இந்த வாரம் உங்களுக்கு இப்படித்தான்! நட்சத்திர பலன்கள் (மார்ச் 9 முதல் 15 வரை) அஸ்வினி, பரணி, கார்த்திகை - ‘சொல்வாக்கு ஜோதிடர்’ ஜெயம் சரவணன்

- ‘சொல்வாக்கு ஜோதிடர்’ ஜெயம் சரவணன்

இந்த வாரம் உங்களுக்கு இப்படித்தான்! நட்சத்திர பலன்கள்

(மார்ச் 9 முதல் 15 வரை) அஸ்வினி, பரணி, கார்த்திகை

அஸ்வினி -
அதிக அளவிலான நன்மைகள் ஏற்படும் வாரம் .
எதிர்பார்த்த தேவைகள் அனைத்தும் உடனுக்குடன் பூர்த்தியாகும். பணவரவு திருப்திகரமாக இருக்கும். ஆனாலும் அவசர முடிவுகளை எடுக்க வேண்டாம். ஒப்பந்தங்களில் கையெழுத்திடும் போது கவனமாக இருக்க வேண்டும். இந்த நிலை இன்னும் ஒரு வாரம் மட்டுமே நீடிக்கிறது.
அதன் பிறகு மிகப் பெரிய யோகங்கள் காத்துக்கொண்டிருக்கின்றன. உத்தியோகத்தில் எதிர்பார்த்த இடமாற்றம் மற்றும் பதவி உயர்வு கிடைக்கும். தொழிலில் புதிய ஒப்பந்தங்கள் ஏற்படும். அயல்நாட்டில் இருந்து முதலீடுகள் கிடைப்பதற்கான வாய்ப்பு உள்ளது. பங்கு வர்த்தகத் துறையில் நல்ல ஏற்றம் ஏற்படும்.
வியாபார வளர்ச்சி சீராக இருக்கும், புதிய வியாபார ஒப்பந்தங்கள் கிடைக்கும். பெண்களுக்கு குடும்பத்தில் மன மகிழ்ச்சி ஏற்படும்படியான சுபகாரிய விசேஷங்கள் நடக்கும். திருமணமாகாத பெண்களுக்கு திருமணம் நடக்கும். மாணவர்கள் கல்வியில் நல்ல முன்னேற்றம் காண்பார்கள். கலைஞர்களுக்கு நல்ல வாய்ப்புகள் கிடைக்கும்.

இந்த வாரம் -

திங்கள் -
திட்டமிட்ட காரியங்கள் மட்டுமல்லாமல், திட்டமிடாத காரியங்களிலும் வெற்றி உண்டாகும். எதிர்பார்த்த பணம் கிடைக்கும்.வியாபார வளர்ச்சி அமோகமாக இருக்கும். தொழில் தொடர்பாக தேவையான உதவிகள் கிடைக்கும்.சொந்த வீடு வாங்குதல், திருமணம் உள்ளிட்ட சுப காரிய பேச்சுவார்த்தைகள் அனைத்தும் சுமுகமாக முடிவடையும்.

செவ்வாய் -
எதிர்பாராத செலவுகள் ஏற்படும். சிறு தூரப் பயணங்கள் ஏற்படும். பயணங்களால் ஆதாயம் கிடைப்பது குறைவாக இருக்கும். முக்கியமான சந்திப்புகள் தள்ளிப் போகும்.

புதன் -
அதிக அளவிலான நன்மைகள் நடைபெறும். வியாபார விஷயங்கள் திருப்திகரமாக இருக்கும். பணவரவு எதிர்பார்த்தபடி கிடைக்கும். வேலையில் இடமாற்றம் எதிர்பார்த்தபடியே கிடைக்கும்.இதுவரை வேலை இல்லாமல் இருந்தவர்களுக்கு வேலைக்கான அழைப்பு வரும்.

வியாழன் -
வாகனச் செலவுகள், வீட்டு பராமரிப்பு செலவுகள் என செலவுகள் அதிகமாக இருக்கும். அலைச்சல் ஏற்படும். முக்கிய சந்திப்புகள் தள்ளிப் போகலாம்.

