இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தில் விட்டுக் கொடுத்துப் போகவும். பிள்ளைகளால் செலவு இருக்கும். சகோதர வகையில் ஆதரவு உண்டு. வியாபாரத்தில் போட்டிகள் இருக்கும். உத்தியோகத்தில் விரும்பிய இடமாற்றம் உண்டு.

ரிஷபம்: அவசரத்துக்கு கைமாற்றாக வாங்கியிருந்த தொகையை தந்து முடிப்பீர்கள். தாய்வழி உறவினர்கள் மத்தியில் கௌரவம் கூடும். வியாபாரம் விறுவிறுப்பாக அமையும். அலுவலகத்தில் அமைதி காப்பது நல்லது.

மிதுனம்: குடும்பத்தாரின் ஒத்துழைப்பு அதிகரிக்கும். சேமிக்கும் எண்ணம் மனதில் தோன்றும். பிள்ளைகளால் பெருமை அடைவீர். அலுவலகத்தில் மதிப்பு உயரும். வியாபாரத்தில் புது வாடிக்கையாளர்கள் வருவார்கள்.

கடகம்: அரசு காரியங்களில் இருந்து வந்த தடைகள் விலகும். வெளிவட்டாரத் தொடர்பு அதிகரிக்கும். பயணங்கள் மகிழ்ச்சி தரும். வியாபாரத்தில் சரக்குகள் விற்றுத் தீரும். அலுவலகத்தில் குழப்பங்கள் நீங்கும்.

சிம்மம்: ஒதுங்கியிருந்த உறவினர், நண்பர்கள் இனி ஓடி வந்து பேசுவார்கள். தம்பதிக்குள் நெருக்கம் கூடும். வியாபாரத்தில் பாக்கி வசூலாகும். அலுவலகத்தில் வீண் விவாதங்களை தவிர்த்து விடவும். பொறுப்புகள் கூடும்.

கன்னி: வீண் அலைச்சல், காரியத் தடைகள் வரக்கூடும். பிள்ளைகளின் பேச்சுக்கு முக்கியத்துவம் கொடுக்கவும். வியாபாரத்தில் லாபம் உண்டு. பங்குதாரர் ஆதரிப்பார். அலுவலகத்தில் தேடிய முக்கிய ஆவணம் கிடைக்கும்.

துலாம்: பிள்ளைகளின் பிடிவாதம் குறைந்து உங்கள் பேச்சுக்கு செவி சாய்ப்பார்கள். மகளுக்கு உடனே திருமணம் கூடி வரும். வியாபாரத்தில் வராக்கடன் வந்து சேரும். அலுவலகத்தில் வீண் விவாதம் தவிர்க்கவும்.

விருச்சிகம்: எதிர்பார்த்த உதவிகள் தக்க சமயத்தில் கிடைக்கும். தெளிவான முடிவால் தொல்லை நீங்கும். உத்தியோகத்தில் இழுபறியாக இருந்த பணிகளை முடிப்பீர். வியாபாரத்தை விரிவுபடுத்த முயற்சிப்பீர்கள்.

தனுசு: பழைய பிரச்சினைகளுக்கு மாறுபட்ட அணுகு முறையால் தீர்வு காண்பீர். உத்தியோகத்தில் அதிகாரிகள் முக்கிய அறிவுரை தருவர். வியாபாரரீதியான பயணம் ஆதாயம் தரும். புதிய பங்குதாரர்கள் கிடைப்பார்கள்.

மகரம்: வெளிவட்டாரத்தில் கௌரவ பதவிகள் தேடி வரும். மனைவிவழியில் ஒத்துழைப்பு அதிகரிக்கும். புதிய வேலை அமையும். அரசால் அனுகூலம் உண்டு வியாபாரம், உத்தியோகத்தில் முன்னேற்றம் காண்பீர்.

கும்பம்: சோர்வு நீங்கி, சுறுசுறுப்புடன் செயல்படுவீர். அதிகாரப் பதவியில் இருப்பவர்கள் நட்புறவாடுவார்கள். வியாபாரத்தில் புது சரக்குகளை கொள்முதல் செய்வீர். அலுவலகத்தில் புதிய பதவி கிடைத்து பொறுப்பு கூடும்.

மீனம்: விவேகத்துடன் செயல்பட்டு வெற்றி காண்பீர். முக்கிய பிரமுகர்களின் உதவியுடன் சில காரியங்களை விரைந்து முடிப்பீர். வியாபாரத்தில் பாக்கி வசூலாகும். அலுவலகத்தில் யாரைப் பற்றியும் குறை கூறாதீர்கள்.

- ஜோதிஷபூஷண் வேங்கடசுப்பிரமணியன்