இந்த வாரம் இப்படித்தான் :  நட்சத்திர பலன்கள் - எந்தக் கிழமையில் என்னென்ன பலன்கள் - (விசாகம் முதல் உத்திராடம் வரை -  நவம்பர் - 4 முதல் 10 வரை).

ஜோதிடர் ஜெயம் சரவணன்

வாசகர்கள் அனைவருக்கும் வணக்கம். நட்சத்திர வாரபலன்களில் "பொதுப் பலன் என்னும் பகுதியில் நான் குறிப்பிடும் கிழமைகளின் பயன்பாடு என்பது மிக முக்கியமானது" என்பதை அறிவீர்களா?
இது "தார பலம்" என்பதாகும்.
இந்த தாரபலமானது மனித வாழ்க்கையின் நடைமுறைக்கு கூடுதல் பலம் சேர்க்கும் என்பது நிதர்சனமான உண்மை. பலன்களை நீங்கள் அனுபவிக்கும் போது தான் அதன் மகிமை பற்றி தெரிந்து கொள்வீர்கள்.

நான் குறிப்பிடும் கிழமைகளை சரியாகப் பயன்படுத்தி வெற்றிகளை குவித்திடுங்கள். வாழ்த்துக்கள். நன்றி.

விசாகம் -
நல்ல பலன்கள் உண்டாகும். இந்த வாரத்தில் ஒரு மிக முக்கியமான சம்பவம் ஒன்று உங்கள் வாழ்க்கை முறையை மாற்றியமைக்கும். திடீர் அதிர்ஷ்ட வாய்ப்புகளாக இருக்கலாம் அல்லது உங்களுக்கு சேர வேண்டிய சொத்து வகைகளாக இருக்கலாம். எடுக்கும் முயற்சிகள் அனைத்தும் வெற்றிகரமாக முடியும். குடும்பத்தில் அமைதி நிலவும். இல்லறம் சிறக்கும். திருமண முயற்சிகள் கைகூடும். புதிய முயற்சிகளில் ஈடுபட்டு வெற்றி காண்பீர்கள்.
உத்தியோகம் - வேலையில் எந்த பிரச்சினையும் இருக்காது. பதவி உயர்வு உள்ளிட்ட கௌரவங்கள் கிடைக்கும். அலுவலக விஷயமாக வெளியூர் அல்லது வெளிநாடு செல்ல வேண்டியது வரும். கூடுதல் பொறுப்புகள் கிடைக்கும். அரசு ஊழியர்களாக இருந்தால் பணி இடமாற்றம் பதவி உயர்வோடு இருக்கும். உங்கள் வளர்ச்சியில் பொறாமை கொண்ட சக ஊழியர்கள் அலுவலகத்தை விட்டு வெளியேறுவார்கள். சேவை சார்ந்த வேலை செய்வோர் நல்ல வாய்ப்புகளைப் பெறுவார்கள். பெரிய ஒப்பந்தங்களைப் பெறுவார்கள். தற்காலிக பணியில் இருப்பவர்களுக்கு பணி நிரந்தரம் கிடைக்கும்.

தொழில் -

தொழில் முன்னேற்றப் பாதைக்கு செல்லும். தடைகள் அகலும். அரசு வழி நெருக்கடிகள் காணாமல்போகும். வழக்குகள் உங்களுக்கு சாதகமாகும். தொழிலை விரிவுபடுத்த புதிய முயற்சிகளில் ஈடுபடுவீர்கள். தொழில் முதலீடுகளுக்கு அரசு உதவி, வங்கி கடன், முதலீட்டாளர்கள் என உதவிகள் தொடர்ச்சியாக கிடைக்கும். புதிய தொழில் தொடங்கும் ஆர்வலர்கள் இப்போது தொழிலை துவக்குவார்கள். அதற்காக இடம் தேடிக் கொண்டிருந்தவர்களுக்கு இப்பொழுது நல்ல இடம் கிடைக்கும். வியாபாரிகள் வளர்ச்சி காண்பார்கள்.
பெண்களுக்கு -

இதுவரை வேலை இல்லாதவர்களுக்கு இப்பொழுது வேலை கிடைக்கும். தற்காலிகப் பணி செய்து கொண்டிருந்தவர்களுக்கு பணி நிரந்தரமாகும். திருமணமாகாத பெண்களுக்கு திருமணம் உறுதியாகும். உறவினர் வகையில் நல்ல வரன் ஒன்று அமையும்.
மாணவர்களுக்கு -

கல்வியில் அற்புதமான முன்னேற்றங்கள் உண்டாகும். உயர்கல்விக்கான முயற்சிகள் இப்போது வெற்றி பெறும். தேர்வுகளில் நல்ல மதிப்பெண் பெறுவீர்கள்.
கலைஞர்களுக்கு -

புதிய ஒப்பந்தங்கள் உண்டாகும். திரைத் துறை சார்ந்தவர்களுக்கு பெரிய நிறுவனத்திடம் ஒப்பந்தம் உண்டாகும். நீண்ட நாளாக பேசிக் கொண்டிருந்த பேச்சுவார்த்தைகள் சுமூகமாக முடிந்து ஒப்பந்தங்கள் உண்டாகும்.
பொதுப்பலன் -

