இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: குடும்பத்தில் சுபச் செலவுகள் அடுத்தடுத்து இருந்து கொண்டே இருக்கும். விருந்தினர், நண்பர்கள் வருகையால் வீடு கலகலப்பாகும். ஆனால் பேச்சில் நிதானம் அவசியம்.

ரிஷபம்: உறவினர்கள், நண்பர்கள் உங்களின் பெருந்தன்மையை, நல்ல மனதை புரிந்து கொள்வார்கள். ஆடை, ஆபரணங்கள் வாங்குவீர்கள். வீடு பராமரிப்பை மேற்கொள்வீர்கள்.

மிதுனம்: மனக்குழப்பம் நீங்கி தெளிவான முடிவுகள் எடுப்பீர்கள். குடும்பத்தில் மகிழ்ச்சி தங்கும். பிள்ளைகளின் நட்பு வட்டம் விரியும். பால்ய நண்பரை சந்தித்து மகிழ்வீர்கள்.

கடகம்: வெளிவட்டாரத்தில் செல்வாக்குக் கூடும். மகனுக்கு அயல்நாடு தொடர்புடைய நிறுவனத்தில் வேலை அமையும். சகோதரி உங்கள் வேலைகளை பகிர்ந்து கொள்வார்.

சிம்மம்: விமர்சனங்களும், தாழ்வுமனப்பான்மையும் வந்து போகும். பணம், நகையை கவனமாகக் கையாளுங்கள். அவசரப்படாமல் கொஞ்சம் நிதானமுடன் செயல்படுங்கள்.

கன்னி: மனோபலம் அதிகரிக்கும். எதிர்பார்த்த இடத்தில் இருந்து கடன் உதவி கிடைக்கும். வீடு, வாகனத்தை சீர் செய்வீர்கள். அடகு வைத்திருந்த நகை, சொத்துகளை மீட்பீர்கள்.

துலாம்: பழைய இடத்தை விற்று புது வீடு வாங்குவீர்கள். வழக்கில் வெற்றி பெறுவீர்கள். மூத்தர் சகோதரர் வகையில் உதவி கிடைக்கும். வீண் விவாதங்களில் தலையிட வேண்டாம்.

விருச்சிகம்: வீட்டை புதுப்பிக்க திட்டமிடுவீர்கள். சிலர் வீடு மாறுவீர்கள். தூரத்து உறவினர்கள் தேடி வருவார்கள். தாய்மாமன் வகையில் எதிர்பார்த்த உதவிகள் கிடைக்கும்.

தனுசு: பிள்ளைகள் கேட்டதை உடனுக்குடன் வாங்கித் தருவீர்கள். பூர்வீக சொத்தை மாற்றுவீர்கள். தாயாரின் ஆரோக்கியத்தில் அக்கறை காட்டுங்கள். அயல்நாடு செல்ல விசா கிடைக்கும்.

மகரம்: தாயாரின் உடல்நலம் சீராகும். வீடு கட்ட அரசு அனுமதி கிட்டும். உறவினர்கள், நண்பர்கள் உங்களை புரிந்து கொண்டு வலிய வந்து உதவுவார்கள். பணவரவு திருப்தி தரும்.

கும்பம்: வீடு, மனை வாங்குவது குறித்து குடும்பத்தினருடன் ஆலோசிப்பீர்கள். பணப்புழக்கம் அதிகரிக்கும். குடும்பத்தில் ஒற்றுமை பிறக்கும். சாமர்த்தியமாகப் பேசி காரியம் சாதிப்பீர்கள்.

மீனம்: யாரையும் அநாவசியமாக பகைத்துக் கொள்ளாதீர்கள். வீண் சந்தேகம், தாழ்வுமனப்பான்மை வந்து நீங்கும். அடுத்தவர் விவகாரங்களில் தலையிடாமல் இருப்பது நல்லது.