வெள்ளி -
சொந்த வீடு வாங்குவது தொடர்பான விஷயங்கள் சாதகமாக இருக்கும். வியாபார ஒப்பந்தங்கள் ஏற்படும். தொழில் தொடர்பான எதிர்பார்த்த உதவி கிடைக்கும். குடும்பத்தில் மனம் மகிழும் சம்பவங்கள் நடக்கும். உறவினர்களால் ஆதாயம் உண்டாகும். நீண்டநாளாக சந்திக்க முடியாமல் இருந்த நபரை இன்று சந்திக்கும் வாய்ப்பு கிடைக்கும்.

சனி-
வரவும் செலவும் சமமாக இருக்கும். எதிர்பார்த்த தகவல் தாமதமாகும். கடன் சம்பந்தப்பட்ட விஷயம் கவலை தரும். வியாபாரப் பேச்சுவார்த்தைகள் இழுபறியாக இருக்கும்.

ஞாயிறு -
ஆதாயம் தரும் வியாபாரம் ஒன்று பேசி முடிப்பீர்கள்.வியாபாரத்தில் லாபம் இருமடங்காக இருக்கும். நிலம் வீடு தொடர்பான வியாபாரப் பேச்சுவார்த்தைகள் சாதகமாக இருக்கும். எதிர்பார்த்த உதவிகள் அனைத்தும் கிடைக்கும். சுபவிசேஷங்களில் கலந்து கொள்வீர்கள்.

வணங்கவேண்டிய தெய்வம் -
கோ பூஜை செய்யுங்கள். பசுக்களுக்கு உணவளியுங்கள். நன்மைகள் அதிகமாகும். மனக்குறைகள் தீரும்.
*******************************************************************

பரணி -
நல்ல பலன்கள் நடைபெறும் வாரமாக இருக்கும்.
உத்தியோகத்தில் எதிர்பார்த்த இடமாற்றம் கிடைக்கும். வேறு வேலைக்கு மாறும் முயற்சி வெற்றியாகும். வியாபாரிகளுக்கு புதிய வாடிக்கையாளர்கள் கிடைப்பார்கள். புதிய வியாபார நிறுவனங்கள் ஆரம்பிக்கும் வாய்ப்பு உண்டு. சுயதொழில் செய்து கொண்டிருப்பவர்களுக்கு அனைத்து உதவிகளும் கிடைக்கும். எதிர்பார்த்த தொழில் முதலீடுகள் கிடைக்கப் பெறுவீர்கள். நெருக்கடிகள் அகன்று ஆதாயம் பெருகும்.
கலைத்துறை சார்ந்தவர்களுக்கு புதிய ஒப்பந்தங்கள் ஏற்பட்டு மன மகிழ்ச்சி உண்டாகும். பெண்களுக்கு தங்கள் தேவைகள் அனைத்தும் பூர்த்தியாகும். சொந்த வீடு வாங்கும் கனவு நனவாகும். மாணவர்களுக்கு கல்வியில் நல்ல முன்னேற்றம் ஏற்படும். தேர்வுகளில் நல்ல மதிப்பெண்கள் கிடைக்கும்.

இந்த வாரம் -

திங்கள் -
உத்தியோகத்தில் எதிர்பார்த்த இடமாற்றம் கிடைப்பதற்கான தகவல் இன்று கிடைக்கும். வியாபார பேச்சுவார்த்தைகள் வெற்றிகரமாக முடியும். தொழில் தொடர்பான பயணங்கள் ஏற்படும். புதிய ஒப்பந்தங்கள் கையெழுத்தாகும்.

செவ்வாய் -
அதிக அளவு நன்மைகள் நடைபெறும் நாள். எதிர்பார்த்த பணம் கிடைக்கும். வியாபாரத்தில் வெற்றி உண்டாகும். தொழிலில் நல்ல வளர்ச்சி ஏற்படும். குடும்பத்தில் மகிழ்ச்சி நிலவும்.