நல்ல காலம் பிறந்துவிட்டது. சரியாக பயன்படுத்தி உங்களுக்கு அதை ஸ்திரத் தன்மையாக மாற்றிக் கொள்ளுங்கள். பூர்வீகச் சொத்து சம்பந்தமாக வழக்குகள் முடிவுக்கு வரும். உங்களுக்கான பங்கு இயல்பாக வந்து சேரும். ஆரோக்கியத் தொல்லைகள் அகலும். மருத்துவச் செலவுகள் குறையும். உங்கள் மீதான அவமானங்கள் களங்கங்கள் துடைக்கப்படும்.
இந்த வாரம் -
திங்கள் - இன்று பேச்சுவார்த்தை நடத்த வேண்டாம். சில விஷயங்களை தள்ளிப்போடுங்கள் முக்கியமான முடிவுகள் எதையும் எடுக்க வேண்டாம்.
செவ்வாய் - பூமி சம்பந்தமான விஷயங்கள் சாதகமாக இருக்கும் நண்பர்கள் உதவுவார்கள் வெளிநாட்டிலிருந்து நல்ல தகவல் வரும். பணவரவு திருப்திகரமாக இருக்கும். ஒரு பெரிய கடனை அடைப்பதற்கு வழி கிடைக்கும்
புதன் - அனேக உதவிகள் கிடைக்கும். நிலம் சார்ந்த விஷயங்கள் சாதகமாக இருக்கும். தன வரவு திருப்திகரமாக இருக்கும். ஒரு மிகப்பெரிய தொகை கிடைக்கப் பெற வாய்ப்புண்டு.
வியாழன் - சற்று குழப்பங்கள் நீடித்து முடிவுகளை எடுக்க தடுமாறுவார்கள். எந்த வேலையும் கடைசி நேரத்தில் தான் முடியும்
வெள்ளி - எதிர்பார்த்த பணம் வந்து சேரும். எடுக்கின்ற முயற்சிகள் அனைத்தும் வெற்றி பெறும். . திருமணம் சம்பந்தமான பேச்சு வார்த்தைகள் திருப்தி உண்டாகும். திருமண செய்திகள் முடிவாகும்.
சனி- பயணங்களைத் தவிர்க்க வேண்டும். முக்கிய முடிவுகளை எடுக்கக் கூடாது. பேசும்போது நிதானத்தைக் கடைப்பிடிக்கவேண்டும். வீண் சண்டை சச்சரவுகளில் ஈடுபடக் கூடாது.
ஞாயிறு - சொந்த வீடு வாங்கும் எண்ணம் ஏற்படும். அதற்கான முயற்சிகளில் ஈடுபடுவீர்கள். தந்தைவழி உறவுகளால் ஆதாயம் ஏற்படும். தாயாரின் உடல்நலம் சிறப்பாக இருக்கும்.
வணங்க வேண்டிய தெய்வம் - தெட்சணாமூர்த்தி குருபகவானுக்கு மஞ்சள் வஸ்திரம் சாற்றி மூன்று நெய் தீபம் ஏற்றி வழிபடுங்கள். நன்மைகள் நடக்கும் ஆதாயங்கள் கிடைக்கும்.
***********************************************************
அனுஷம் -
அதிக நன்மைகள் நடைபெறும். எடுக்கும் முயற்சிகளில் வெற்றி உண்டாகும். குடும்பத்தில் குழப்பங்கள் இருந்தாலும் பெரிய பிரச்சினைகள் ஏதும் இருக்காது. அச்சம் கொடுத்துக்கொண்டிருந்த வழக்குகள் தள்ளிப்போகும். எதிரிகளும் எதிர்ப்புகளும் அடங்கியிருக்கும். மற்றவர்களுக்காக ஜாமீன் போடுவது கூடாது. யாருக்கும் வாக்குறுதி தரக்கூடாது. காசோலைகள் தரும்பொழுது கவனமாக இருக்க வேண்டும். சமூக வலைதள பயன்பாட்டில் எச்சரிக்கையாக இருக்க வேண்டும்.
உத்தியோகம் -

பணியிடத்தில் எந்த பிரச்சினையும் இருக்காது. அதே சமயம் வேலையில் நீங்கள் கவனமாக இருக்கவேண்டும். முடிவுகள் எடுக்கும் இடத்தில் நீங்கள் இருந்தால் கையெழுத்து இடுவதற்கு முன் கவனமாக படித்துப் பார்த்து கையெழுத்து இடவேண்டும். சக ஊழியர்களை நம்பி வேலையை பகிர்ந்து கொள்ளக்கூடாது. உங்கள் வேலையை நீங்களே முடிக்கப்பாருங்கள். வணிக நிறுவனங்களில் பணிபுரிபவர்கள் பொருட்களை கவனமாக கையாள வேண்டும்.
தொழில் -

தொழில் வளர்ச்சி நிதானமாக இருக்கும். இருக்கின்ற தொழிலை சரியாக கவனித்து வந்தாலே போதும். பெரிய லாபங்கள் ஏற்படும் என்று ஆசை காட்டி உங்களிடம் சில முதலீடுகளைப் பெற முயற்சி செய்வார்கள் அப்படிப்பட்ட நபர்களை தவிர்த்துவிடுங்கள். புதிய தொழில் தொடங்கும் எண்ணம் உடையோர் சரியாக திட்டமிட்டு அதன் பிறகு தொழில் தொடங்குங்கள். அவசர கோலத்தில் தொழில் தொடங்க வேண்டாம்.
பெண்களுக்கு -

