ச்சி தங்கும். குழப்பம் நீங்கி தெளிவு பிறக்கும். தள்ளிப் போன விஷயங்கள் உடனே முடியும். தொழிலில் போட்டி குறையும். உத்தியோகம் சிறக்கும்.

கடகம்: புதியவர்கள் நண்பர்களாவார்கள். பணவரவு திருப்திகரமாக இருக்கும். குடும்பத்தில் மகிழ்ச்சி தங்கும். வியாபாரத்தில் லாபமுண்டு. அலுவலகத்தில் தான் உண்டு தன் வேலை உண்டு என்று இருக்க பழகிக் கொள்ளவும்.

சிம்மம்: வெளிவட்டாரத்தில் புதியவர்களின் நட்பு கிடைக்கும். தள்ளிப் போன வழக்கில் சாதகமான தீர்ப்பு வரும். அரசு காரியங்கள் விரைந்து முடியும். விருந்தினர் வருகையுண்டு. வியாபாரம், உத்தியோகம் சிறக்கும்.

கன்னி: பழைய பிரச்சினைக்கு தீர்வு கிட்டும். அதிகாரப் பதவியில் இருப்பவர்கள் அறிமுகமாவர். எதிர்பார்த்த இடத்திலிருந்து நல்ல செய்திகள் வரும். வியாபாரத்தை விரிவுபடுத்துவீர். உத்தியோகத்தில் ஏற்றம் காண்பீர்கள்.

துலாம்: விருந்தினர் வருகை அதிகரிக்கும். பணவரவு உண்டு. உடன்பிறந்தவர்கள் அக்கறை காட்டுவார்கள். அதிகார பதவியில் இருப்பவர்கள் உதவுவர். வியாபாரம் ஏற்றம் தரும். அலுவலகத்தில் அமைதி காப்பது நல்லது.

விருச்சிகம்: சின்ன வேலையைக் கூட முடிக்க முடியாமல் திணருவீர். குடும்பத்தில் சிறு சிறு செலவுகள் வரக்கூடும். மனக் குழப்பம் நீடிக்கும். அலுவலகத்தில் சக ஊழியருடன் இணக்கமாக செயல்படவும். வியாபாரத்தில் லாபமுண்டு.

தனுசு: பழைய கடனைத் தீர்க்க புதுவழி பிறக்கும். மின் சாதனங்களை மாற்றி அமைக்கும் முயற்சிகளில் தீவிரமாக இறங்குவீர். வியாபாரத்தில் பங்குதாரர்களின் ஆதரவுண்டு. அலுவலகத்தில் வீண் விவாதம் தவிர்ப்பீர்.

மகரம்: மனப் போராட்டங்கள் ஓயும். சமயோஜிதமான பேச்சால் தடைபட்ட பணிகளை முடிப்பீர். குடும்பத்தில் மகிழ்ச்சி பொங்கும். பணவரவு உண்டு. வியாபாரத்தில் போட்டிகள் நீங்கும். அலுவலகத்தில் மதிப்பு உயரும்.

கும்பம்: தொட்ட காரியங்கள் அனைத்தும் துலங்கும். தடைகள் நீங்கும். இழுபறியாக இருந்த வேலைகள் முடிவடையும். வியாபாரத்தில் ஏற்றம் காண்பீர்கள். அலுவலகத்தில் புதிய பதவிக்கு பரிந்துரைக்கப்படுவீர்.

மீனம்: புது முயற்சிகளில் ஆர்வம் காட்டுவீர். கணவன் மனைவிக்குள் இருந்து வந்த மனக்கசப்பு விலகும். பிள்ளைகளால் பெருமையடைவீர்கள். வியாபாரத்தில் பழைய சரக்குகள் விற்றுத் தீரும். உத்தியோகம் சிறக்கும்.

- ஜோதிஷபூஷண் வேங்கடசுப்பிரமணியன்