இந்தநாள் உங்களுக்கு எப்படி? 12 ராசிகளுக்கும் உரிய பலன்கள்

மேஷம்: இழுபறியாக இருந்துவந்த வழக்கில் நல்ல தீர்ப்பு கிடைக்கும். கடந்த காலத்தில் உங்களுக்கு எதிராக செயல்பட்டவர்கள் இப்போது ஆதரவாக நெருங்கி வரும் வாய்ப்பு உண்டு.

ரிஷபம்: சவால்களில் வெற்றி பெறுவீர்கள். மகளின் திருமண விஷயம் கைகூடி வரும். புதிதாக வாகனம் வாங்குவீர்கள். வீட்டை விரிவுபடுத்தி கட்டுவது திட்டமிட்டபடி முடியும்.

மிதுனம்: கடந்த காலத்தில் நடந்த இனிமையான நிகழ்வுகளில் அவ்வப்போது மூழ்குவீர்கள். தாயாருடன் எதிர்பாராது கருத்து மோதல் வரும். வாகனத்தில் அதிக வேகம் வேண்டாம்.

கடகம்: பிரச்சினைகளை தீர்க்க வழிபிறக்கும். வேற்றுமொழி பேசுபவரின் அறிமுகம் நன்மை பயக்கும். புதிய நண்பர்களால் உங்களின் பிரச்சினைகள் பாதியாகக் குறையக் கூடும்.

சிம்மம்: நீண்ட நாட்களாக எதிர்பார்த்திருந்த தொகை கைக்கு வரும். கொடுத்த வாக்கை காப்பாற்றுவீர்கள். உறவினர்கள் வலிய வந்து உதவுவார்கள். திடீர் பயணம் ஏற்படக் கூடும்.

கன்னி: மருத்துவரின் ஆலோசனையின்றி எந்த மருந்தையும் உட்கொள்ள வேண்டாம். காய், கனிகள், கீரையை அதிகம் சேர்த்துக் கொள்ளுங்கள். உணவு விஷயத்தில் கட்டுப்பாடு அவசியம்.

துலாம்: தவிர்க்க முடியாத செலவுகளால் மற்றவர்களிடம் கடன் வாங்கும் சூழல் உருவாகும். சகோதரர் வகையில் அன்புத் தொல்லை அதிகமாகும். அரசு காரியங்கள் இழுபறியாகும்.

விருச்சிகம்: எதிர்பாராத வகையில் பணம் வரும். பங்கு வர்த்தகத்தில் லாபம் கிடைக்கும். மனைவி ஆதரவாகப் பேசுவார். மனைவிவழி உறவினர்களால் சில காரியங்கள் நிறைவேறும்.

தனுசு: வெளிவட்டாரத்தில் அந்தஸ்து உயரும். உறவினர் வீட்டு திருமணம், கிரகப்பிரவேசம், சீமந்தம் போன்ற சுபகாரியங்களை முன்னின்று நடத்துவீர்கள். கலைப்பொருட்கள் சேரும்.

மகரம்: தன்னம்பிக்கை அதிகரிக்கும். புதிய வாய்ப்புகள் தேடி வரும். அரசியல் பிரபலங்களுக்கு நெருக்கமாவீர்கள். யோகா, தியானத்தில் மனம் லயிக்கும். ஆன்மிக பயணம் ஏற்படலாம்.

கும்பம்: இரவு பயணங்களை தவிர்ப்பது நல்லது. மற்றவர்களை நம்பி பெரிய முடிவுகள் எடுக்க வேண்டாம். உங்கள் பலம், பலவீனத்தை உணர்ந்து அதற்கேற்ப செயல்படுங்கள்.

மீனம்: உங்கள் ரசனைக்கேற்ப வீடு, மனை அமையும். வங்கிக் கடன் உதவியும் கிடைக்கும். பழைய உறவினர், நண்பர்களை சந்தித்து மகிழ்வீர்கள். மனைவிவழியில் உதவிகள் உண்டு.