ஆடம்பர விஷயங்களில் தள்ளியே இருங்கள். வெளி நபர்களிடம் பழகும் பொழுது கவனமாக இருங்கள். சமூக வலைதள பயன்பாட்டை குறைத்துக் கொள்ளுங்கள். தேவையற்ற சர்ச்சைகளை நீங்களே உருவாக்க வாய்ப்பிருக்கிறது. கருத்துக்களை சொல்லும் பொழுது நிதானம் தேவை. பணியிடத்தில் வேண்டாத பேச்சுக்கள் தவிர்க்க வேண்டும்.
மாணவர்களுக்கு -

கல்வியில் நல்ல முன்னேற்றம் உண்டு. ஞாபக சக்தி அதிகரிக்கும். உயர் கல்வி படித்தவர்கள் நல்ல மதிப்பெண்களைப் பெறுவீர்கள்.
கலைஞர்களுக்கு -

நல்ல வாய்ப்புகள் கிடைத்தும் ஒப்பந்தங்கள் உண்டாகும். பணவரவு திருப்தி தரும் அயல்நாடு செல்லும் யோகம் ஒரு சிலருக்கு உண்டு.
பொதுப்பலன் -

பிரச்சினைகள் எது வந்தாலும் அதை தவிர்க்கப்பாருங்கள். நீங்களாக பிரச்சினைகளை தேடிச் செல்ல வேண்டாம். ஜாமீன் போடுவது கடன் கொடுப்பது அறவே கூடாது. மிக முக்கியமாக கடன் இப்பொழுது வாங்கவே கூடாது. அதை அடைக்க முடியாமல் போய்விடும்.

இந்த வாரம் -
திங்கள் - உதவிகள் தேடி வரும். முகம் தெரியாத நபர் கூட உங்களுக்கு உதவுவார். பயணங்களால் லாபம் ஏற்படும். வெளிநாடு செல்வதற்கான முயற்சிகள் இன்று சாதகமாக இருக்கிறது
செவ்வாய் - எந்தச் செயலில் இறங்கினாலும் இந்த செயலினால் உங்களுக்கு லாபம் எதுவும் இருக்காது. மற்றவர்களுக்கு உதவி செய்தோம் என்ற திருப்தி மட்டுமே இருக்கும்.
புதன் - சாதகமான பலன்கள் நடைபெறும் வியாபாரங்கள் வெற்றியாகும் பணவரவு திருப்தி தரும்
வியாழன் - உதவிகள் கிடைக்கும். அயல்நாட்டு பயணங்கள் அது தொடர்பான முயற்சிகள் வெற்றியாகும் புதிய நண்பர் ஒருவர் மூலம் ஆதாயம் கிடைக்கும்.
வெள்ளி - குழப்பங்கள் அதிகமாகும். தெளிவாக சிந்திக்க முடியாது. போராட்டங்கள் அதிகமாக இருக்கும். அலைச்சல் அதிகமாகும்
சனி - பணவரவு தாராளமாக இருக்கும். எதிர்பார்த்த பண உதவி கிடைக்கும். வங்கிக்
கடன் பெறுவதற்கான முயற்சிகளில் இன்று இறங்கலாம்.
ஞாயிறு - பயணங்களைத் தவிர்க்கவேண்டும். அமைதியாக இருப்பதே நல்லது. தேவையற்ற விவாதங்களை தவிர்க்க வேண்டும்.
வணங்கவேண்டிய தெய்வம் - நவக்கிரகத்தில் இருக்கும் ராகு பகவானுக்கு கருப்பு நிற வஸ்திரம் சாற்றி நல்லெண்ணெய் தீபம் ஏற்றி வழிபடுங்கள். நன்மைகள் நடக்கும். குடும்பத்தில் அமைதி நிலவும்.
****************************************
கேட்டை -
எதிர்பாராத பண வரவு வந்து சேரும். முயற்சிகளில் வெற்றி கிடைக்கும். கணவன்-மனைவிக்குள் இருந்த கருத்து வேறுபாடுகள் மறையும். வழக்குகள் தள்ளிப்போகும். வேலைக்காக வெளிநாடு செல்லும் முயற்சியில் வெற்றி கிடைக்கும். இந்த வாரம் கடன் வாங்குவதைத் தவிர்க்க வேண்டும். நண்பர்களுக்கோ உறவினர்களுக்கோ ஜாமீன் தரக்கூடாது.
சேமிப்புகள் குறையும். ஒரு சில மருத்துவ செலவுகள் . ஏற்படும். குழந்தைகளின் ஆரோக்கியத்திற்கு செலவு செய்ய வேண்டியது வரும்.
உத்தியோகம் -

பணியிடத்தில் பெரிய அளவில் பிரச்சினைகள் ஏதும் இருக்காது.சக ஊழியர்களை ஓரளவுக்கு நம்புங்கள். உங்கள் அலுவல் சார்ந்த விஷயங்களை மற்றவர்களோடு பகிர்ந்துகொள்ள வேண்டாம். அது தவறாக சித்தரிக்கப்படும். உயர் அதிகாரிகளிடம் அனுசரித்து செல்லுங்கள். வணிக நிறுவனங்களில் பணிபுரிபவர்கள் சக ஊழியர்களிடம் பகைமை பாராட்ட வேண்டாம். மற்றவர்களை பற்றி குறை சொல்ல வேண்டாம். சேவை சார்ந்த வேலை செய்பவர்கள் ஓரளவுக்கு வருமானம் கிடைக்கப் பெறுவார்கள், குறித்த நேரத்தில் செய்து கொடுக்க முடியாமல் சில வேலைகள் தள்ளிப் போகலாம்.
தொழில் -

