இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எடுத்த காரியங்கள் இழுபறிக்குப் பிறகு முடியும். சொந்தபந்தங்களிடம் விட்டுக்கொடுத்து போவது நல்லது. வியாபாரத்தில் பாக்கிகளை போராடி வசூலிப்பீர்கள். பயணங்கள் அலைச்சல் தரும்.

ரிஷபம்: நீண்டநாள் பிரச்சினைகளுக்கு சுமுகத் தீர்வு காண்பீர்கள். யோகா, தியானத்தில் ஈடுபாடு அதிகரிக்கும். வீட்டின் அடிப்படை வசதிகளை மேம்படுத்துவீர்கள். வேலை தேடுவோருக்கு நல்ல தகவல் வரும்.

மிதுனம்: உங்களின் இலக்கை நோக்கி முன்னேறுவீர்கள். அழகு, இளமை கூடும். சமூகத்தில் அந்தஸ்து உயரும். குடும்பத்தில் சுபகாரியங்கள் ஏற்பாடு ஆகும். பிள்ளைகள் படிப்பில் ஆர்வம் காட்டுவார்கள்.

கடகம்: சவால்கள், ஏமாற்றங்களைக் கடந்து வெற்றி அடைவீர்கள். கணவன் - மனைவிக்குள் அன்யோன்யம் அதிகரிக்கும். கடனை பைசல் செய்யும் அளவுக்கு பணவரவு உண்டு. பால்ய நண்பர்களைச் சந்திப்பீர்கள்.

சிம்மம்: தன்னம்பிக்கையுடன் செயல்பட்டு சில வேலைகளை செய்து முடிப்பீர்கள். மனதில் நிலவிய குழப்பங்கள் நீங்கி தெளிவு பிறக்கும். சேமிப்பை அதிகரிப்பீர்கள். குடும்பத்தில் மகிழ்ச்சிகரமான சூழல் காணப்படும்.

கன்னி: நீண்டநாட்களாக எதிர்பார்த்து காத்திருந்த அயல்நாட்டு பயணம் சாதகமாக அமையும். கணவன் – மனைவிக்குள் நிலவிய ஈகோ பிரச்சினை முடிவுக்கு வரும். வியாபாரத்தில் பழைய வாடிக்கையாளர்கள் மீண்டும் வருவார்கள்.

துலாம்: வீடு, மனை வாங்குவது குறித்து குடும்பத்தினருடன் ஆலோசிப்பீர்கள். தாய்வழி உறவுகளால் ஆதாயமுண்டு. வியாபாரத்தில் முன்னேற்றம் ஏற்படும். பயணங்களால் அலைச்சல் இருந்தாலும் ஆதாயம் உண்டு.

விருச்சிகம்: ஒருவித சலிப்பு, வெறுப்பு, தாழ்வுமனப்பான்மை வந்து போகும். குடும்பத்தில் ஒற்றுமை காணப்படும். பண விவகாரத்தில் எச்சரிக்கையுடன் செயல்படுங்கள். நேரம் ஒதுக்கி யோகா, தியானம் செய்வது நல்லது.

தனுசு: நண்பர்கள் உதவிகரமாக இருப்பார்கள். சகோதரர்களுக்குள் ஒற்றுமை காணப்படும். நிலம், வீடு வாங்குவது, விற்பது சாதகமாக முடியும். சிலர் பழைய வாகனத்தை மாற்றி புது வாகனம் வாங்குவீர்கள்.

மகரம்: எதையும் தாங்கும் மனவலிமை கிட்டும். பணவரவு உண்டு. எதிர்ப்புகள், ஏமாற்றங்களை முறியடித்து வெற்றி பெறுவீர்கள். பால்ய நண்பர்களால் சில காரியங்களை முடித்துக் காட்டுவீர்கள்.

கும்பம்: எதிர்பார்த்த இடத்திலிருந்து பணம் வரும். புதிய சிந்தனைகள் மனதில் தோன்றும். பங்கு வர்த்தகத்தில் லாபம் கிடைக்கும். வாகனத்தை சீர்செய்வீர்கள். மனைவிவழியில் ஆதாயம் உண்டு.

மீனம்: உறவினர் மத்தியில் அந்தஸ்து உயரும். வராது என்றிருந்த தொகை கைக்கு வரும். ஆடை, ஆபரணங்கள் சேரும். சுபநிகழ்ச்சிகளில் கலந்து கொள்வீர்கள். உங்களின் நிர்வாகத்திறன் பளிச்சிடும்.

- ஜோதிஷபூஷண் வேங்கடசுப்பிரமணியன்