இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: நினைத்த காரியம் நிறைவேறும். மனக் குழப்பம் நீங்கும். கல்வியாளர், அறிஞர்களின் நட்பால் தெளிவடைவீர். குடும்பத்தில் அடுத்தடுத்து சுபநிகழ்ச்சி ஏற்பாடாகும். வியாபாரம், உத்தியோகம் சிறக்கும்.

ரிஷபம்: ஏமாற்றங்களை கடந்து வெற்றி அடைவீர். தம்பதிக்குள் விட்டுக்கொடுத்து போவீர்கள். பழைய கடனை பைசல் செய்வீர்கள். வியாபாரம் சிறக்கும். அலுவலகத்தில் வீண் விவாதங்களை தவிர்த்துவிடவும்.

மிதுனம்: ஆடம்பர செலவுகளை குறைத்து சேமிக்கத் தொடங்குவீர். மனதுக்கு பிடித்தவர்களை சந்திப்பீர். மனைவியுடன் இருந்த மனக்கசப்பு நீங்கும். வியாபாரம் சிறக்கும். உத்தியோகத்தில் பணிச்சுமை குறையும்.

கடகம்: மனப் போராட்டம், எதிர்காலத்தை பற்றிய பயம் இருக்கும். வீட்டில் அமைதி நிலவும். வீண் செலவுகளை குறையுங்கள். அலுவலகத்தில் பணிச்சுமை அதிகரிக்கும். வியாபாரத்தை விரிவுபடுத்த முயற்சிப்பீர்.

சிம்மம்: உறவினர்கள் மத்தியில் மதிக்கப்படுவீர்கள். சகோதரர்கள் ஆதரவு தருவர். உற்சாகமான பேச்சால் அனைவரையும் கவருவீர். வியாபாரத்தில் வெற்றி காண்பீர். அலுவலகத்தில் மேலதிகாரி பாராட்டுவார்.

கன்னி: தொட்டது துலங்கும். மனதில் தெளிவு பிறக்கும். அனுபவப்பூர்வமாக பேசுவீர். பழைய கடனை பைசல் செய்ய புது வழி பிறக்கும். பங்குதாரர் ஆலோசனைப்படி வியாபாரத்தை விரிவுபடுத்துவீர். உத்தியோகம் சிறக்கும்.

துலாம்: குடும்பத்தில் இழந்த செல்வாக்கை மீண்டும் பெறுவீர். எதிர்பார்த்த தொகை கைக்கு வரும். பெரிய மனிதர்களின் நட்பு கிடைக்கும். உத்தியோகத்தில் பணிச்சுமை குறையும். வியாபாரத்தில் ஏற்றம் காண்பீர்.

விருச்சிகம்: பழைய நண்பர்கள், உறவினர்கள் வீடு தேடி வந்து பேசுவர். வெளிவட்டாரத்தில் புது அனுபவம் கிட்டும். வியாபாரத்தில் இருந்த போட்டிகள் விலகும். உத்தியோகத்தில் எதிர்பார்த்த இடமாற்றம் உண்டு.

தனுச: சேமிப்புகள் கரையக் கூடும். கணவன் - மனைவி பிரச்சினைக்குள் மற்றவர்களை நுழைய விடாதீர்கள். ஆன்மிகத்தில் நாட்டம் அதிகரிக்கும். அலுவலகத்தில் பணிச்சுமை கூடும். வியாபாரத்தில் எச்சரிக்கை தேவை.

மகரம்: உங்களின் புகழ், கவுரவம் உயரும். குடும்பத்தில் சுப நிகழ்ச்சிகள் ஏற்பாடாகும். பணவரவு அதிகரிக்கும். முக்கிய பிரமுகர்களின் அறிமுகம் கிட்டும். வியாபாரம் லாபம் தரும். அலுவலகத்தில் விவாதம் வேண்டாம்.

கும்பம்: வியாபாரரீதியாக சிலரை சந்திப்பீர்கள். கடந்த கால சுகமான அனுபவங்களை நினைத்து மகிழ்வீர். அலுவலகத்தை பொறுத்தவரை எதிலும் உங்கள் கை ஓங்கும். பங்குதாரர்களை அனுசரித்து செயல்படவும்.

மீனம்: எதிர்பார்த்த இடத்திலிருந்து பணம் வரும். புதிய சிந்தனை தோன்றும். வியாபாரத்தை விரிவுபடுத்தும் முயற்சிகளை மேற்கொள்வீர். அலுவலகத்தில் யாரைப் பற்றியும் குறை கூறிக் கொண்டிருக்க வேண்டாம்.

- ஜோதிஷபூஷண் வேங்கடசுப்பிரமணியன்