தொழிலில் சகஜமான நிலையே இருக்கும். அதிக முதலீடுகளை செய்ய வேண்டாம். தொழிலை விரிவுபடுத்துகிறேன் என்று அகலக்கால் வைக்க வேண்டாம். புதிதாக ஏதாவது தொழில் தொடங்க எண்ணம் இருந்தால் அதை சிறிது காலம் தள்ளிப் போடுங்கள். பெரிய கடன் வாங்கி தருகிறேன் என்று வருபவர்களை நிராகரியுங்கள். வழக்கு ஏதேனும் இருந்தால் தள்ளிப்போடுங்கள். ஏற்றுமதி இறக்குமதி தொழில் செய்பவர்களுக்கு பெரிய பாதிப்பு ஏதுமில்லை. வளர்ச்சி உண்டாகும். லாபம் நன்றாகவே இருக்கும்.
பெண்களுக்கு -

குடும்பத்தில் அனைவரையும் அனுசரித்துச் செல்லுங்கள் உங்கள் கோபங்களை வெளிக் காட்டாதீர்கள். குறைகளை சுட்டிக்காட்ட வேண்டாம். சொத்துப் பிரச்சினை ஏதும் இருந்தால் இப்போது அது சம்பந்தமாக எந்த பேச்சுவார்த்தையிலும் ஈடுபட வேண்டாம்.

மாணவர்களுக்கு -

கல்வியில் நிதானம் தேவை. கவனச்சிதறல் ஏற்படும். ஞாபக மறதி உண்டாகும். கடைசி நேரத்தில் தேர்வுகளில் அதிசயமாக தேர்ச்சி அடைவீர்கள்.
கலைஞர்களுக்கு - வாய்ப்புகள் வந்து சேரும். ஒப்பந்தங்கள் உண்டாகும். ஒப்பந்தங்கள் போடும் பொழுது கவனமாக படித்துப் பார்த்து ஏற்றுக் கொள்ளுங்கள்.
பொதுப்பலன் - ஒரு சில பிரச்சினைகள் இருந்தாலும் அதையெல்லாம் சமாளிப்பீர்கள். மனதைரியம் குறையாது. சிறுசிறு சஞ்சலங்கள் வந்தாலும் அதைப் பொருட்படுத்த வேண்டாம். பண வரவு இருந்தாலும் செலவுகளும் இருக்கும். ஆரோக்கியம் பற்றிய பயம் இருந்து கொண்டே இருக்கும். ஆனாலும் பெரிய அச்சுறுத்தல்கள் ஏதுமில்லை. வங்கியில் பணி புரிபவர்கள் பணத்தை கையாளும் பொழுது கவனமாக இருக்க வேண்டும்.
இந்த வாரம் -
திங்கள் - எந்த வேலை செய்தாலும் மற்றவர்களுக்கு ஆதாயம் கிடைக்கும் உங்களுக்கு எந்த நன்மையும் கிடைக்காது.
செவ்வாய் - பணவரவு திருப்திகரமாக இருக்கும். வியாபார விஷயங்கள் வெற்றியாகும். பயணங்களால் ஆதாயம் உண்டு.
புதன் -இன்று நீங்கள் எது செய்தாலும் அது மற்றவர்களுக்கு எரிச்சலை தருவதாக இருக்கும். நீங்களும் உணர்ச்சிகளை கட்டுபடுத்த வேண்டும். கோபத்தை வெளிக்காட்ட கூடாது.
வியாழன் -ஏராள நன்மைகள் நடக்கும். ஆதாயங்கள் அதிகமாக இருக்கும். எதிர்பார்த்த பணம் கைக்கு வந்து சேரும்.
வெள்ளி -வெளிநாட்டிலிருந்து நல்ல தகவல் வரும். வியாபாரங்கள் வெற்றியாகும். பல்வேறு உதவிகள் கிடைக்கும்.
சனி-முடிவுகளை எடுக்க முடியாமல் தடுமாறுவீர்கள். குழப்பமான மனநிலை உருவாகும். எந்த ஒரு விஷயமும் தாமதமாகிக் கொண்டே இருக்கும். ஒருசில முயற்சிகளில் மட்டும் நன்மைகள் நடக்கும்.
ஞாயிறு - எதிர்பார்த்த பணம் கைக்கு வந்து சேரும். எடுக்கின்ற எல்லா முயற்சிகளும் வெற்றிப்பாதையில் பயணிக்கும். அநேக நன்மைகள் ஏற்படும்.
வணங்க வேண்டிய தெய்வம் - ஸ்ரீநடராஜப் பெருமானுக்கு மலர்மாலை சூட்டி நெய் தீபம் ஏற்றி வழிபடுங்கள். நன்மைகள் அதிகமாகும். எதிர்ப்புகள் குறையும். எதிரிகள் காணாமல் போவார்கள் பணவரவு தாராளமாக இருக்கும்.
***********************************************
மூலம் -
மனதில் தேவையற்ற சிந்தனைகள் உருவாகும். குழப்பங்கள் தோன்றும். மனதில் எதையோ இழந்தது போல் தவிப்பீர்கள். கணவன் மனைவிக்குள் அடிக்கடி கருத்து வேறுபாடுகள் தோன்றும். உற்ற நண்பர்கள் கூட பகையாக மாறுவார்கள். தந்தைவழி உறவுகள் பகைமை பாராட்டுவார்கள். மனநலம் பாதிப்பு அடைந்ததைப்போல் உணர்வீர்கள். வீடு மாற்றும் சிந்தனை உருவாகும். ஒரு சிலர் சொத்துகளை விற்க முயல்வார்கள். கடன் நெருக்கடிகள் சற்று அதிகமாகவே இருக்கும். இதற்கெல்லாம் ஒரே தீர்வு மனதை ஒருநிலைப்படுத்த வேண்டும். ஆலயங்களுக்கு அடிக்கடி சென்று வர வேண்டும். குருவாக ஒருவரை ஏற்றுக்கொள்ள வேண்டும் அவரின் வழிகாட்டுதல்படி செயல்படவேண்டும். செலவுகளுக்கு ஏற்ற வருமானம் இருக்கும்.ஆகவே கவலை வேண்டாம்.
உத்தியோகம் -
வேலையில் முழுமையாக கவனம் செலுத்த முடியாது. ஏதோ ஒரு கவலை இருந்து கொண்டே இருக்கும். முக்கிய முடிவுகள் எடுக்க முடியாமல் திணறுவீர்கள். சக ஊழியர்களின் வெறுப்பிற்கு ஆளாக வேண்டியது வரும். உங்கள் வேலையில் நீங்கள் செய்யும் தவறுகளினால் கேலி கிண்டலுக்கு ஆளாவீர்கள் .இதுவரை வேலை இல்லாதவர்களுக்கு இந்த வாரம் நேர்முகத்தேர்வு அழைப்பு வரும் கடுமையான போட்டிகளை சமாளிக்க வேண்டியது வரும். சேவை சார்ந்த வேலை செய்பவர்கள் தங்கள் வேலையில் கவனமாக இருக்க வேண்டும். இல்லையென்றால் வாடிக்கையாளரை இழக்க வேண்டியது வரும்.
தொழில் -
தொழிலில் நிதானப் போக்கு வேண்டும். அவசரப்படக்கூடாது அகலக்கால் வைப்பது கூடாது. தொழிலுக்கு கடன் வாங்கித் தருகிறேன் என்ற பேர்வழிகளை நம்ப வேண்டாம். உங்கள் நிறுவன ஊழியர்களை கண்காணியுங்கள் அவர்கள் உங்கள் நிறுவனத்திற்கு எதிராக வேலை செய்வார்கள் அல்லது எதிரி நிறுவனத்துக்கு விலை போவார்கள். கூட்டுத் தொழில் செய்பவர்கள் இப்பொழுது தனியாக செய்வதற்கு முயற்சி செய்வார்கள். கூட்டாளிகளுக்கு ஒற்றுமைஇருக்காது.
பெண்களுக்கு
சேமிப்புகள் கரையும். ஆரோக்கியத்தில் சிறு சிறு பிரச்சினைகள் உருவாகும். குறிப்பாக கால் பாதங்களில் கால் பேச உதவுவது சுளுக்கு போன்றவை உருவாகும்.
சகோதர வழியில் ஆதரவு கிடைக்காது திருமணமாகாத பெண்களாக இருந்தால் திருமணம் நிச்சயமாகும். புத்திரபாக்கியம் இல்லாதவர்களுக்கு புத்திரபாக்கியம் உருவாகும்.
புதிய நபர்களிடம் பழகுவதை தவிர்க்க வேண்டும்.

