இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பழைய பிரச்சினைகளுக்கு தீர்வு கிடைக்கும். வேற்றுமதத்தவர் உதவுவர். உத்தியோகத்தில் புதிய பொறுப்பு தேடி வரும். வீண் விவாதங்களை தவிர்த்து விடவும். வியாபாரத்தில் சில சூட்சுமங்களை புரிந்து கொள்வீர்.

ரிஷபம்: குடும்பத்தில் உள்ளவர்களின் உணர்வுகளுக்கு மதிப்பளிப்பீர். பொது காரியங்களில் ஈடுபடுவீர். அரசு அதிகாரிகளுடன் சந்திப்பு நிகழும். வியாபாரத்தில் பழைய சரக்குகள் விற்று தீரும். உத்தியோகத்தில் மேன்மையுண்டு.

மிதுனம்: எதிர்பாராத செலவுகள் வரும். குடும்பத்தா ரின் பேச்சுக்கு மதிப்பளிக்கவும். வாகனத்தில் கவனம் தேவை. வியாபாரத்தில் பணியாட்கள் தொந்தரவு தரக்கூடும். உத்தியோகத்தில் மேலதிகாரியை பகைத்து கொள்ளாதீர்.

கடகம்: குடும்பத்தில் மனநிறைவு கிட்டும். பிள்ளைகளால் உறவினர், நண்பர்கள் மத்தியில் அந்தஸ்து உயரும். பழைய பிரச்சினைகளை தீர்ப்பீர். வியாபாரத்தில் லாபம் உண்டு. அலுவலகத்தில் இடமாற்றம் கிடைக்கும்.

சிம்மம்: முகமலர்ச்சியுடன் காணப்படுவீர். நீண்டநாள் விருப்பங்களை பூர்த்தி செய்து கொள்வீர்கள். கணவன் மனைவிக்குள் மகிழ்ச்சியுண்டு. தந்தையின் உடல்நிலை சீராக இருக்கும். வியாபாரம், உத்தியோகம் சிறக்கும்.

கன்னி: விரும்பிய பொருட்களை வாங்கி மகிழ்வீர். புதுகருத்துகளால் சுற்றியிருப்பவர்களை வசீகரிப்பீர். பண வரவு உண்டு. தம்பதிக்குள் நெருக்கம் அதிகமாகும். வியாபாரம் சூடு பிடிக்கும். அலுவலகத்தில் மதிப்பு உயரும்.

துலாம்: குடும்பத்தாரின் உணர்வுகளை புரிந்து கொண்டு அதற்கேற்ப செயல்படவும். அலுவலகத்தில் முக்கிய கோப்புகளை கவனமாக கையாளுங்கள். வியாபாரத்தில் வர வேண்டிய பணத்தை போராடி வசூலிக்க வேண்டும்.

விருச்சிகம்: கணவன் மனைவிக்குள் விட்டுக்கொடுத்து போகவும். வியாபாரத்தில் பணியாட்களின் தொந்தரவு வரக்கூடும். அலுவலகத்தில் யாரைப் பற்றியும் குறை கூற வேண்டாம். வீண் விவாதங்களையும் தவிர்க்கவும்.

தனுசு: முக மலர்ச்சியுடன் காணப்படுவீர். குடும்ப உறுப்பினர்களின் ஆதரவு உண்டு. வாகனத்தில் கவனம் தேவை. அலுவலகத்தில் நீங்கள் தேடிய முக்கிய ஆவணம் கிடைக்கும். வியாபாரத்தில் ஓரளவு லாபம் கிட்டும்.

மகரம்: சொந்த ஊரிலிருந்து நல்ல செய்திகள் தேடி வரும். புது அனுபவம் கிடைக்கும். புதிதாக வாகனம் வாங்கும் அமைப்பு ஏற்படும். வியாபாரத்தில் ஏற்றம் காண்பீர். அலுவலகத்தில் தடைபட்ட வேலை முடியும்.

கும்பம்: பெரிய திட்டங்கள் தீட்டுவீர்கள். தினந்தோறும் எதிர்பார்த்து காத்திருந்த தொகை கைக்கு வரும். வெற்றி பெற்ற மனிதர்களின் நட்பு கிடைக்கும். அரசாங்கத்தால் ஆதாயம் உண்டு. வியாபாரம், உத்தியோகம் சிறக்கும்.

மீனம்: உங்கள் உழைப்புக்கு பாராட்டப்படுவீர்கள். குடும்பத்தினருடன் சுப நிகழ்ச்சிகளில் பங்கேற்பீர். பூர்வீக சொத்து பிரச்சினையில் நல்ல தீர்வு கிடைக்கும். அலுவலகத்தில் நிம்மதியுண்டு. வியாபாரம் லாபம் தரும்.

- ஜோதிஷபூஷண் வேங்கடசுப்பிரமணியன்