புதன் -
எதிர்பாராத செலவுகள் ஏற்படும். வாகனங்களில் செலவு. தொழில் தொடர்பான இயந்திரங்களில் பழுது, சிறிய அளவிலான மருத்துவச் செலவு போன்றவை ஏற்படும். பயணங்களைத் தவிர்ப்பது நல்லது. அலுவலக கோப்புகளில் கையெழுத்திடும் முன் கவனமாக படித்துப் பார்த்தபின் கையெழுத்திட வேண்டும்.

வியாழன் -
வியாபார பேச்சுவார்த்தைகள் சாதகமாக இருக்கும். ஒப்பந்தங்கள் ஏற்படும் வாய்ப்பு இருக்கிறது. எதிர்பார்த்த பண உதவி கிடைக்கும். நீண்ட நாளாக முடிக்க முடியாமல் இழுபறியாக இருந்த அலுவலக வேலையை இன்று செய்து முடிப்பீர்கள்.

வெள்ளி -
உங்களுக்கு தொடர்பு இல்லாத விஷயங்களில் தலையிட வேண்டாம். மற்றவர்கள் விஷயங்களில் கருத்துகள் தெரிவிக்க வேண்டாம். அது உங்களுக்கு எதிராகத் திரும்பும்.

சனி-
நீண்ட நாளாக முடியாமல் இருந்த பேச்சுவார்த்தை இன்று சுமுகமான முடிவுக்கு வரும். வரவேண்டிய பாக்கிகள் வசூலாகும். கடன் தொடர்பான முக்கிய பிரச்சினை முடிவுக்கு வரும்.

ஞாயிறு -
தொலைதூரப் பயணங்கள் செய்ய வேண்டாம். பேச்சுவார்த்தைகள் ஏதும் இருந்தால் தள்ளி வையுங்கள். ஒப்பந்தங்கள் போடுவதைத் தவிர்க்க வேண்டும். பணம் கொடுக்கல் வாங்கல் விஷயங்களில் ஈடுபடாமல் இருப்பது நல்லது.

வணங்கவேண்டிய தெய்வம் -
கனகதாரா ஸ்தோத்திரம் பாராயணம் செய்யுங்கள் அல்லது கேட்டு வாருங்கள். நன்மைகள் அதிகமாகும். எதிர்ப்புகள் அகலும். தேவைகள் பூர்த்தியாகும்.
*********************************************************
கார்த்திகை-
பணவரவு, மனம் மகிழும் சுபச் செலவுகள் என ஏற்படும் வாரம்.
எடுக்கின்ற முயற்சிகள் அனைத்தும் முழு வெற்றியைத் தரும். பணத்தேவைகள் உடனுக்குடன் பூர்த்தியாகும். உத்தியோகத்தில் எதிர்பார்த்த பதவி உயர்வு கிடைக்கும். வேறு நிறுவனங்களுக்கு மாறும் முயற்சி முழு வெற்றியைத் தரும்.
வெளிநாடுகளில் வேலை எதிர்பார்த்தவர்களுக்கு இந்த வாரம் அதற்கான தகவல் கிடைக்கும். வியாபாரத்தில் நல்ல வளர்ச்சியும் முன்னேற்றமும் ஏற்படும் வியாபார நிறுவனத்தை இடமாற்றம் செய்யும் வாய்ப்பும் உண்டு. புதிய கிளைகள் தொடங்கும் வாய்ப்புகளும் உண்டு.
பெண்களுக்கு குடும்பத்தில் மகிழ்ச்சி நிலவும். குடும்பத்தில் சுப விசேஷங்கள் நடப்பதற்கான வாய்ப்புகள் உண்டு. சொந்த வீடு வாங்கும் முயற்சி வெற்றியாகும். மாணவர்களுக்கு கல்வியில் நல்ல முன்னேற்றம் ஏற்படும்.
சொந்தத் தொழில் செய்து கொண்டிருப்பவர்களுக்கு தொழிலுக்குத் தேவையான அனைத்து உதவிகளும் கிடைக்கும். கடன் பிரச்சினைகள் கட்டுக்குள் இருக்கும். வழக்குகள் உங்களுக்கு சாதகமாக மாறும். கலைத்துறையினருக்கு நல்ல வாய்ப்புகள் கிடைக்கும். ஒப்பந்தங்கள் ஏற்படும்.