மாணவர்களுக்கு - கல்வியில் குழப்ப நிலை உருவாகும். கல்வியை தொடரமுடியாமல் போகும் சூழ்நிலை உருவாகும். விடாமுயற்சி உங்களுக்கு வெற்றியை தரும்.
கலைஞர்களுக்கு - ஒப்பந்தங்கள் கிடைக்கும். வருமானம் பெருகும். நண்பர்களால் ஆதாயமுண்டு. ஒரு பெரிய காரியத்தை எளிதாக சாதிப்பீர்கள்.
பொதுப்பலன் - இந்தவாரம் பொருத்தவரை அமைதியாக கடந்து செல்வது நல்லது. புதிய முயற்சிகளில் ஈடுபடாமல் இருப்பது நல்லது. கணவன்-மனைவிக்குள் விட்டுக் கொடுத்து சென்றால் பிரச்சினைகள் வராது. இல்லை என்றால் பிரிவினையை நோக்கி செல்லும்.
எனவே ஒருவருக்கொருவர் விட்டுக் கொடுத்துச் செல்லுங்கள். எந்த பிரச்சிசனையையும் பேசித் தீர்த்துக் கொள்ளுங்கள்.
இந்த வாரம் -
திங்கள் - பண வரவு உண்டு. வீடு விற்பனை போன்ற விஷயங்கள் சாதகமாக இருக்கும் ஆரோக்கியம் மேம்படும்.
செவ்வாய் - இன்று செய்கின்ற செயல்கள் யாவும் பிறர் நலனுக்காகவே இருக்கும். உங்களுக்கு நல்ல பெயர் கிடைக்கும்.
புதன் - எடுக்கின்ற முயற்சிகள் அனைத்தும் வெற்றியைத் தரும். வெளிநாடு செல்லும் எண்ணம் உருவாகும். அதற்கான முயற்சிகளை எடுப்பீர்கள்.
வியாழன் - யாரிடமும் எதற்காகவும் வாக்குவாதம் செய்யாதீர்கள். அது உங்களுக்கு எதிராக மாறும் பேச்சை குறைத்துக் கொள்ளுங்கள்.
வெள்ளி - அரசு வழியில் ஆதாயம் ஏற்படும். வங்கிக் கடன் கிடைக்கும். பலவித உதவிகள் தேடி வரும்.
சனி- அயல்நாடு செல்லும் முயற்சிகள் வெற்றியாகும். வெளிநாட்டில் வேலை உறுதியாக கிடைக்கும். ஆன்மிகப் பயணங்கள் ஏற்படும்.
ஞாயிறு -மனம் அமைதி இல்லாமல் தவிக்கும். குழப்பங்கள் நிலவும். ஆலய வழிபாடு மன அமைதியைத் தரும்.
வணங்கவேண்டிய தெய்வம் - ஸ்ரீஅனுமனுக்கு வெற்றிலை மாலை அணிவித்து நெய்தீபம் ஏற்றி வழிபடுங்கள். எதிரிகள் வலுவிழப்பார்கள். துன்பங்கள் குறையும். பணவரவு உண்டாகும். மனதில் தைரியம் பிறக்கும்.
**************************************************
பூராடம் -
இந்த வாரம் முழுவதும் சுபச்செலவுகள் ஏற்படும். ஆன்மிக பயணங்கள் ஏற்படும். குலதெய்வ வழிபாடு செய்வீர்கள். குடும்பத்தில் இருந்த குழப்பங்கள் மெல்ல மெல்ல மறையும். எடுக்கின்ற முயற்சிகள் அனைத்தும் கடும் போராட்டத்திற்கு பின் கடைசி நேரத்தில் முடியும். எதிர்பார்த்த பணம் கடைசி நேரத்தில் கிடைத்து பிரச்சினைகளை தீர்ப்பீர்கள். நண்பர்களுக்காக உதவுகிறேன் பேர்வழி என்று ஜாமீன் எதுவும் போடாதீர்கள். அந்தக் கடனையும் நீங்களே கட்ட வேண்டிய நிர்ப்பந்தம் உண்டாகும். ஆரோக்கியம் சீராக இருக்கும்.

