இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: முன்கோபம் அதிகமாகும். கடந்த காலத்தில் இழந்த நல்ல வாய்ப்புகளை நினைத்து வருந்துவீர்கள். வியாபாரத்தில் போட்டி இருக்கும். லாபம் உண்டு. அலுவலகத்தில் வீண் விவாதங்களை தவிர்த்துவிடவும்.

ரிஷபம்: நண்பர்களுடன் இருந்த பகை நீங்கும். எதிர்பார்த்த வகையில் பணம் வரும். உறவினர்கள் உதவிகரமாக இருப்பர். வியாபாரத்தில் பங்குதாரர்களை கேட்டு செயல்படுவீர். உத்தியோகத்தில் ஏற்றமுண்டு.

மிதுனம்: வேற்றுமொழி, மதத்தினர்களால் திருப்பம் உண்டாகும். தந்தைவழி உறவினர்களால் ஆதாயமுண்டு. அலுவலகத்தில் மதிப்பு கூடும். பங்குதாரர் களின் ஆலோசனைப்படி வியாபாரத்தை விரிவுபடுத்துவீர்.

கடகம்: அரசாங்கத்தால் ஆதாயம் உண்டு. குடும்பத்தில் மகிழ்ச்சி தங்கும். புது வேலையில் சென்று அமர்வீர்கள். உறவினர், நண்பர்கள் விரும்பி வந்து பேசுவர். வியாபார ரீதியான பயணங்கள் வரும். உத்தியோகம் சிறக்கும்.

சிம்மம்: தன்னம்பிக்கையுடன் இருந்து காரியங்களை முடிப்பீர். குடும்பத்தாரின் ஆதரவு கிட்டும். பழைய நல்ல நினைவுகள் மனதை தாலாட்டும். கையில் பணம் புரளும். வியாபாரம், உத்தியோகத்தில் மேன்மை உண்டு.

கன்னி: உறவினர்களிடம் இருந்து உதவி கிடைக்கும். பணவரவு உண்டு. மற்றவர்களுக்காக பொறுப்புகளை ஏற்பீர்கள். வியாபாரத்தின் நெளிவு சுளிவுகளை கற்பீர். அலுவலகத்தில் விரும்பிய இடத்துக்கு மாற்றல் கிட்டும்.

துலாம்: சகோதர வகையில் ஒற்றுமை பிறக்கும். விரும்பிய பொருட்களை வாங்கி மகிழ்வீர்கள். தாயார் ஆதரித்துப் பேசுவார். வியாபாரத்தை விரிவுபடுத்துவீர். அலுவலகத்தில் தேடிய முக்கிய ஆவணம் கிடைக்கும்.

விருச்சிகம்: குடும்பத்தில் சிறு சிறு மனக்கசப்புகள் வந்து போகும். அரசு சம்பந்தப்பட்ட காரியங்களில் சின்ன தடைகள் வரக் கூடும். வியாபாரத்தில் லாபம் பார்ப்பீர்கள். அலுவலகத்தில் அமைதி காப்பது நல்லது.

தனுசு: அண்டை அயலாரின் ஆதரவு பெருகும். பழைய கடன் பிரச்சினையில் ஒன்று தீரும். வியாபாரத்தை விரிவுபடுத்துவீர். பணியாட்கள் அனுசரணையாக நடந்து கொள்வர். அலுவலகத்தில் மேலதிகாரி பாராட்டுவார்.

மகரம்: பிள்ளைகள் குடும்ப சூழ்நிலைக்கு தகுந்தாற் போல் பொறுப்பாக இருப்பர். பிரியமானவர்களுக்காக சிலவற்றை விட்டுக் கொடுப்பீர்கள். வியாபாரத்தில் லாபத்தை இரட்டிப்பாக்குவீர். உத்தியோகம் சிறக்கும்.

கும்பம்: பணப்புழக்கம் அதிகரிக்கும். உறவினர்கள், நண்பர்கள் உங்களை கலந்தாலோசித்து சில முடிவுகள் எடுப்பர். சொத்து சம்பந்தப்பட்ட வழக்கில் நல்ல தீர்ப்பு வரும். வியாபாரம், உத்தியோகத்தில் ஏற்றம் காண்பீர்.

மீனம்: தெளிவான முடிவுகளை எடுத்து மற்றவர்களை ஆச்சரியப்படுத்துவீர். குடும்பத்தினரின் எண்ணங்களை பூர்த்தி செய்வீர். வியாபாரத்தில் புது முயற்சியில் ஆர்வம் காட்டுவீர். அலுவலகத்தில் விவாதங்கள் வேண்டாம்.