இந்த வாரம் -

திங்கள் -
தொழில் தொடர்பு உடைய விஷயங்கள் அனைத்தும் சாதகமாக இருக்கும். எதிர்பார்த்த பணவரவு கிடைக்கும். வியாபாரத்தில் புதிதாக எடுக்கும் முயற்சிகளில் வெற்றி கிடைக்கும். வெளிநாடு செல்லும் முயற்சிகள் சாதகமாக இருக்கும். கலைத்துறையினருக்கு ஒப்பந்தங்கள் கிடைக்கும். பெண்களுக்கு ஆடை ஆபரணச் சேர்க்கை ஏற்படும்.

செவ்வாய் -
லாபம் தரும் வியாபார ஒப்பந்தங்கள் ஏற்படும். புதிய வாகனம் வாங்கும் எண்ணம் உண்டாகும். நீண்ட நாளாக வராமலிருந்த பணம் இன்று கிடைக்கும். சகோதரர்களுக்குள் ஒற்றுமை இருக்கும். தேவையான உதவிகள் ஒருவருக்கொருவர் பரிமாறிக் கொள்வீர்கள்

புதன் -
மனமகிழ்ச்சி தரும்படியான செய்திகள் கிடைக்கும். தொழில் தொடர்பாக ஒரு முக்கிய நபரை சந்திப்பதால் ஆதாயம் கிடைக்கும். புதிய வியாபாரப் பேச்சுவார்த்தைகள் சாதகமாக இருக்கும். புதிய ஒப்பந்தங்கள் ஏற்படும். மாணவர்களுக்கு கல்வியில் தேவையான உதவிகள் கிடைக்கும். பெண்களுக்கு திருமணம் உள்ளிட்ட சுபகாரிய பேச்சுவார்த்தைகள் சுமுகமாக முடிவடையும்.

வியாழன்-
வியாபார பேச்சுவார்த்தைகள் சுமுகமாக இருக்கும். அலைச்சல் அதிகரித்தாலும் ஆதாயம் உண்டு.எதிர்பாராத லாபங்கள் கிடைக்கும் வியாபாரத்தில் நல்ல வளர்ச்சி முன்னேற்றம் ஏற்படும்.நீண்ட நாளாக வராமலிருந்த பாக்கிகள் வசூலாகும்.

வெள்ளி -
வியாபார ஒப்பந்தங்கள் நிறைவேறும்.பூர்வீகச் சொத்து சம்பந்தமான விஷயங்கள் சாதகமாக இருக்கும். தந்தைவழி உறவுகளால் ஆதாயம் ஏற்படும். வீட்டிற்குத் தேவையான அத்தியாவசியப் பொருட்கள் வாங்குவீர்கள். ஆடம்பரப் பொருட்கள் வாங்கும் வாய்ப்பும் உண்டு.

சனி-
தேவையில்லாத செலவுகள் ஏற்படும். வீட்டு பராமரிப்புச் செலவுகள் கூடுதலாக இருக்கும். எதிர்பார்த்த ஒரு சில ஒப்பந்தங்கள் தள்ளிப் போகும்.

ஞாயிறு -
வியாபாரம் தொடர்பாக நீண்ட நாளாக சந்திக்க விரும்பிய நபரை இன்று சந்திப்பீர்கள். அவரால் ஆதாயம் கிடைக்கும். வியாபார பேச்சுவார்த்தைகள் முழுமையடையும். சுபகாரிய பேச்சு வார்த்தைகள் சுமுகமாக முடிவடையும். புதிய தொழில் தொடங்குவதற்கான முயற்சிகள் சாதகமாக இருக்கும்.

வணங்கவேண்டிய தெய்வம் -
ஸ்ரீதுர்கை அம்மனுக்கு பாலாபிஷேகம் செய்து வழிபடுங்கள். நன்மைகள் அதிகமாகும். தேவைகள் உடனுக்குடன் பூர்த்தியாகும்.
*************************************************