உத்தியோகம் -
பணியிடத்தில் வேலைகள் அதிகமாக இருந்தாலும் அழுத்தங்கள் இருக்காது. சக ஊழியர்கள் உங்களுக்கு உதவ மாட்டார்கள். அலுவலகத்தில் எதிர்பார்த்த பதவி உயர்வு தாமதமாகும் .இடமாற்றம் விரும்பினால் அந்த இடமாற்றமும் தாமதமாகும். இருக்கும் வேலையை விட்டுவிட்டு வேறு வேலைக்கு முயற்சி செய்பவர்கள் அதற்கான வாய்ப்புகள் இந்த வாரம் உண்டாகும். அயல்நாடு செல்லும் முயற்சிகள் வெற்றியாகும். அயல்நாட்டில் வேலை செய்பவர்களுக்கு பணி நீட்டிப்பு கிடைக்கும். சேவை சார்ந்த தொழில் செய்பவர்களுக்கு அலைச்சல் அதிகமாக இருக்கும். சிறு நிறுவனங்களில் பணிபுரிபவர்களுக்கு பணிச் சுமை அதிகமாகும். அலைச்சல் அதிகரிக்கும். ஆதாயம் உண்டு.
தொழில் -
உங்கள் நிறுவனத்திற்கு புதிய இயந்திரங்கள் வாங்குவீர்கள். பழுதடைந்த இயந்திரங்களை சரிசெய்ய ஒரு தொகை செலவாகும். எதிர்பார்த்த வங்கிக் கடன் இப்பொழுது கிடைக்கும். தொழிலை விரிவு படுத்துகிறேன் என்று செலவு செய்யவேண்டாம். ஏற்றுமதி இறக்குமதி தொழில் செய்பவர்களுக்கு ஒரு கஷ்டமும் இருக்காது.
இன்னும் சொல்லப்போனால் ஒப்பந்தங்கள் உண்டாகும். ஒரு சிலர் தொழிலை அப்படியே வேறு நபர்களுக்கு விற்றுவிடலாம் என்ற எண்ணம் வரும் அல்லது வேறு நிறுவனத்துடன் இணைத்து விடலாம் என்ற எண்ணமும் உருவாகும். இதில் எது உங்களுக்கு ஆதாயம் உடையதோ அதைத் தேர்ந்தெடுத்துக் கொள்ளுங்கள். மொத்த வியாபாரிகளுக்கு வியாபாரம் செழிக்கும். லாபம் உண்டாகும்.
பெண்களுக்கு
செலவுகள் அதிகமாகும். மருத்துவச் செலவுகளும் இதில் அடங்கும். சேமிப்புகள் கரையும். சகோதர வழியில் ஆதரவு கிடைக்காது. சகோதரரிடம் வருத்தங்கள் ஏற்படும். திருமணமாகாத பெண்களுக்கு திருமணம் நடக்கும். புத்திரபாக்கியம் இல்லாதவர்களுக்கு புத்திரபாக்கியம் உண்டாகும். ஒரு சிலர் பெரிய சொத்துக்களை விற்று, வேறு சில சொத்துக்களை வாங்குவீர்கள். சொந்தமாக தொழில் செய்யும் எண்ணம் உருவாகும், ஆனால், இப்போது வேண்டாம்.

