இந்தநாள் உங்களுக்கு எப்படி? 12 ராசிகளுக்கும் உரிய பலன்கள்

மேஷம்: உங்களின் நிர்வாகத் திறன் பளிச்சிடும். பணவரவு திருப்திகரமாக இருக்கும். பிள்ளைகளால் சமூக அந்தஸ்து உயரும். உறவினர்கள் மத்தியில் செல்வாக்கு அதிகரிக்கும்.

ரிஷபம்: எதிலும் உங்கள் கை ஓங்கும். உங்கள் வார்த்தைக்கு மதிப்பு கூடும். வாகனத்தை சீர் செய்வீர்கள். கடனாக கொடுத்த பணத்தை வசூலிப்பீர்கள். பால்ய நண்பரின் உதவி கிடைக்கும்.

மிதுனம்: அநாவசியமாக யாருக்காகவும் எந்த உறுதிமொழியோ, உத்தரவாதமோ தர வேண்டாம். சொத்து வாங்குவது, விற்பதில் வில்லங்கம் வந்து விலகும். கலைப்பொருட்கள் சேரும்.

கடகம்: புது வாகனம் வாங்குவீர்கள். எதிர்பார்த்திருந்த தொகை கைக்கு வரும். பிள்ளைகள் ஆக்கப்பூர்வமாக செயல்படுவார்கள். கணவன் - மனைவி இடையே அன்யோன்யம் அதிகரிக்கும்.

சிம்மம்: தொட்ட காரியங்கள் தடங்கல் இன்றி நிறைவேறும். உங்களின் ஆளுமைத் திறன் அதிகரிக்கும். பணவரவு சரளமாக இருக்கும். அரசியல் விஐபியின் உதவி கிடைக்கும்.

கன்னி: உறவினர்களின் கனிவான விசாரிப்பால் ஆறுதல் அடைவீர்கள். பிள்ளைகளால் பெருமையடைவீர்கள். மனைவிவழி உறவினர்கள் உங்கள் தேவையறிந்து உதவுவார்கள்.

துலாம்: நீண்ட நாட்களாக தொல்லை தந்த வாகனத்தை மாற்றுவீர்கள். கைமாற்றாக வாங்கியிருந்த பணத்தை தந்து முடிப்பீர்கள். கணவன் - மனைவிக்குள் நிலவிய ஈகோ பிரச்சினை தீரும்.

விருச்சிகம்: சவாலான காரியங்களைக்கூட எளிதாக செய்து முடிப்பீர்கள். உங்களின் தனித்திறமை அனைத்திலும் பளிச்சிடும். விஐபிகள் மத்தியில் செல்வாக்கு உண்டாகும்.

தனுசு: பிரபலங்கள் வீட்டு விசேஷங்களில் குடும்பத்துடன் கலந்து கொள்வீர்கள். பிள்ளைகளால் சமூக அந்தஸ்து உயரும். சொந்தபந்தங்களில் சிலர் உங்கள் உதவியை நாடுவார்கள்.

மகரம்: உங்களுடன் பழகிக் கொண்டே உங்களுக்கு எதிராக செயல்பட்டவர்களைக் கண்டறிந்து அவர்களை ஒதுக்குவீர்கள். இடம், பொருள் ஏவலறிந்து பேசுங்கள். புண்ணிய தலம் செல்வீர்கள்.

கும்பம்: வறட்டுக் கவுரவத்துக்காக சேமிப்புகளை கரைக்காதீர்கள். வேலைச்சுமை, திடீர் பயணங்கள் வந்து போகும். கடன் பிரச்சினை அதிகமாகும். கலைப்பொருட்கள் வாங்குவீர்கள்.

மீனம்: புதிய நண்பர்கள் அறிமுகமாவார்கள். நெடுநாட்களாக நீங்கள் பார்க்க நினைத்த ஒருவர் உங்களைத் தேடி வருவார். நவீன மின்சாதனங்கள் வாங்குவீர்கள். ஆடை, ஆபரணங்கள் சேரும்.