மாணவர்களுக்கு
கல்வியில் சராசரி நிலையே இருக்கிறது. கவனச்சிதறல் ஏற்படும். ஆடம்பர விஷயங்களில் நாட்டம் ஏற்படும். நண்பர்களோடு ஊர் சுற்ற தோன்றும். இதை அனைத்தையும் தவிர்க்க வேண்டும்.
கலைஞர்களுக்கு
இசை நாட்டியம் துறை சார்ந்தவர்களுக்கு அயல்நாடு செல்லும் யோகம் உண்டு. கலை நிகழ்ச்சிகளில் கலந்துக் கொள்வீர்கள். அரசின் ஆதரவு உண்டு. அரசு கவுரவம் கிடைக்கும்.
பொதுப்பலன்
வரவும் செலவும் சமமாக இருக்கும். வீட்டில் சுபகாரிய நிகழ்வுகள் நடக்கும். திருமணம் போன்ற விஷயங்கள் உறுதிசெய்யப்படும். ஆரோக்கிய குறைபாடுகள் எதுவும் இருக்காது. சொத்து சம்பந்தமான பிரச்சினைகள் தள்ளிப் போகும்.
இந்த வாரம் -
திங்கள் -சாதகமான தகவல்கள் எதுவும் இருக்காது. பயணங்களைத் தவிர்க்க வேண்டும் புதிய முயற்சிகளில் இறங்க வேண்டாம்.
செவ்வாய் - நிலம் சம்பந்தமான ஆதாயம் ஏற்படும் வருமானம் அதிகரிக்கும். புதியஒப்பந்தங்கள் செயல்பாட்டுக்கு வரும்.
புதன் - எடுத்த காரியங்கள் அனைத்திலும் வெற்றிகள் உண்டாகும். உங்களுக்கு கிடைக்கவேண்டிய பங்கு வந்து சேரும்.
வியாழன் - ஆரோக்கியம் மேம்படும். கடன்கள் தீர வழி வகை கிடைக்கும். ஒரு பெரிய கடனை அடைக்க உதவிகள் கிடைக்கும்.
வெள்ளி - இன்று அமைதியாக இருப்பது நல்லது. யாரிடமும் எதற்காகவும் வாதங்கள் செய்ய வேண்டாம்.
சனி -பயணங்கள் ஏற்படுவதற்கான முன்னேற்பாடுகள் நடக்கும். அயல்நாட்டில் இருந்து நல்ல தகவல் வரும். உதிரி வருமானம் கிடைக்கும்
ஞாயிறு - பல்வேறு இடத்திலிருந்து உதவிகள் கிடைக்கும் அயல்நாடு செல்லும் வாய்ப்பு உறுதி ஆகும் சுபச் செலவுகள் ஏற்படும்
வணங்கவேண்டிய தெய்வம் - மகாலட்சுமி தாயாருக்கு வெண்தாமரை மலர் கொண்டு அர்ச்சனை செய்யுங்கள். வருமானம் அதிகரிக்கும். செல்வ வளம் சேரும்.
***************************************************
உத்திராடம் -
வருமானம் அதிகரிக்கும் . அதற்கேற்ற செலவுகளும் இருக்கும். எனவே செலவுகளைப் பற்றி கவலை வேண்டாம்.சொந்த வீடு வாங்கும் கனவு இப்பொழுது நனவாகும். வாடகை வீட்டில் இருப்போர் அந்த வீட்டையே இப்பொழுது சொந்தமாக்கிக் கொள்ள வாய்ப்பு இருக்கிறது. இதுவரை வேலை இல்லாதவர்களுக்கு இப்பொழுது நல்ல நிறுவனத்தில் வேலை கிடைக்கும். வெளிநாடு செல்லும் முயற்சிகள் வெற்றியாகும். சொத்து சேர்க்கை ஆபரணச் சேர்க்கை உண்டு.
உத்தியோகம்
பணியிடத்தில் சகஜமான நிலையே இருக்கும். ஊழியர்களுக்குள் ஒருவருக்கொருவர் உதவி செய்து கொள்வீர்கள். பணியிட மாற்றம் மகிழ்ச்சிகரமானதாக இருக்கும். பதவி உயர்வு ஏற்படும். அலுவலகத்தில் உங்கள் மீது ஏதேனும் நடவடிக்கைகள் எடுக்கப்பட்டிருந்தால் அது இப்போது கைவிடப்படும். வேலை இல்லாதவர்களுக்கு நல்ல வேலை கிடைக்கும். அயல்நாடு செல்லும் முயற்சிகள் வெற்றியாகும்.
தொழில் -

தொழிலில் எதிர்பாராத ஒப்பந்தங்கள் உண்டாகும். தொழில் சம்பந்தமான வழக்குகள் உங்களுக்கு சாதகமான தீர்ப்பு வரும். போட்டி நிறுவனங்கள் போட்டியிலிருந்து விலகிக் கொள்ளும். தொழிலை விரிவுபடுத்துவீர்கள். கிளை நிறுவனங்களை ஆரம்பிப்பீர்கள். புதிதாக தொழில் முனைவோர் அத்தனை வாய்ப்புகளையும் பெறுவார்கள். ஒரு சில நிறுவனங்கள் அயல்நாட்டு நிறுவனங்களுடன் இணைந்து செயலாற்ற வாய்ப்புகள் உண்டு. ஏற்றுமதி இறக்குமதி தொழில் நல்ல லாபத்தை தரும். ஆடை உற்பத்தியாளர்கள் அதிக ஆர்டர்கள் பெறுவார்கள். தேக்க நிலைகள் மாறும் வளர்ச்சி அதிகமாகும். அருமையான வாரம் இது.
பெண்களுக்கு
சொத்துப் பிரச்சினைகள் சுமுகமாகும். சகோதர வழியில் ஆதாயம் ஏற்படும். உங்கள் பெயரில் சொத்துக்கள் வாங்குவதற்கு வாய்ப்புண்டு. அரசு பணி எதிர்பார்த்தவர்களுக்கு இப்பொழுது அரசு பணி கிடைக்கும். திருமணமாகாத பெண்களுக்கு இப்பொழுது திருமணம் உறுதியாகும். குழந்தை பாக்கியம் இல்லாதவர்களுக்கு குழந்தை பாக்கியம் உண்டாகும்.
மாணவர்களுக்கு
கல்வியில் நல்ல முன்னேற்றம் உண்டு. அயல்நாட்டு கல்விக்கு முயற்சி செய்தவர்கள் இப்பொழுது அந்த முயற்சி வெற்றியாகும். ஆசிரியர்களின் ஆதரவு கிடைக்கும்.
கலைஞர்களுக்கு
வாய்ப்புகள் அதிகமாக வரும். ஒப்பந்தங்கள் உண்டாகும். இசைத்துறை நாட்டியத் துறை சேர்ந்தவர்களுக்கு அயல்நாட்டில் கலை நிகழ்ச்சிகள் நடத்த வாய்ப்புகள் கிடைக்கும். வருமானம் அதிகமாகும். சொத்து சேர்க்கை உண்டு.
பொதுப்பலன்
பொன்னான நேரத்தை சரியாக பயன்படுத்தி கொள்ளுங்கள். செலவுகள் அதிகமாக இருந்தாலும் செலவுகளை தாண்டி பணம் மிச்சமாகும். சேமிப்புகள் உயரும் . தர்ம காரியங்கள் செய்ய முற்படுவீர்கள். ஆன்மிக பயணங்கள் ஏற்படும். வாழ்க்கையில் தோற்ற ஒருவருக்கு உதவி செய்வீர்கள்.

இந்த வாரம்
திங்கள் - பணவரவு அதிகரிக்கும் . எடுத்த காரியங்கள் அனைத்தும் வெற்றியாகும் . முயற்சிகள் அனைத்தும் வெற்றிப் பாதையை நோக்கிச் செல்லும். தனலாபம் வரக் கூடிய செயல்கள் அனைத்தும் நடந்தேறும்.
செவ்வாய் - பயணங்களைத் தவிர்க்க வேண்டும். வீண் பிரச்சினைகளில் தலையிடக் கூடாது. வாக்குவாதங்களில் ஈடுபடக் கூடாது. தேவையில்லாத விஷயங்களில் தலையிட்டு பிரச்சினைகளை வளர்த்துக் கொள்ளாதீர்கள்.
புதன் - சொத்துக்களால் ஆதாயம் ஏற்படும். பண வரவு உண்டு. பயணங்களால் லாபம் ஏற்படும். தாயாருக்கு உடல் நலம் மேம்படும். தாய்வழி உறவுகளால் நன்மை ஏற்படும்.
வியாழன் -இன்று செய்யும் செயல்கள் யாவும் பிறருக்கு நன்மையாகவும் உங்களுக்கு பெருமை மட்டுமே கிடைக்கும் . பிறருக்கு உதவி செய்து மனமகிழ்ச்சி கொள்வீர்கள்.
வெள்ளி - கடன்கள் தீர வழி கிடைக்கும் . வங்கிக்கடன் இப்பொழுது உங்களுக்கு கிடைப்பதற்கு வாய்ப்பு இருக்கிறது . தனிநபர் கடன்கள் அனைத்தும் அடைப்பதற்கு வாய்ப்புகள் உள்ளன.
சனி - நீங்கள் எதைச் செய்தாலும் அது மற்றவர்களுக்கு எரிச்சலை தருவதாக இருக்கும். எனவே அமைதி காப்பது நல்லது. நீங்கள் உதவி செய்யப் போய் அது உங்களுக்கு உபத்திரவமாக முடியும்.
ஞாயிறு - அதிக நன்மைகள் கிடைக்கும். ஆன்மிகப் பயணம் மேற்கொள்வீர்கள். தொலைதூரப் பயணங்கள் உறுதியாகும் . எதிர்பார்த்த பணம் கைக்கு வந்து சேரும் . முக்கிய நபரை சந்தித்து முக்கிய முடிவுகளை எடுப்பீர்கள்.
வணங்கவேண்டிய தெய்வம் - நவக்கிரகத்தில் இருக்கும் அங்காரக பகவானுக்கு செந்நிற ஆடை அணிவித்து செவ்வரளி மலர்களால் அர்ச்சனை செய்து வழிபடுங்கள். நன்மைகள் அதிகமாகும். மனம் அமைதியாக இருக்கும். எதிர்ப்புகள் அகலும்.

**************************************